2011年11月23日星期三

俊美皮囊下的卑劣靈魂

.

藝人中當然也有好的,但在娛樂圈這個大染缸,好者又有幾人?陳嘉桓說前輩像變了第二種人,沒有,他們只是做回自己,在鏡頭後粉絲耳目之外的自己而已!

這世界,有兩個行業很賺錢,但形象與內涵卻可以最背馳的,一就是藝人,二就是球員 (尤其是足球員) 。藝員在漂亮俊朗,華裝盛服之下,儘多是智慧低下或是道德侷促不堪的,之前的滛照事件已經說盡一切,今次夜店人狼,卑劣之處比前述事件有過之而無不及,因為那是公然的侵犯,是對一位女性的侮辱與褻瀆。

所以每一次我看見粉絲們為偶象歡呼情迷,我都不以為然,尤其是那些初出道,或者泡來泡去都只是比跑龍套好些少的奀星,道德都未經考驗,演藝未窺堂奧,情迷乜鬼呢?向一位賤男,甚至是色魔歡呼?玩咩!
.
.
.
去年今日:忠烈祠
.

33 則留言:

Armadillo 說...

某人狼先搞笑,明明係想避吓風頭,都要講成閉門思過,而家當人傻嘅咩!

新鮮人 說...

無留意添,
好似好大鑊咁喎,
堅定流無人知。

laulong 說...

Arma:

嗰兩條友即刻出晒啲自我防禦機制,抵賴喇、當無嘢喇,做善事喇,真係醜態百出!




新鮮:

唔止一張相架,你上網摷吓,或者睇吓啲八卦雜誌,好鬼狼架,有賍有證,冇得詆賴。

熱血艾德 說...

希望他們懂得尊重人尊重自己

laulong 說...

艾德:

睇佢地嘅狼相,好嘔心!

Coffee 說...

今日聽一同事講話睇到一些附照片的報導,話當時有十幾人在場一同食飯,話有啲相見案中女藝人是笑ing的,後來見被記者影了相,便轉臉稱被侵犯。

我認為,女人如果被不是自己愛的人觸摸,第一下已一巴掌車過去了!

所以不知真相如何呢?

laulong 說...

該不像罷,你上網看陳嘉桓的委屈無助樣,該不是扮出來的。若說見到記者影相,那麼就只得女的見到?男的見不到?若男的見到還這樣,他們就更禽獸了!

至於女人的反應,未必個個都有勇氣反抗,你看看地鉄裏受性侵的大部分女性都啞忍便知道。

Coffee 說...

我剩係睇到報紙的,單從報紙睇,嗰二男都已很賤,至於其他報導,我只是午飯時聽同事講的。

講到地鐡,我自己體會係一對方未必有心的;二坐著時挨過來,我已即刻坐出啲,唔通咁樣又鬧人咩?

但睇報紙啲相已去到咁惡劣的情況,已不是挨下或其他輕微動作,我理解不到女的點解仲會啞忍,因為女性的心理特性會令女人很憤怒。試過在地鐡有男人一嘢挨過來(瞓著!?),我好忟,即刻用腳踢返佢咯,咩事呀!

laulong 說...

很多女性都怕事,同時又多會想對方是否無意,要嘈起上來又要面對眾人的目光。其實應該像你一樣有勇氣才是。

陳嘉桓就更難作出恰當反應,正如她說,他們是前輩,熟人,19歲的小妮子確是會不知所措的!

the inner space 說...

留意到最右邊個位女生處之泰然,以女性都不幫助女性,反而似在講手機作現場報導。

是一貫的平常慣事 or 如小悅悅事件般漠視!

Ebenezer 說...

陳冠希賤極,D女都係心甘命抵俾佢搞;呢兩條友監粗嚟搞人,其實先係賤中之賤,應該見鑊打鑊!

laulong 說...

Inner:

其實可能仲反映多一樣嘢,就係哩兩條友慣咗咁,熟佢地嘅工作人員已經見怪不怪,若果真係咁,狎辱女性哩種文化就真係 PK 喇!




Eben:

係咯,睇見陳嘉桓不情不願嘅委屈樣,對哩兩條友嘅行為真係髮上指冠!

SKII 說...

所以我一啲都唔明而家果啲乜星有乜好“崇拜”!

Desertfox 說...

球员只能故意输,不能故意赢。所以长胜球队的主力起码要踢出真功夫才能赢得尊重。而愚乐圈的人却是越假越赢得尊重。

当然,足球员在场外的行为,我却没眼看。

laulong 說...

S:

崇拜偶像是一種肯定自我存在與價值的心理反射,只是啲人亂咁拜,垃圾都拜一餐,真無謂!




Desert:

你分析對極了,愚乐圈的人却是越假越赢得尊重,所以以前有人說戲子無義,當然也不是全部如此。

好多球員啲私德,嚇死人!

largeheadboy 說...

沒有怎樣留意這新聞,本來一直以為男方女方都有問題(當然嗰兩位賤男問題大得多),但係睇到呢張相我就好同情個女仔。

匿名 說...

見陳嘉桓成為餓狼點心, 真係慘!

自由

五珍 (Jan Ng) 說...

以前的影星會純良一些吧?如蕭芳芳,高貴動人。還是有太多鎂光燈下看不到的面目?

laulong 說...

大頭哥:

佢父母睇到就更心痛了!




小行:

所以要譴責餓狼,要佢地受法律同道德嘅批判!




珍:

以前歡樂今宵有條木人巷,聽講連波叔都會揩吓女藝員油,但不會離譜到來個徹底的非禮!

禮樂崩壞如冰山之崩塌罷,初慢而後更快!

the inner space 說...

新相片中兄台能親身遊覽實物的虎豹別墅羨慕羨慕!

Coffee 說...

嘩!校長側邊張相有型到呀!

laulong 說...

Inner:

即係表示我年紀大咯 :(

可惜是我沒有影低那十八層地獄的浮雕。




Coffee:

真係? ^^

我諗咗好耐放唔放出黎,驚俾 blog 友笑 >.<

hollycowplanet 說...

從不關心藝人的一舉一動!

魔術師 說...

>嗰兩條友即刻出晒啲自我防禦機制,抵賴喇、當無嘢喇,做善事喇,真係醜態百出!

仲可以入教信主, 然後claim自己受到神的感召改過,以後唔再玩呢啲課外活動,知錯能改善莫大焉咁話。

the inner space 說...

希望劉朗兄不要介意! 60後70後生的一兩代回頭看看是否比80後90後無論各方面都優勝呢?

不用談尖子,單以學業看各方面的 average 基本功,都比較紮實!


另因為兄台這篇文章我留意到昨天的記招,
疑凶的眼淚和場戲做得太假和over咗啲。


those are my thoughts

Orz sPace 頓首

the inner space 說...

50後的戰後嬰兒潮一輩基本功更加強勁!
當年只得兩所大學,能打進高等學府皆人中龍鳳!

laulong 說...

牛牛:

是的,我也沒興趣。只是藝人為公眾提供娛樂,形像影響力大,不檢點就成了公害。




魔術師:

佢地仲應該拜陳樞機為師,來個絕食視線轉移,跟住乜嘢事就冇發生過喇!




Inner:

太過譽喇,早期入大學者只是痴長人十年廿載,現在社會上很多混帳人也是那些年代的大學生,我也是看得深痛惡絕的。人的面目,是整個生命歷程塑造出來的。

陳狼昨晚的告解,我只從報章上窺些鱗爪,感覺他也非真心。唉,他的錯,又豈是偶然的行為呢?那是他的基本人格!

匿名 說...

其實愚樂圈都係大染缸,男女米又系胡天胡帝,大家做場戲提升下知名見報啫!真系吾洗太認真!個女仔係幾多歲?正經人家點捨得比個女入愚圈重上大陸拍戲,我就算無飯開都吾捨得。入得愚遇左會比人搞。米好似好無知扮弱者示人

路人甲

laulong 說...

你的一般看法我是不敢苟同的,那是徹徹底底的娛圈地下潛規與價值,把裏面有不情願的被搞也正常化合理化,這不是很可悲嗎?

正經人家點捨得比個女入愚圈重上大陸拍戲?原來演藝者人家都是不正經的?返大陸拍戲就是不正經的?

嗯,接受唔到!

匿名 說...

你的看法很偏執婦孺,我不讚成子女進娛圈並不代表說所有娛圈的人都不正經。







路人甲

laulong 說...

嗯,這就合理了!

文少 說...

查實我覺得﹐呢兩兜友查實係恃醉行兇...
又﹐我識好多老表﹐一落夜場飲兩杯屎水﹐就真係會變成另一個人。

laulong 說...

酒能亂性,但若無潛藏的那種性,要亂也亂不起來。我以前都試過醉到啤啤夫,但從冇搞人喎!