2011年11月9日星期三

我愛劉桂容

.




唔係講笑,這小妮子真有可愛之道,清純,甜美,誠懇,不妖冶,不造作,不傲慢。看她勝選後與李卓人握手,鞠躬後又鞠躬,是出自真誠的向對手致意,相反還未從敗選回過神來的肥人,只能保持僵硬的笑容,不忿之中帶著強者敗戰的殘餘傲慢,看得人發笑!

小花珍重,敬業樂業,盡心為市民服務,也多做思想上的提升,能像前輩陳婉嫻的思維剔透,氣度從容,不慍不火,就是從政的極致了!


.
.
.

17 則留言:

Ebenezer 說...

哈,你真係一個識花之人,色花之人,同埋惜花之人,呀吓!

L L 說...

haha, 女人鍾意俾人愛架,而且我係長輩,有我哩啲長者 fans, 都窩心架!

Ebenezer 說...

你因住俾人屈你係鐵票呀^^

L L 說...

呵呵,我係鐵男,唔係鐵票 ^^

有朝一日如果泛民係掂嘅,我分分鐘俾票佢地架!不過睇佢班人嘅德性,難掂咯!

the inner space 說...

不可說是嫻姐的徒兒,劉桂容僅僅廿七歲就有此氣度,希望工聯會後繼有人!

看看泛民年年都話搵接班人有誰呢?曾經以為流馬尿個位湯吔(不是湯唯),不過幾年見底了!

L L 說...

inner:

個湯吔太好戲喇,反而給人欠缺真誠的感覺。尤記得佢變態公投時,當宣佈佢當選,佢仲鬼咁雀躍,唉,好假!而且咁多年來,都唔見佢講過啲乜嘢有政治智慧嘅話,真係見月晒底!

Unknown 說...

清純~~~~

L L 說...

係呀,難得!

the inner space 說...

容我再加幾句!

公文袋成班專業大狀,所謂參政服務社群,尤其是區議會層面,總是懷著 condescension,抒尊降貴去憐憫一班不識法律嘅草民。

聽聽清楚他她們的口吻!

L L 說...

佢地自認藍血吖嘛,敗選後記招會梁大狀就即時露餡喇,話佢地班年青專業人士好忙,無可能一日撥到十小時落區做野...

呵呵,咁睇唔起地區工作咪米鬼選咯,哩條友真係精神分裂!

魔術師 說...

我鍾意朱麗玲多D, 佢話勝在比李永達優勝少少果野,好cute!

L L 說...

噢,我怕打得嘅女人 ^^

Armadillo 說...

哈哈,見到靚女就暈晒浪喇!事實上,女性參選有真係比較著數,陳熟莊雖然唔係靚女,不過嗰兩滴眼淚就一樣咁有殺傷力囉!

匿名 說...

嗰班咁嘅大狀,直情喺度扮上帝啦,成日話人地抹黑佢,又報警又盛,自己就開口埋口都話人地蛇齋餅粽,咁唔係抹黑又係咩呀?我可以好肯定絕大部份嘅香港人唔會貪呢D小便宜囉!佢地係睇唔過眼呢班大狀嘅所作所為--港珠澳大橋做咗又唔認,外傭居留權又閃閃縮縮。。。我覺得今次選舉絕對反影民意,絕對大快人心!
Derek

L L 說...

Arma:

係呀,有啲暈 ^^

但阿攤吔嗰幾滴淚,我真係 buy 唔落,可能因為佢平時實在太好戲喇,我逐漸變得冇感覺。

更重要係,佢跟錯大佬信錯教咯!




Derek:

我哩幾日好心涼呀 XDDD

見到班爛民販民醜態窘態百出,真係過足癮。訟棍黨名為大狀,實際上思維質素低下,心態更加有病,若蛇齋餅粽係犯法嘅,咪去告人咯!而且販民都有哩招,也不見得哩招有效,就好似湯吔敗選,唔通都係因為山頂啲富人為了蛇齋餅粽?呵呵,真係笑死人!

文少 說...

講真﹐佢真係㗳得杯落﹐kawaii呢﹐好過李慧瓊九倍(閃)
工聯會有希望la~~

L L 說...

呵呵,我同你都慕這靚靚的少艾啊 :p