2011年12月5日星期一

我只想靜靜的吃個早餐

網上照片

生平不是聊天的高手,更何況早上醒來,魂魄還未百分百回來,眼簾還未百分百打開,聊甚麼呢?所以我還是避了跟相識的同行搭上同一部巴士,情願遲一點,好讓自己走一段靜靜的車程,在不常滿的巴士上層,翹著腿,斜倚著,一面看窗外的街景,一面悠然的吃我簡單得可以的早餐。

巴士內不可飲食,當然我知道,但這兩年多來,我從沒有弄髒過車廂,也沒引起過乘客的不滿,甚至注目也沒有,大家在車廂上各有各的,讀報、看路訊通、看街、打遊戲機、瞌睡,誰也沒留意我這個早餐在解決中的伯伯。

這二十多分鐘的車程,真的很愜意。只可惜不再見到那 女郎 了,她該是轉了工罷,該在繁華鬧市的另一個場景,把優美送到另一些人的眼眸裏,而我這邊,就幽幽地失色了。
.
.
.
相關文章:如常的第四站
.
.

33 則留言:

Ebenezer 說...

冇美女送早餐,係唔係冇咁好味呢?^^

Unknown 說...

那位女郎真的很吸引?

卡臣 說...

人地電視撈飯,你就靚女送早餐

L L 說...

Eben:

直頭喇,無秀色可餐,真係冇咁好味!




艾德:

係呀,不算很美,但有氣質有性格!




卡卡:

以前就係,依家冇得撈喇,好寡 :(

五珍 說...

以前讀書時,我也常在車上吃早餐,巴士沒地鐵那麼嚴。

L L 說...

嗯,只要不影響別人,就好了!聽說地铁也計劃寬鬆一點。

naruto 說...

簡單得可以的早餐...即係乜呢?打邊爐?

L L 說...

呵呵,一個叉燒飽,一杯熱奶茶,讓我品味早晨,好正!

魔術師 說...

英雄所見略同,我也很享受搭乘同一班車,跟眼熟但不知名字的美女同車的感覺.

巴士女孩:
http://magician__yang.mysinablog.com/index.php?op=ViewArticle&articleId=694505

L L 說...

看了,在你身旁,巴士女生團團轉啊 :)

文少 說...

你上次用陳百強的《漣漪)
今次係咪要用陳百強的《幾分鐘的約會》呢﹖(閃)

L L 說...

冇咯,我都想有,幾秒鐘讓我看見伊人風采依然,已足夠了!

其他意見,我午膳自己時間或放學後才覆你了。

largeheadboy 說...

我都好珍惜朝早坐巴士返工嗰程
所以唔該巴士個電視唔好咁大聲

韻味熊貓 說...

校長:

伊人可能改坐地鐵,或者步行。你改下上班的習性交通工具,可能會.....柳暗...跟住...花明.....

新鮮人 說...

恕我直言,
雖然你没有弄髒車廂,
但車內不許飲食,
我們還是遵守為上,
因為人人這樣做就有產生問題了,
以身作則!

在巴士上我愛看街景,
愛觀察別人,
但不愛吃早晨,
一頓好的早晨除了食物外,
地點也很重要,
我較喜歡坐下來,
在寧靜或舒服的地方慢慢吃,
這才有味道!

Armadillo 說...

一段可歌可泣嘅巴士情緣,唔會就咁無疾而終嘅,我諗上天會另有安排囉!

L L 說...

大頭哥:

資訊霸權無處不在,幸好依家巴士上路訊通都算細聲。




佛爺:

冇啦,人海茫茫,該冇機會再見咯,留一個漸淡漸淡的形象,就是了。




新鮮:

我都知。我都好克制,在巴士下層我絕對不吃,就算唔整污糟都冇理由叫人睇我嘅食相。上層若我旁边冇人,對他人影響是零。




Arma:

勉強都叫做歌嘅,但講唔上泣咯!有些人,我望吓就滿足架喇,幾廿歲人,唔好嚇親佢喇!

匿名 說...

巴士上飲熱奶茶,我想真係要一身好武功!如果係我一定成杯淋落身到!

自由

L L 說...

haha, 小行,師傳因時制宜,燈前飲,埋大站飲,so far 冇整到一身都係 (touch wood 咯 , 呵呵)

the inner space 說...

E+ 咖啡茶的紙杯蓋子都有個位打開小許方便飲用不會 spill 到一褲子都喺!

L L 說...

我買嗰啲早餐平到你唔信,11元連叉燒飽連熱飲,所以係用最普通嘅紙杯,真係會倒瀉架!

Coffee 說...

校長,帶回學校才食罷,如冷了,可用微波爐叮一叮便可。坐在辦公室邊吃早餐邊看看報紙,一大享受也,試下啦:)

L L 說...

不,以前我就係如此,自從有一次個叉燒飽剛出爐不久仲熱,我忍唔住就在車上食了,哇不得了,好食到哩,自此就開始了這習慣,我真是很享受的!

火女 說...

等我明天都去買個叉燒包 :p

我返工就通常會在巴士上睡, 不過巴士的電視有時都好大聲的!

L L 說...

女女:

唔好買美心嘅,唔掂,風都吹得起!

匿名 說...

火女:返工搭車可以訓覚,好妒忌呀!

自由

L L 說...

小行:

師傅都瞓唔到,最想瞓嘅都係飯後!

eric 說...

我每日行路返工,又喺廿分鐘,冇乜機會睇到靚女;不過有新鮮空氣補償!

L L 說...

新鮮空氣喺香港愈來愈罕有喇,中環銅鑼灣間有美女,但空氣差到暈,睇埋睇埋唔夠蝕 :(

火女 說...

爸爸:
我會買唐記!又平又正呀!

行姐:
但係有時好犯賤地,成程車都瞓唔著眼光光!就會覺得好蝕 :p 成個鐘架嘛!

L L 說...

我買的那間 V8, 真係好正 :p

巴黎旅客 Voyageuse de Paris 說...

人與人之間的存在
默默地記進心裡....

L L 說...

嗯,我是很珍惜的。