2012年2月16日星期四

醜態百出的候選人



一個智慧低下,語言粗鄙,誠信欠奉,私德有虧的有錢人,若不是摸對門口含著金鎖匙出世,只能是一個街頭巷尾鬥雞走狗刁著牙籤說話腳印印的市井之徒而已!只有香港這畸形的政治生態,唯富是是,才使這個劣質下等人走上了政治高位,若他能成為特首,更是天下間最醜陋最可悲的笑話,香港丟人現眼又成了世界之最!

所以支持這人的,那管是顯嚇的任沙皇,年青的劉才俊,混賬的李三點,都只是瞎眼的盲虫。沒有知人之明,或者因為交情而去撐一個爛人做首長,就是把個人私利凌駕社會公利之上,嚴格講,都是社會的蟊賊。

我早勸沒自知之明的此人該退選,去管他的家族生意算了,想不到這人的劣行竟愈揭愈多,衰敗到如此地步。爛人藏在銅臭背後,尚可以掩飾其爛;走到政治前台,穢史被揚出來了,就是遺臭人間,還可以對著鏡頭戇笑麼?


.
.
延伸閱讀:這話由唐英年說,就有點涼薄了

                    金融沙皇,一鋪清袋

.
.
去年今日:不吻情人
.
.
.

18 則留言:

Ebenezer 說...

條友現在做緊縮頭烏龜,不特止....

現在仲推佢個仔,一條無辜既細路出嚟幫佢面對傳媒!更加可恥!!

做人要有博頭!一人做事一人當,唔好有事就縮埋搵個細路幫自己頂啦!!

the inner space 說...

泥漿摔跤!

Carrie 說...

眼冤!

嘿嘿 說...

从政不是请客吃饭不是做文章…… 呵呵~

laulong 說...

Eben:

做佢老婆做佢仔都...唉,真係唔知點講!一個男人,為妻子帶來這麼多的屈辱,令兒子感到難受,還算是個男人?




inner:

將來普選都係咁個咯!




Carrie:

不齒又無奈!

laulong 說...

嘿嘿:

唐先生怎會明白甚麼是政治呢?他就以為選特首像當上政務司般容易,只是個玩意兒!

卡臣 說...

今晚個記招才夠經典,頂!!

laulong 說...

冇架喇,我覺得佢嘅出路唯有退選,若佢選到,香港將會陷入管治危機!

Scirocco 說...

他連作為男人的資格都沒有。

naruto 說...

好少會追新聞囉,真係好精彩

hollycowplanet 說...

〝我老公只不過係隻金豬,晤係壞人,有罪咩? 佢咁蠢点識咬辨呢,更加唔会呃香港人啦!求下你地選我老公啦, 我最多日日幫佢咩鑊囉!〞

以上係唐婆千里傳音~~~~~

l.minor 說...

TXB新聞播完唐生話唔知有條路連通兩間屋,但另一邊就影住隻狗係條路度行過

新鮮人 說...

天下烏鴉一樣黑。。。。

佛爺 說...

校長:

可能糖糖條狗,醒過佢!所以知道狗上瓦坑,有條路卦!嘻嘻!

laulong 說...

Scirocco:

對,只是個窩囊廢!




naruto:

但發生喺這個所謂亞洲國際都會,實在可悲!




牛牛:

呵呵,唐婆哩個千里傳音掂呀,跟手兩公婆好開心咁閂埋門玩特首加冕遊戲!

laulong 說...

minor:

haha, 只能夠話隻狗都醒過佢,又或者係,所有僭建計劃同督工都係隻狗做嘅,唐唐乜都唔知架!




新鮮:

最衰冇人將烏鴉入菜!




佛爺:

呵呵,我諗的跟你一樣 XDDD

Armadillo 說...

唐唐係蠢中之尤,咁講相信冇人會反對囉!班友撐佢,其實係貪佢易舞啫!講真,政治呢家嘢,從來都係咁黑暗架啦!

laulong 說...

撐佢班友騎上虎背,死都要撐落去,話之香港將來出咗個市民喊打嘅特首。一來係利益,二來怕隻狼做咗將來會噬咗地,但香港就係俾哩班自私無腦嘅人害死!