 |
| 網上照片 |
生平不是聊天的高手，更何況早上醒來，魂魄還未百分百回來，眼簾還未百分百打開，聊甚麼呢？所以我還是避了跟相識的同行搭上同一部巴士，情願遲一點，好讓自己走一段靜靜的車程，在不常滿的巴士上層，翹著腿，斜倚著，一面看窗外的街景，一面悠然的吃我簡單得可以的早餐。
巴士內不可飲食，當然我知道，但這兩年多來，我從沒有弄髒過車廂，也沒引起過乘客的不滿，甚至注目也沒有，大家在車廂上各有各的，讀報、看路訊通、看街、打遊戲機、瞌睡，誰也沒留意我這個早餐在解決中的伯伯。
這二十多分鐘的車程，真的很愜意。只可惜不再見到那 女郎 了，她該是轉了工罷，該在繁華鬧市的另一個場景，把優美送到另一些人的眼眸裏，而我這邊，就幽幽地失色了。
.
.
33 則留言:
冇美女送早餐，係唔係冇咁好味呢?^^
那位女郎真的很吸引?
人地電視撈飯，你就靚女送早餐
Eben：
直頭喇，無秀色可餐，真係冇咁好味！
艾德：
係呀，不算很美，但有氣質有性格！
卡卡：
以前就係，依家冇得撈喇，好寡 :(
以前讀書時，我也常在車上吃早餐，巴士沒地鐵那麼嚴。
嗯，只要不影響別人，就好了！聽說地铁也計劃寬鬆一點。
簡單得可以的早餐...即係乜呢？打邊爐？
呵呵，一個叉燒飽，一杯熱奶茶，讓我品味早晨，好正！
英雄所見略同,我也很享受搭乘同一班車,跟眼熟但不知名字的美女同車的感覺.
巴士女孩:
http://magician__yang.mysinablog.com/index.php?op=ViewArticle&articleId=694505
看了，在你身旁，巴士女生團團轉啊 :)
你上次用陳百強的《漣漪）
今次係咪要用陳百強的《幾分鐘的約會》呢﹖(閃)
冇咯，我都想有，幾秒鐘讓我看見伊人風采依然，已足夠了！
其他意見，我午膳自己時間或放學後才覆你了。
我都好珍惜朝早坐巴士返工嗰程
所以唔該巴士個電視唔好咁大聲
校長：
伊人可能改坐地鐵，或者步行。你改下上班的習性交通工具，可能會.....柳暗...跟住...花明.....
恕我直言,
雖然你没有弄髒車廂,
但車內不許飲食,
我們還是遵守為上,
因為人人這樣做就有產生問題了,
以身作則!
在巴士上我愛看街景,
愛觀察別人,
但不愛吃早晨,
一頓好的早晨除了食物外,
地點也很重要,
我較喜歡坐下來,
在寧靜或舒服的地方慢慢吃,
這才有味道!
一段可歌可泣嘅巴士情緣，唔會就咁無疾而終嘅，我諗上天會另有安排囉！
大頭哥：
資訊霸權無處不在，幸好依家巴士上路訊通都算細聲。
佛爺：
冇啦，人海茫茫，該冇機會再見咯，留一個漸淡漸淡的形象，就是了。
新鮮：
我都知。我都好克制，在巴士下層我絕對不吃，就算唔整污糟都冇理由叫人睇我嘅食相。上層若我旁边冇人，對他人影響是零。
Arma：
勉強都叫做歌嘅，但講唔上泣咯！有些人，我望吓就滿足架喇，幾廿歲人，唔好嚇親佢喇！
巴士上飲熱奶茶，我想真係要一身好武功！如果係我一定成杯淋落身到！
自由
haha, 小行，師傳因時制宜，燈前飲，埋大站飲，so far 冇整到一身都係 (touch wood 咯 , 呵呵)
E+ 咖啡茶的紙杯蓋子都有個位打開小許方便飲用不會 spill 到一褲子都喺！
我買嗰啲早餐平到你唔信，11元連叉燒飽連熱飲，所以係用最普通嘅紙杯，真係會倒瀉架！
校長，帶回學校才食罷，如冷了，可用微波爐叮一叮便可。坐在辦公室邊吃早餐邊看看報紙，一大享受也，試下啦:)
不，以前我就係如此，自從有一次個叉燒飽剛出爐不久仲熱，我忍唔住就在車上食了，哇不得了，好食到哩，自此就開始了這習慣，我真是很享受的！
等我明天都去買個叉燒包 :p
我返工就通常會在巴士上睡, 不過巴士的電視有時都好大聲的!
女女：
唔好買美心嘅，唔掂，風都吹得起！
火女：返工搭車可以訓覚，好妒忌呀！
自由
小行：
師傅都瞓唔到，最想瞓嘅都係飯後！
我每日行路返工，又喺廿分鐘，冇乜機會睇到靚女；不過有新鮮空氣補償！
新鮮空氣喺香港愈來愈罕有喇，中環銅鑼灣間有美女，但空氣差到暈，睇埋睇埋唔夠蝕 :(
爸爸：
我會買唐記！又平又正呀！
行姐：
但係有時好犯賤地，成程車都瞓唔著眼光光！就會覺得好蝕 :p 成個鐘架嘛！
我買的那間 V8, 真係好正 :p
人與人之間的存在
默默地記進心裡....
嗯，我是很珍惜的。
發佈留言