2012年2月23日星期四

阿爺出手,清理門户


特首選舉亂局,人人都在猜想揣測,由老到眼都就黎睜唔開,唔知 GDP 對就業市場意義嘅李鵬飛,到卑之無甚高論,退化快過火箭嘅劉銳紹,都喺度無喱頭廢噏,咁我都唔執輸喇,反正講啱講錯無從驗證,唔駛負責,吹吓水過吓癮幾好吖!

話說感情缺失好似刷牙洗面咁平常嘅唐狗,黑材料排隊咁咇出黎,傳媒哩兩日仲踢爆埋著數權 (哩條友接任老董時有七成民望,我都話信佢嗰啲都係盲架喇 ) 坐億元遊艇姣去澳門,坐富豪嘅私人飛機去遊埠,半億嘅深圳豪宅過世。這許多許多鉅細無遺嘅罪證,我就唔信淨係啲低能量報紙佬可以挖出黎。

咁背後边個發功?冇國家機器都做唔到喇!咁即係話 ...........

冇錯,係中南海派落黎嘅長江一號,二號,或者三四五號。


( 哎吔,要走喇,唔係趕唔切我最喜歡嗰檔下午茶,今晚繼續。)


*****************


續:


有一種思維好奇怪,就係啲人一方面怕共產黨,一方面又覺得共產黨冇料到。其實能砸倒國民黨哩隻巨獸,共產黨鬥爭收風監控又點會唔掂。你諗吓好似著數、唐狗哩啲封疆大吏,中南海唔睇到實就怪!

唐狗、著數接連出事,係朝廷在長久監控長久收風的情況下,發覺真係唔對路,一個係知法犯法蠢到無倫嘅咸虫,一個係胸無點墨,猥瑣狹隘,貪到出面嘅政棍,兩人的惡行遲早爆煲,到唐狗當上特首後才爆,香港就會亂上加亂,北京更難控制;俾著數做咗政協大員,北京就更加顏面無存。所以在特首選舉及著數離任前把他們的穢史揚出來,黎個釜底抽薪,唐狗做唔到特首,著數又上唔到個國家領導人個位,一切便有理有據了。
                     
一切只怨唐狗、著數行為太爛太無知,太不懂共產黨和中國歷史。當佢地眉飛色舞地荒唐貪婪時,朝廷已在暗暗轉舵,此所以 CY 信誓旦旦 N 年唔選特首,結果就走出黎選了。

如果這思路正確,朝廷已準備為 CY 加冕,還沒摸清眉頭眼額的選委只能怪自己太蠢,燒錯灶最終只會灰頭土臉,喺將來香港哩個大舞台上冇運行咯!
.
.
相關文章:金融沙皇,一鋪清袋
                :首次同長毛咁近
                :這話由唐英年說,就有點涼薄了
                :醜態百出的候選人
                :政治強姦
                :垃圾
                :一條毛裏見蠢驢
.
.
.

24 則留言:

Armadillo 說...

哈哈,真係七國咁亂呀!話時話,就算係長江一至五號出齊,都肯定冇長江七號咁勁囉!

laulong 說...

但長江七號嘅周星星撐唐狗呀,唔通佢都係無間道?

Armadillo 說...

哈哈,佢話唔同蠢人做朋友,話唔定真係身在曹營心在漢呢!

laulong 說...

咁唐狗之蠢,係家零一架喇,佢當然唔知道周星星喺真正投票時,會賣咗佢 XDDD

Terence Yun 說...

選委提名唐營如此多,和民意是背馳,那是否需要改變這個選委會的格局呢?
還是中央學以前殖民地一樣,是否委派官員或者直接委任會更好?

卡臣 說...

周潤發,發哥做啦一於

嘿嘿 說...

记得“长江一号”是国民党的特干…… (不是共党的!)

嘎嘎嘎~~~

佛爺 說...

其實林牧師話,搵陳志雲做特首,都幾好!假的真不了,真的假不了!嘻嘻!

the inner space 說...

中紀委仍沒有“雙規”,
也沒有人逃入美領事館,
似符阿爺。。。。
要示範用坐遊艇給渡輪價,
坐私人飛機付經濟客位價,
掘地庫掘過深了掘過大了,
評審可以把自家作品參賽,
讓香港加速內地化是有功。

Ebenezer 說...

如果阿爺樣樣事都咁易估得佢到,最近香港官場唔應該會咁亂。

好明顯,京城入面仲比香港亂,先會出現現在咁好睇嘅場而。

死咗嘅江老都可以返生,連胡總都估佢唔到嚇到面青,京城仲有乜野可以猜得透呢?同樣道理,香港邊個最後做到特首,同特首最後會唔會俾中南海保鑣暗殺,真係話唔埋架!

laulong 說...

鹿米:

香港是一個政治很不成熟的城市,回歸十五年,卻還走不出較像樣的領袖來。若我問你,香港要即刻普選行政長官了,你認為那一個能擔此重任呢?你提出的這個人選,在普選中勝出的機會又有幾大呢?

鄧小平的港人治港理念,可能真的錯了,或者是早了。




卡卡:

發哥人很好,但怕不懂政治 :)




嘿嘿:

咁北京都曾經係滿清嘅京城喇 >.<

laulong 說...

佛爺:

Oh no, 揾個性取向可能異常嘅人做特首,林牧師太前衛喇!




inner:

想來唐狗、著數、CY 喺大陸生活嘅日子唔多,反而前兩人喺歐美嘅日子仲多,學鬼佬似啲喎!




Eben:

暗殺?唔會喇,哩家嘢可能喺俄羅斯仲有嘅。現在嘅長江一二三號只係情報人員,收集目標人物的罪證,跟住由中央或明或暗的整治。

the inner space 說...

嗄!!???

》似符阿爺要示範 。。。。讓香港加速內地化是有功。

》》想來唐狗、著數、CY 喺大陸生活嘅日子唔多,反而前兩人喺歐美嘅日子仲多,學鬼佬似啲喎!

前兩人勾結歐美學鬼佬這個罪名,比起用坐遊艇給渡輪價,坐私人飛機付經濟客位價,掘地庫掘過深了掘過大了,仲勁!

laulong 說...

呵呵,駛乜講?哩個世界,衰咗就俾人狂砌架喇,醒目嘅就唔好衰咯

嘎嘎嘎~~~

文少 說...

講真﹐我點睇都唔似關阿爺事
對於現時的選情﹐只係令我想起歷史上出現過的名詞﹕肅反擴大化

the inner space 說...

李鵬飛曾說過類似梁振英當特首他會移民。

我等着瞧!

laulong 說...

文少:

政治係人類社會最骯髒嘅嘢,君子之爭呃人咋,鬥爭就有,香港不是個小城市,權力歸邊一定牽涉更龐大的利益團體,所以背後有人是不足為奇的。




inner:

唉,我想起華叔。九七前華叔說回歸後他不會離開香港,怕共產黨不會讓他回來。結果他還是飛去外國領了個甚麼人權獎,然後好端端回到香港。

李鵬飛層次太低了,而且他還自以為有很重大的任務,移民,不甘寂寞的他只會更快聲沉影寂。

匿名 說...

千其唔好俾CY, 頂佢唔順...因為佢真係好樣衰, 點解個鼻孔咁大?? 插蘇鼻呀!!!!

我純睇樣又覺得唐唐真係有福相啲! hehe~


mimi

laulong 說...

鼻大吸百川呀,哈哈, mimi,我同你猜枚呀,我輸咗就唔鬧唐唐 XDDD

laulong 說...

kekee, 張相去台灣時影架,比較單調,唔敢放出黎,只能夠做吓背景桌布咋 :p

the inner space 說...

又有新相片“劉朗三十一枝花!”the view of Laulong.

laulong 說...

呵呵,仲 30?

50 近半喇,爛茶渣喇 :(

海龜 說...

我覺得根本係個局,現在人人都說港英時代不會如此,
卻好像忘了Sir曾係一個港英政府過渡特區政府繼陳方安生之後職位最高官員,之前尚叫港英餘孽,不懂得避嫌如何可以在港英官僚制度平步青雲?
連串行為簡直動搖港人治港的核心價值,現在令ICAC向特首問責淪為笑話

戲局是讓中央可藉此直轄?

又或許還有,曾根本是自毀長城式曲線撐唐?富如老懵董,即唐唐就不用稀罕富豪恩惠,CY不太富不太貴會貪得更狼?

laulong 說...

海龜:

貪性早就在了,只是他以前職位不太高時,要貪也貪不了甚麼來。直至登了大寶,掌握特區決策,貪性就還原,甚至擴大了。

中央該不會直轄香港,衝擊太大了,違反中央聯
合聲明太甚,會引來反彈,但中央不給姓曾的一官半職,卻是絕對有權的。