不是感到沒情味或沒興頭的意思，而是我真的甚麼都不上癮，就連我兩年內吃了幾百包的 胡椒湯麵，經朋友勸喻下，已逐漸少吃，最近一星期也吃不上一包。至於早前把我迷倒的 炸魚皮，我雖不至抗拒，但已很久沒有主動買來吃了。
再數遠一點罷，我曾經熱衷賽馬和足球博彩，最近也有點意興闌珊。投注已沒有以前的認真思考，而是隨意下注，輸了就算。當然這跟我的注碼小很有關係，但真的我似乎已經不能在裏面找到喜樂。是我真的勘破了博彩的迷局與荒謬，還是我的思維與情緒正日漸老化和鈍化？
至於人們熱捧的影音與通訊產品，我早前也出了 iphone, 但想想其實自己也未必需要這些功能的，結果在未按過一鍵的情況下就拿到先達賣了。很明顯這類產品不是我所追求的。不求新，不求食，不求玩，那還有甚麼可以令我感到興趣，甚至成癮的呢？冇癮，生命的樂趣又可以從何而來呢？
最近，就只有寫博，讀報，看雜誌，看電影，喝咖啡，吃蕃薯，就連相機也少碰了。咁，即係點呢？掂還是唔掂呢？
.
33 則留言:
哈哈，咁上網同寫blog算唔算？都係會令人喺不知不覺間上癮嘅嚟架！
我就係驚漸次遞減呀，整吓少樣整吓少樣，整整吓連網都唔上，形如枯槁，心如死灰，大鑊喇！
>拿到先達賣了。
醒喎！有錢賺！
做乜搞到成個阿伯心態咁啫，快調整吓啦！
更年期？？
花花：
原本我都唔識架，部機到咗，但我諗住用唔著，就唔去 smart 記出喇。不過咁啱有晚同班 lab tech, TA 食飯，佢地有人都去先達放機，咁我諗諗吓不如放鬼咗佢喇！
賺得少咗喇，補貼吓啲手機費咯！
Armadillo：
係咯，個人唔似阿伯，個心都伯伯地咯，真係要出去 wet 吓先得！
Eben：
我都諗過吓，但我又唔係連嗰味嘢都冇興趣噃，又無潮熱，又無心翳！
>> 但我又唔係連嗰味嘢都冇興趣噃
我知我咸濕但真的忍不住笑了!
校長不如向運動方面鑽研嗄吖! 等你六舊朱古力相!
結果在未按過一鍵的情況下就拿到先達賣了。
>>>發死你, 請食飯 !
哎吔， the8, 哩排我真係睇緊武館呀，想去學番兩招，第日打日本仔都用得著。
至於六舊朱古力，睇黎難練咯，我買牌朱古力你食好過。
哼，你是缺愛，去愛上一個人，去網戀啦，就像毒藥，你會上癮!
篤篤：
我嗰機係 N 水咯，唔賣得太好價，边及得上你地，哩排個股市巴巴聲呀！
http://hollycowplanet.spaces.live.com/default.aspx?_c01_BlogPart=blogentry&_c=BlogPart&handle=cns!8C175A4F3A013628!3354
吸毒、吸毒、毛虫都要吸毒！
牛牛：
我....我....我.......
唏，點講呢？我..缺鈣咋！
缺鈣你個X頭!!!!
不求新，不求食，不求玩，...
可求知識, 可求智慧.
不知劉朗兄是否攻讀博士? 城市大學的工程博士會在下一年度收生. 不知有否興趣?
我用了五年時間(Part-time), 今年剛剛完成.
>> 但我又唔係連嗰味嘢都冇興趣噃
我真的忍不住笑了! X 2
好在...幾驚你連呢味都無趣就....哈哈哈~~
自由
匿名 提到...
>> 但我又唔係連嗰味嘢都冇興趣噃
我真的忍不住笑了! X 2
好在...幾驚你連呢味都無趣就....哈哈哈~~
哈哈!男人！男人！男人！
牛牛：
我唔吸毒吖，我仲有小朋友要養。佢地有個道友老豆好慘架！我都唔要做毛虫呀，我點得似毛虫哩~~~
QA：
先恭喜你完成了課程，看你的博就知道你對知識的熱切追求，我是敬佩不已的。
但我唔係做學術嘅材料，而且年紀老大，進修已非最佳時間了。
你不辭我的淺陋，作出推薦，我實在感謝！
小行：
kaka, 放心噃，師傅老當益壯，得架得架！
傻! 吸"愛"毒後, 你可以有精力養多10個小朋友!
Love is splendid, my friend!!!
旅游， 是绝对可以上瘾的。
牛牛：
>>男人！男人！男人！
我就說，噢，女人！女人！女人！我還是很愛女人呢！
至於養多10個小朋友？咪搞喇，講起都手震！
Desert：
旅行一定好，但 costing 唔細， time, money, 要上癮都好大代價呀！
你是近來太空閒了罷?! 開學後可能會很忙.
校長：
只要你對女人仲有興趣，你是有希望的。嘻嘻！
校長 :
師傅老當益壯，生/養多十個小朋友，得架得架！。。。哈哈
自由
貓姐：
沒有呀，開學初的常規性工作仍是不少的。只是覺得甚麽都不是勁兒，真係可能要尋吓刺激了。
佛爺：
嗱，改改吖，讓我作個戲言：只要你對女人仲有興趣，女人還是有希望的。
Kaka, 唔好噓，唔好打，玩吓咋！
小行：
生/養多十個小朋友？要了師傳條老命喇！
都係嗰一句：咪搞阿伯！
帅哥，没这么快“没嫩婆事”呗？嘻嘻~
闪~~~
kaka, “没嫩婆事”是指對女人沒興趣？
梗不會，敬告各方美女，在我視線範圍之內，可要小心，咔咔咔咔~~~~
“没嫩婆事”= menopause，更年期！！！
哈哈哈~~~
haha, "沒有年輕女人的月事"....
好抵死呀！
校長︰
你版上首好好聽，慢而優美的旋律聽落很舒心。:)
係呀，我一首很愛的歌，我曾經貼文介紹過：
http://lau-long.blogspot.com/2009/04/blog-post_08.html
剛去你的連結睇過，又再聽多次，好歌！
有機會睇埋齣戲吖，雖係鬼戲，都幾感人。演歌女嗰個都幾靚，好古典美！
發佈留言