2011年9月7日星期三

他們都是飛來的

九個大人七個小孩,除了我之外,都是乘航機直到海拉爾的。小孩子知我坐了十個多小時火車,都覺得很好奇,若他們知道我更是差不多坐著到天明,就會更不解了。

是的,這一群都是中產者,生活比較充裕,甚至顯露了八十年代香港人花錢的疏爽豪氣,跟擠在硬座卡裏的草根族很不一樣,我,是看到兩個世界了!



那一片藍

呼倫貝爾的第二天,持續的好天氣,但司機小李還是不斷說十天前的那場特大豪雨,連續下了八天呢,他說在呼倫貝爾是不曾見過的。我在想,若我豪一點,提早由深圳直飛海拉爾,趕上他對上的那個團,很多天,就只能望雨興歎了。出門,有時真是要講運氣的。

小李的技術真的很好,車開得很快但依然平穩,呼倫貝爾的路他是熟得爛了,於是青青草原,蜿蜒河流,湛藍湖泊,他都輕易擺放在我們眼前了。


很隨便的路邊一個小湖泊,就已叫我醉倒了


著名的白樺樹林


蜘蛛頗多呢!


根河橋旁的民居


額爾古納河岸,對面就是俄羅斯


河邊的俄羅斯小村莊



又見星雲

在臨河鎮的旅館,孩子們都嚷著要騎馬,但馬大部分都被人僱了,那兩個最小的就只有眼含著淚看著較大的哥姊們騎馬去了。幸好內蒙古日落很遲,最終他們還是趕得及在入夜前騎了一會兒馬。

天全黑了,我拿著手電筒去收回晾掛的衣服。回到沒燈光的我這邊,正想開門進房去,不經意抬頭一望,沒光害的臨河鎮上空,竟懸垂了一度暗暗的星河。我不忍遽去了,那是繼 84 年五千多米的唐古拉山上所見到最美的星雲!只可惜不能拍下來。

在這一個微雨後的夜晚,空氣明淨沒半點浮塵,在內蒙古邊緣俄羅斯的近界,我記下了又一段星雲邂逅!

臨河鎮的黃昏,最初未能騎馬的小孩由母親哄著回來


就住在山下的旅館,也在這裏看到星雲

.
.
.
去年昨日:見過龍鳳,才知道自己雞狗

去年今日:惡晒?
.
.

23 則留言:

largeheadboy 說...

旅行遇上好天氣真係好講彩數架~

呢度真係好靚!

Ebenezer 說...

原來你坐硬坐,講開我都好耐冇坐過喇。

匿名 說...

景色真係好靚!

自由

新鮮人 說...

遠遠一片片的山嶽和碧藍的河水,
還有斜陽下草原小屋的寧靜,
可以徹底洗滌心中的凡塵!

韻味熊貓 說...

校長:

你寫得十分傳神,加上照片,我也好像是遊覽其中!

L L 說...

大頭哥:

今次旅行的好運指數還不錯,避過了草原的大暴雨,又最終買到所要的車票!




Eben:

唔想架,但硬卧票晨早俾人買晒 :(




小行:

係呀!放落你嘅旅行腹稿喇,諗諗佢!




新鮮:

那幾天真是忘去世俗,復得返自然 :)




佛爺:

趁印象仍深,記下了,將來細細回味!

匿名 說...

校長:

真係可以諗下!難度高嗎?旅費貴唔貴?

L L 說...

我建議坐硬卧往返北京,車費1000零文港幣。喺北京坐飛機往返海拉爾,3000文之內該可以。李師傅嘅6天團費 2100 搞掂。

秋天去更好。

自由行 說...

我確實有諗過10月再去多次旅行,有朋友去西藏但日子夾不到,真係可以諗下!你條"口靚"最大問題係講唔掂@_@

L L 說...

你都可以諗吓稻城亞丁,喺四川,近得多,香港有團去,六七日搞掂。風景分分鐘靚過內蒙!

跟團去就唔怕 talk 唔到喇!

naruto 說...

真係未開發嘅地方先有咁靚嘅景色

L L 說...

所謂禮失求諸野嘛,美景,在開發了的地方就會太造作和人工化了!

匿名 說...

劉朗, 忽然想改你个名做「流浪」......

L L 說...

牛牛,我就覺得自己似一隻曠野上獨行的老狼 :)

S 說...

好美的藍,好恐佈的蜘蛛!硬坐火車,你令我想起,中五那年,和最好的同學,兩個女生,到廣州會合母親的朋友和她女郎兒(和我一樣年紀的),從廣州坐硬座到桂林,這生人,只此一次長途硬座,回想起來有如昨天。

Armadillo 說...

嘩,張張相都好靚呀!尤其是黑超嗰張,夠晒英明神武!

L L 說...

S:

隻蜘蛛唔大隻架,係 close up 才大,我嗰日個頭都撞到唔少隻 ^^

我硬坐今次就坐到飽咯!




Arma:

边係呢,我頹咗好多喇,不過若俾我見到啲 V 乜,我會照丙佢,呵呵!

Armadillo 說...

你講嗰啲V煞?我都好憎班PK架,佢地真係唔死都冇用!戴住個面具就公然拆屋打人,根本同嗰啲笠住飛虎隊頭套打劫金舖嘅悍匪冇乜分別!當然啦,其實班友只係冇膽匪類,淨係識得蝦啲手無寸鐵嘅女保安。叫班友去打劫,真係俾個尿兜佢地做膽都唔敢啦,唔驚俾人辣低咩!

L L 說...

嘿嘿,嗰班廢契,層次低到無倫,扮社會拯救者,其實只係滿足佢地嘅反叛,貪玩,同自我價值建立嘅心理需求,病態人黎咋,咪俾長毛癲狗啲扒街利用咯!

好可悲呀,佢老豆老母真係生舊叉燒好過!

嘿嘿 說...

天苍苍, 野茫茫, 风吹草低见牛羊……

蓝蓝的天上白云飘,白云下面马儿跑,挥动鞭儿响四方,赞歌更嘹亮……

内蒙古漂亮!

L L 說...

嘿嘿,蓝蓝的天上白云飘,白云下面马儿跑....

這歌我也愛唱!

我拙於攝技啊,未能把最美的呈現!

Jessica Chan 說...

我舊年考慮過去內蒙的呼和浩特,但唔知lee個呼倫貝爾市都幾靚下

L L 說...

呼和浩特週邊都有景點,我 84 年曾到過,但講草原之美,還是要數呼倫貝爾!