時 |
一切當然事出有因，這位出道初幾次被球會棄用，只能借宿兄長家睡梳化的二線球員，卻在紐約人兩位主力球員傷出後，無人可用時被派上陣，卻能一次又一次的向世人證明他的入球能力，甚至能帶動球隊取得勝利。
這是一個球壇上的灰姑娘故事，林書豪打破了身形與膚色的局限，在他的戰場上闖出了個奇蹟。這故事，令很多有實力但懷材不遇的人滿足了，令很多命途阻滯還在奮鬥爭扎的人釋懷了。對，人生只要來一個機會，低沉的生命就可以高飛，黯黑的路途仍可以璀璨。
一個弱勢奮起的真人示範，我津津樂道。更何況我年輕時也很愛籃球，我享受過很多個汗水揮發的下午黃昏，很多個令人暢快的入球，在眾多 NBA 高大球員包圍下的林書豪，頓然間有了很多個你和我的影子。
.
.
.
18 則留言:
華人之光
本來我都想寫下佢,不過太多人寫咗lu
原來校長都愛打籃球?哈哈,我都係呀!
上網睇番佢嘅訓練(未係NBA前),都幾恐怖...
佢因為一個機會,又因為佢巳經預備好,造就咗佢呢個灰姑娘嘅故事
希望紐約人果兩位主將返黎之後,唔好覺得風頭被搶,然後放軟黎打,咁就大獲
五連勝後，其他NBA的球隊，會有專人分析林書豪，看小動作，看眼神，看形態，去了解每一個球員，供球隊教練，作出針對性部處！
對林書豪的籃球夢，可能是短暫的 awakening，錢途前途並不看好！
校長︰
今朝打開報紙二個新聞人物，一個走咗，另一個就跑出。
跑出呢個好嘢呀！
好一個可以鼓勵年青人的故事。
卡卡：
冇乜優厚條件卻跑出黎，特別令人尊敬！
minor：
後生仔仲要經過很多考驗，兩個主將番黎後佢如何定位好緊要，希望佢續發光芒咯！
至於愛打籃球，我已經剩得個睇字喇，我太老喇，你就仲砌得。
inner：
做唔做到名將，就要睇佢嘅適應力，正如佐敦、高比一樣會俾人針對性睇路，但兩位都能夠成為籃球之神，我反而覺得體力係佢輸蝕嘅！
Coffee：
走咗嗰個係边個呀？跑出哩個梗係好嘢！
Eben：
唱一曲：斜陽裏氣魄更壯 ....
下！哦，雲妮。
哦，好多喺藝壇上成功嘅人都係過唔到自己，太豐裕了就變得放縱，最終招敗！
其實佢只係啱啱開始，咁快下定論又好似早咗啲！不過咁網上已經掀起佢係華裔定台裔之爭（好多人覺得係兩樣唔同嘅嘢），真係令到人唔多舒服囉！
哈哈...老？我唔覺你係喎，大把人年記大過你都重打緊...XD
佐敦、高比有嘅係天賦、黑人嘅力量、速度、反應，重有努力嘅練習，而且佢地兩個有一打三甚至一打五嘅能力（記得當年活塞隊就係用非常粗野嘅打法對付佐敦，每一下都係hard foul佢），而林書豪本身無黑人嘅力量，就要用更多技巧及變化去打贏其他球員（呢幾場睇數據真係頂級後衛數據，但睇番佢打湖人一場，技巧上可能太單調，變化唔夠），所以佢條路都幾長...
不過我真係好欣賞佢可以為華人（後衛）打出名堂，除咗姚明係中鋒層面外，暫時都無其他人可以突破到佢嘅成就
”體力係佢輸蝕嘅！“ 呢點我好同意也是我最擔心，林書豪可以捱得幾多次粗野攔截 。。。。AM730 有篇特寫：http://www.am730.com.hk/article.php?article=92163&d=1685
Arma：
變了白天鵝就爭住黎認親認戚，真係好鬼無聊。
minor：
哇，年紀大過我仲打？但隔幾年就在球場上報銷一件，真係咪搞阿伯！
至於林書豪仍年青，仍有可塑性，希望佢可以不斷突破同蛻變，打出條比姚明更成功和耐久的路。
inner：
>>謙卑，是筆者最欣賞他的地方...
謙卑就可以繼續進步，那篇特寫很好啊，多謝介紹 :)
這証明，機會是留給有準備的人；只是，有準備的人又是否一定在對的時空遇上對的機會？
校長：
我沒有留意運動，所以也忽略了你這篇帖子！原來是從運動中，悟出人生哲理，十分有鼓勵性！
希望佢有如Steve Nash的成就!
天生我材必有用！呵呵~
突然醒起有位 NBA 名控衛
http://en.wikipedia.org/wiki/John_Stockton
John Stockton 退休前效力 猶他爵士隊，
不知是N年前的打法，林書豪可否拿作參考！
sPace
S：
未必咯，命運與際遇，千里馬不遇伯樂，只能平凡老死於槽櫪間！
佛爺：
我有可能是自況呀，我相信我是個一流的清道夫 XDDD
Eric：
Steve Nash, 偉大的控球後衛，希望林書豪也能如此！
嘿嘿：
更緊要係千金散盡，還復來，而且仲要更多 XDDD
inner：
哩個我有印象呀，個子不高但控傳出色，掂呀！
發佈留言