無線新聞台認蓬佩奧做老豆

哩個新聞台擺明黃，穿黑衣的報道員多不在話下，睇佢編採選材就更昭然若揭。喂，世界咁大，國家十四億人口，有報道價值嘅嘢多的是，但睇佢嘅世界政情報道，美國的佔大多數時間。係，美國係世界第一大國，一切舉足輕重，但駛唔駛不遺餘力咁報道呀。尤其是白宮那些擺明對中國的惡意誣衊攻訐，哩個台總是一無遺漏，照本宣科。話就話隨即報返中國的回應，但咁樣係平衡唔到嘅。誑言謊言不斷說上，你否認一百次都冇用，因為那是先入為主，係咁講，唔信都會變信。

啱啱仲仆街，報道外長王毅批評美國惡意攻訐，竟然不是影住王毅，而是照播蓬佩奧個視頻。我真懷疑編輯係咪肥蓬個仔，甚或愛上了肥蓬，逐臭之夫同佢有路！

特朗普更不用說了，影佢就永遠不遺漏，日日都有，係咪龜孫子懷抱阿爺，不忍遽離呢？

無線新聞台充滿黃物，毫無疑問了，實在看不下去，但衰在沒有另一個競爭的新聞台可以隨時 on air，唯有在睇到喪侵同肥蓬時即刻靜音，耳不聽為其利！

.

.

一無所有的袁大教授

大教授喎，閒閒地廿萬個月喇，點會一無所有？

啱，錢有樓有銜頭有，但冇識見，冇邏輯，講嘢就係無腦！

疫情欲斷不離，固然係同廢官蛇 gwear 拖沓有關，政府總部更無一個是能人，若有航拍機飛過，活脫脫就是飛越瘋人院，香港俾班低智人管理，不死幾稀！

但大教授也是會出入總部的一丘蠢貨，疫情有愈烈之勢，就話要加強檢測，早前中央援手想助特區全民檢測，袁大教授就陰陽怪氣，明奉陰違，暗中呵護佢嘅黃色事業。現在形勢唔掂，就話要有病徵的都要去做檢測。

阿哥，阿媽係女人邊個唔知，但有病徵嘅都會乖乖去做檢測？病徵到咩程度要做呢？邊個執行推動呢？自願？若香港人全部自律上次國家隊來時晨早去做晒喇。而且依家社區裏最大播毒風險嘅係無症狀感染者，哩班人自我感覺正常，點會去測呀！

唉，總之廢官誤港，政府總部係瘋人院，也係陽痿中心，專家又患缺腦失智症，香港就係俾哩班爛貨搞死！

阿教授你都係專心做病毒硏究好喇，乜嘢 RBC 開發到我就多謝你喇！

.

.

教育界爛人何其多

黃師被釘牌，應有之義。葉建源廢噏都慣了，不意外。接著有個甚麽資助小學校長會理事孔偉成，說教育界一向提倡給學生機會，為甚麽不給涉事黃師改過機會。

啊，潛台詞即是，姓孔的認同那老師犯錯，ok, 收到。但以給學生改過機會去立論給老師同樣機會，何其冇腦！

學生是小童，老師是成人，等同嗎？學生未成熟，犯錯是自然而有的事，老師好歹成熟了罷，社會一般期望都不要犯錯，怎麽等同？

應該給成年人機會，那麽殺人者不要被囚好了，傷人及盜者不必抵罪好了，騙子強姦犯，性侵學生的淫師也不要判罪，要給機會改過，行了罷。

蠢人爛人之多之廢，真的於今尤烈！

.

.

特朗普的怯把扶手拍遍

特朗普染疫真假人言而殊，但他乘直升機去軍方醫院，上機時右手把登機梯扶手拍了幾下，這小動作表達了甚麽意思？

其實這跟一些迷信鄉愿把錢幣扔落引擎的祈福心態相同，就是希望飛行平安，更重要是今次有去有回，不用在醫院病亡。

如此看來，特朗普染病是真的機會較大。但政治，太多謀略，何況是這個上任以來已講了幾萬個大話，又瞞稅的「尊貴」總統！

.

.

曾經

曾經很愛，每天都感受你的温暖，深呼吸你的香氣，讓愉悅甜美的感覺直到心田。直至一天，沒有齣齬，沒有不快，生活卻忽然斷裂成兩個背不相望的崖壁。

今天，在很多個異夢的夜後，我忽然想再見你了，於是 ........

.

.

.

.

.

.

.

.

.

.

.

.

我對打票的職員說：............................................ 要熱奶茶，唔該

.

.

.

.

法官不可以批評 ？

[24/9 09:36] : 量刑係法院專有職能，啱，但量你量刑係維持社會公義的終極職能。

[24/9 09:37] : 像執法係警察專有職能，但我地一樣有警監會。  

[24/9 09:40] : 法官係人，一樣會錯，一戴咗假髮就係完人，唔會犯錯？講得通嗎？

.

.

.

都係唔好口花花

.

今日倒塌咁早醒了，睇乜事鴨，睇非是卜，睇新聞，定博奕策略，下注，清腸胃為地球作廢，十點零鐘已經做晒所有嘢。諗吓，不如去食自己都鍾意嘅魚柳早餐喇，反正有 coupon 可以減3文。坐言起行，哇，周圍都多人，有啲較出名嘅食店仲大排長龍，香港人真係打不死，叫佢唔去飲茶消費，仲慘過打佢一身。

去到食店，買飛，攞食物，坐低開動，背後傳來聲音，是下屬去了厠所罷女店長推著回收餐具小車經過，說「今日睇錯時間牙」，調侃我喇，因為我平時都係三四點鐘才下午茶，今日卻十時多已在開餐。

我笑了一下回應，其實市井套語早已回答「掛住你嘛」，我梗唔制，亦唔會喇，咪搞，幾廿歲人仲扮登徒子！

乖乖地食完早餐返屋企對住個電視好喇，中場掃埋地，拖埋，阿伯，哩個才是你的生活

.

.

三權分立冇錯，互相制衡超錯

真不明白，成個社會上根本無人捉到要處，是他們都沒有受過語理及邏輯訓練，也是因為政治理念的把握不足。

因為一個存在了幾十年的謊言錯說，大家都在折騰，抓狂，真的可笑。

三權分立只是各司其職，互不統屬，正如十三局一樣。把三權分立再加句互相制衡，只是買鯇魚尾搭咀，也是暗渡陳倉，狼子野心的把分立說成制衡。好簡單，十三局是分立的，難道又說十三局互相制衡？那只是賣港者處心積慮的心理工程，就像廿多年來談甚麽民主是普世價值一樣，好去洗腦，去抬高司法，廢行政主導之臂！

我前文已講過，香港是行政主導，由立法會議去修訂調整行政決定，立法會議對行政會議確有制衡，但行政長官又可以解散立法會議，在這層面，兩者互相制衡成立。但法院只是執行司法，根本沒有制衡行政與立法會議的職能，渠道與權力。至於行政，立法會議成員受法律規範，就正如普通市民受法律規範一樣，若他們有人犯法，就要受審，跟普通市民一樣。以為這就等如制衡？只是誤解而已。

明了罷，不明白，我都冇辦法，返學校再上堂罷，但你們難以遇上明白的老師。

.

.

TVB 新聞為匪張目

TVB 被形容為中央台？錯了，不單止錯，甚至新聞部更是美國的宣傳機器。

不是嗎？光看部分報道員，永遠黑色西裝，衣著語言已是昭然若揭。固然，你有取態的自由，但借助公司的大氣電波去宣示個人政治取向，就是騎劫，就是公器私用。奇怪就是無線一直不理會。

上面的都不是重點，重點是新聞時間內報道美國的部分真是太多，特朗普和蓬貝奧的講話視頻接二連三播出，而他們攻擊中國言論所佔時間，卻總是長於北京的回應，而且北京的也多是轉述，較少直接視頻。

明知道美國的是誑言，卻有聲有影的轉播不輟，不是為美國張目嗎？

TVB 係中央台？不喇！
.
.

只是一個記念

今天臉書又彈出了動態回顧，是兩年前的8月31日，我正式結束三十多年的工作生涯：
.
.
.
<真的是做到學年的最後一刻>

八月三十一日，暑假尾聲，要回校簽支票也遇上了舊生會選舉，於是留到晚上，看新一屆的幹事會誕生。

一個個年輕的臉孔，充滿朝氣，叫人看得開心。新幹事會誕生了，我也趁舊生回校送他們我的拙作，只望你們喜歡。

回到辦公室，把暫用的會議桌上的物品都放到袋子裏，這時校園聲音已渺。離去前拍了兩張照，前辦公室繼任者已然進駐，壁報板已是燦然五彩新面貌。走到大堂時只有夜更的保安在，道個别，這個晚上，我竟是最後的一個離開。背囊，公事包，兩大膠袋雜物，點滴飛雨，汽車流光間歇在身旁劃過的熟識車道，從此作别。
.
.
.
兩年倏忽過去，生活已是一個截然的變化。過去，曾為這學校作了無數事功，數十項大膽的深度改革，把公開試成績數年間扳上三倍，令學校走出陰霾，得以存續。曾經令所有頑皮學生見我身影即悚然，規行矩步。也曾經令不少學生視我如父輩，好友，經年維繫。

那夜此後，除了間或重訪，再無交集，而且隨著熟識的學生畢業，同事退休，逐漸會走到邈無相知。聚散離合，人與物，本就是一個永恆上演的故事。
.
.

「處理得唔理想」係最仆街的遁詞

依家啲官，或政府機構犯了錯之後，喜歡用「做得唔夠理想」來淡化錯誤。

對成效的評斷，起碼可以分理想，良好，一般，低於標準，差劣。不理想，即仍可以係良好，或者一般。但現在係做得差，做得衰喎，又豈止係唔夠理想！

用這些語言偽術去掩飾自己的低智，懶散與疏漏，正係不肯面對錯誤，不思改進的劣質官場所為。

相同的爛詞尚有「有改善空間」，因為即使做到一般，良好，都可以有改善空間。用這些遁詞去淡化自己的不堪與糜爛，就是逃避責任忽悠大眾的劣行。

可見，政府裏仆街人又怎會少？喜歡為自己抹粉飾非的廢官又怎會少？
.
.

晴報編採真係好唔掂 (2)

一切由陳彥霖死因研訊講起。晴報昨天報道，在死因庭上，精神科醫生供稱去年為死者進行精神會診時，診斷死者患有「對抗性反叛症」，但死者沒有幻聽或自殘傾向。

我看了就有點納悶，「對抗性反叛症」？乜黎架？乜有反叛係冇對抗性嘅咩？冇對抗性嘅反叛即係反叛自己？明明想屙屎就走去食飯，明明想沖涼就走去瞓覺，明明想偷懶就走去勤力，明明想放棄就走去堅持，冇對抗其他人噃，咁係咪反叛呀？哇，我好混亂呀，專家你究竟噏乜呀！

我條氣唔順，就去谷歌一下，網上除了晴報與同脈嘅報經濟日報用這詞語外，沒發現其他報章有用，卻有一個維基都有的「對立反抗症」這詞語。後來我再睇其他報紙，報道這研訊時都用這詞語。

即係話晴報同經濟日報記者聽錯了，出文前又冇去求證這詞語，連編輯都冇做這種勘誤工作。咁唔嚴謹，你話係咪笑死人！

另外，也有奇聞。那個醫生話死者易感惱怒及對權威人士作挑戰行為，但沒有思覺失調或思想錯亂，沒有出現幻覺或幻聽，亦沒有自殘或暴力傾向。

奇嘞，一個人有冇幻聽，乜醫生check到嘅咩？係咪用個頭罩笠住我check我腦電波？或者用隻耳仔貼住我腦殼去聽？咁我耳鳴呀，醫生你又可唔可以聽到我冇？

睇份報紙啫，同你地有仇牙，要我查哩查 lu，思前想後，係咁整蠱我 
.
.

晴報編採真係好唔掂（1）

今日睇返臉書動態回顧，原來2015年還在職時，曾接到一個電話採訪，無哩頭無常理無邏輯好似我同佢打工全世界欠咗佢都俾佢指揮咁，你乜水呀，你班友只係大學畢業生職場金字塔最底層的奀種。好，唔爆住，先睇文：
.
.
.
依家啲記者係乜嘢記者呢？一份免費報章的記者 ( 其實係咪都唔知 ) 來電，問為甚麼本校中文科中五升中六的某份暑期功課必須在 17-8 之前完成？

我眼都突，食飽飯冇矢排嗎？ 暑期功課不可以在八月中完成？一定要在八月底完成？要在八月中完成就係死罪？或者咁就造成壓力，會逼矢學生？

我問佢你認為暑期功課一定要在八月尾完成的理據在那裏呢？佢竟然話佢係記者唔會答問題！

哈哈哈，佢大晒喇，我收你二分四嗎？一定要答你問題？

我都費事窒佢，話其實好簡單啫，因為升中六生要在 18-8 回校補課，而要學生必須完成那份功課才能進行補課！

佢仲有咩講？一個說話稚嫩，口齒欠清的記者，分分鐘只係次等學院次等學系次等學生，揸住雞毛當令箭，無冕皇帝？我縱橫大學時你分分鐘仲賣緊咸鴨蛋，在我面前請省下了，乖！
.
.
.
做乜咁大反應？因為仲有下文，待續 
.
.

有條懵種

可能在這邊睇了〈民主是個壞東西〉，感到不爽了，留不到言，就走去朗識天下那邊撒野。又無知識，又無理論，徒然粗口爛舌狗吠雞叫一番，真係可笑！

.
.

民主是個壞東西

友：美國民調顯示，支持特朗普的選民九成是中小學程度，九成九是白人。支持拜登的選民六成多是因為不想特朗普做總统！並不是因為拜登有任何政績。以廢易廢！與香港區議員選舉情况一様，不理區議員是否勝任，總之反政府的就選佢。亦可見選民的質素有幾高！民主制度是一個以廢易廢的制度！

LL：

絕對是。我好多年前教書，已跟學生講，民主普選可以選出善政者這假設根本不成立，情況就如袋子裏面全是爛橙，無論你怎樣抽，抽出來的永遠都是爛橙！何況社會上平庸自私利己短視的人佔絕大多數，假設選民都睿智，不如假設我每日都中六合彩好過。而且政客會因應選民的自私而投其所好，結果是放大了社會的自私與反智民粹。民主制度先天後天，昨天今天明天都只是個爛制度！

LL：
西方民主制度好？三十多年前我也曾相信過，那甚至是我在大學副修哲學，讀過政治哲學後仍然相信，但經過長期的思考與觀察，一人一票的普選只養活政客，長遠是透支社會，當下是泯滅人情，分裂族群，社會充滿敵對與仇視。我早已不愛這種制度，更恨這制度帶來的破壞。

LL：

另外，八十年代中末，香港的反中舐美傳媒猛批評中國是老人政治，想推倒鄧小平，推上跟戈爾巴喬夫一樣的趙紫陽，以達到改變中國的目的。幸好中國沒上當，沒有跟蘇聯一樣中招。現在特朗普，拜登都已到了可以進老人院的年齡，卻沒有人說美國是老人政治了！

友： 英美只有兩個大政黨，若民主制度真的好，應該是政黨愈多愈民主，社會應該愈好！但觀乎大爆炸的黎巴嫩，大政黨起碼有三個，但國内政治經濟一團糟！

LL：

西方政黨的背後是財閥，只是相異於血緣的另一種封建制度，其中尤以美國最甚。血緣政治不能保證繼任者是長才，財閥政治更容易選出貪婪嗜血，自私利己之徒，令這些不堪的個人行為變成國家行為，內則剝削國民，外則侵略別國，美國就是個樣辦。

.

.

.

李梓敬，學吓嘢

.

後生仔有膽有識，不錯，但思維理念，尚要提升。

最近一輯 YouTube 對談，你揾了冼師傅，冼師傅勁料是人皆知，由佢講三權分立，全中鵠的，你則尚差少許。

問題在那裏呢？就是你仍然受惑於一些被亂吹，卻是虛假得可以的套語 ：三權製衡。

全世界都是行政主導，立法可以修訂調整行政決定，司法卻不能干預行同指點行政。可以說，司法是服務於行政及立法，令政府行為及社會法規能以遵行，根本不存在由司法去制衡行政同立法。

美英要搗亂香港，配合賣港政客，回歸前已在吹甚麼民主，新聞自由，三權制衡等所謂普世價值，就是要惑亂人心，Bold 大司法，提升地位，撒下特區司法亂政干政的種子。這些所謂的普世價值，對那些頭腦‘簡單，思想稚嫩崇洋的年青港人最為有效，這些人抱住政治套語就盲了眼，成為美英亂港制中的工具。

所以，三權分立，互相制衡，前句在分工上對，後句扔落屎坑沖走可矣！

.

.

這個政府果然是不講邏輯的

 講完。
.
.

邏輯上，道理上都要放寬晚市堂食

對，病毒不會揀時間傳播，所以既然可以恢復日間堂食，也有相同理由去恢復晚間堂食。 

恢復日間堂食已逾十四日，看來染疫數字沒有因放寬而明顯上升，現在的日間堂食模式就可以推展到全日。 即是一桌最多不超逾兩人。同時政府應進行民衆教育，推展食不言語，食完讓位的疫患文化，加快食客流轉，減低限座令對食店生意的衝擊。

林鄭成事不足，敗事有餘

.

梁振英真的強你百倍，強在能認清敵我，處事不含糊。所以泛民最忌梁振英，要令他不連任為快。林鄭目淺懷窄，不知政治為何物，更不知鬥爭為何物。上任以來的綏靖政策，早已一次又一次的失敗，證明了向魔鬼奉血，只會更加助長魔性，令香港更加速流血。

人大常委未開會，你就說四個被 DQ 的議員應予過渡，你的邏輯混亂，爛好人心態，正是給了人大常委一個難題。結果人大不背這個鍋，由你特區政府去自行決定和負責。正如盧永雄所說，今次過骨了，那四人就有了口實，被 DQ 仍可做議員，那麽下屆不讓參選的理據還能成立？

一個平凡得可以，沒半點政智慧的特首，只會累港誤國！

還有，拜托去掉你說話中不時出現，又全無意義的 haa ...，又請去掉你說話中忽然出現，不知為何的輕笑。你以為很有性格，實則是難聽難看，若是考中文說話能力，你只會得低分，一個說話去停有節，鏗鏘有力的中學生辯論員都比你強。世界上亦沒有國家及地方領導人會像你這樣說話，只有面對疫情手足無措的陳肇始才學足你了！

.

.

記者枱唔可以搜 ? 邊條法 ?

.
[ 20:06] : 新聞材料唔准掂，乜理由，除非你嗰啲係假新聞假材料或者誨淫誨盜誨毒嘅料

[ 20:06] : 記者嘅唔可以查？你乜水？係間諜中心嗎？白痴

[ 20:09] : 係新聞自由，編採自主，唔係新聞免責，新聞免法

[ 20:09] : 怯佢把鬼
.
.

我係陰陽人？

.
梗唔係喇，咪諗到嗰邊，而係話，我令人的反應，係兩極，識我嘅，唔識我嘅，
見到我的反應完全兩樣。

樓下看更，日頭見到我嘅就猛同我傾偈，夜晚嘅馬季時係咁俾貼士我，
雖然唔中多過中，但都係古道熱腸咯 

食店啲阿姐，見到我就同我答訕，我跳皮一下，佢地就話我打死你呀 ，
我要乜佢地唔駛我講已奉上。我都算人見人愛咯！

但唔識我嘅，就好怯。早前已有個後生仔避開我的走線撞欄，幾年前喺德福，
有個阿姐正在我走線前面，仲同我鞠躬然後讓開，尋日去撳錢，前面三個ATM，
排隊有啲混亂，一行又似，兩行又似，咁我乾脆修正，扤一行位咯。
有個男人從電梯上黎，見我在排，甚有顧忌咁走到我後側邊，細聲問點排，
我用手勢叫佢跟我後邊，佢話佢入錢，我望吓，前面三部機真係只兩部有入錢功能。
佢就側側地企我後邊，再沒言語了。

今日去食茶餐，阿姐仲私人醒咗個茶葉蛋俾我 。所以話，唔識我嘅俾我嚇死，
識我嘅就俾我笑死，哩啲叫咩動物呢？就係陰陽人喇！

咁，於你地，我一定係陽嘅，我信！

.

.

.
.

死咗就係死咗，點解低 B 的人仲係咁多

林鄭係咁，曾鈺成又係咁。一個話兩屆議會係兩回事，上屆得，來屆唔得，咁依家係延續上屆嘛，所以得。

個問題係，來屆唔得唔係因為來屆，係因為哩四條議員已被判定反基本法，反國安法，即係話，已失去再成為議員的資格，無論延續議會，過渡議會，還是新屆議會都是。即如一個在7月30日已然死亡的人，因為7月17日上屆立會 last day 未死，所以能在9月會議復活？這是乜鬼邏輯？

至於陰陽怪氣，一直放縱放任禍港派的曾鈺成，引朱凱迪不符合村代表選舉，但仍可以當選立法會去說明可以返閹過渡，更加不倫不類。即係把村代表職能，門檻等同立會，而且也無視7月1日通過，以前沒有，也不能引用的國安法，你是不是腦裏灌了屎？

哈，港之棟樑喎，一個係咁，兩個係咁，唔怪知香港搞到一鑊粥！
.
.

林鄭，你收聲喇

你真係全無政治智慧，喺咁嘅時期，你仲廢噏咩個人睇法，話若成立過度立會，嗰四條報名參加新一屆選舉被 DQ 的議員可以過度？

你要知道，在整個國家立憲架構，你甚麼都不是。你係地方首長，中央委任你治港，在最高立法機關要定憲釋法的時候，你唔可以事先向傳媒表達甚麼個人睇法。想象一下，若人大決定那四條議員不能過度，你的面子放那裏去了。作為地方首長，事先更不能放言影響中央，而是緊遵最高立法機關的決定去做事。政治ABC， 你識幾多 !

.

.

彈性放午膳，真係做唔到 ?

好，朝令夕改好過錯而不改。

其實彈性放午膳，齋噏完冇用，攞個指引出黎，公司或機構字母A至I頭嘅放 11：30，J至R字頭嘅放 12：30，S 至Z字頭嘅放13：30。咁樣做，平時午市一個鐘人流理論上減少三分二，限座令做成的堵擁基本上就能解決。另外，宣傳食不言語，同食完早鬆人嘅讓位文化，這才是凝聚社會共力之道。

非強制，冇罰則，唔需要監察，亦無從監察。但有了指引，讓社會自己形成共識，喺非常時期，這就是方法！

Work 唔 work，就睇香港人嘅素質，而咁一定好過齋噏希望，而無任何政府指引。

.

.

阻人食飯

[29/7 13:27] : 廢柴政府！其實好多選項，呼籲在家工作，唔得嘅就單雙日上班，再彈性放午膳，規定每四人桌限一人，六人桌限兩人，八人桌限三人，又鼓勵外賣七折，好過一刀切禁止堂食，聚晒公園，街邊食一樣有傳播風險

[29/7 13:36] : 做地盤，體力勞動嘅太辛苦，俾個選項可以俾佢地堂食應該，白領唔該外賣返公司食，仲有建立個共識，大家都食不言，咁就會安全啲

[29/7 14:05] : 唔用規矩，用自發，你白領嘅要坐低唔犯規，但要觀照自身，過到自己過到人

[29/7 14:05] : 依法是基本層次，社會體諒別人才是較高層次

[29/7 14:05] : 該做嘅，應做嘅，雖千萬人吾往矣，才不愧於己，不愧於人

[29/7 14:05] : 在乎有冇識見同手法策略

[29/7 14:05] : 我以前在學校推嘅措施，亙古未有，冇人會諗到做，諗到都唔夠膽做，但唔推，就永遠唔得，我做，就證明可行

[29/7 14:05] : 唔去推，就永遠唔得，去做吓，原來未必唔得

[29/7 14:05] : 低手會造衝突分化，高手才會做得成。但政府裏全是低手
.
.
.