2010年10月4日星期一

幾日冇寫

我都想寫,但係 bit 唔到嘢出黎。一來案上文件總係急件,唔做會死人嗰類( 其實個個都話自己的嘢急架喇,個個都話最好盡快)。頭先接文件接到有啲想嘔,就攞咗包勁高熱量嘅威化餅去啃。諗住食一半,點知發起狠來,食鬼晒!死咪死,肥咪肥咯,填飽個肚啲惡感又真係去得快啲噃!

原本想寫吓釣魚島,寫吓啲翻譯庸手誤譯中國「韜光養晦」策略之義,結果打造了老外對中國的誤解,人人以為中國會去打人。白痴嘅,中國反而是世界上最不想打仗的國家,啲老外驚乜風濕哩吓?

又想介紹吓廣州省博物館,個設計都好唔錯。又想轉錄吓啲葷笑話,又怕兒童不宜。又想寫首歪詩,結果諗咗一句,仲未接到,博友們不妨同我度度佢,寫成七絕或七律都幾窩心吓架,就係哩句咯:

我把餘暇贈予君

哩句應該係第四句或第八句。
.
.
.
去年今日:在蒙塵之前
.

15 則留言:

Ebenezer 說...

你其真都相當多題材喇,番屋企靜靜地,用D力bit晒佢出嚟啦:)

laulong 說...

haha,用D力bit出嚟,諗生仔作喻好喇,咪諗嗰種 bit 呀!

肥貓 說...

嘩! laulong你攪對對呢科, 好難啫, 不過對到你係咪會以身相許呀!

laulong 說...

貓姐,我以身相許都千祈咪制,我又老又殘,真係貪我驅風咩!

Armadillo 說...

哈哈,葷笑話好呀!至於寫詩就真係愛莫能助嘞,我連平仄都唔識分。不過我諗你要交代吓嗰個「君」究竟係邊個嚟嘅先。

laulong 說...

唉,個「君」,係佢又唔係佢,唔係佢又係佢;有即係無,無即係有;真即係假,假即係真;色即是空,空即是色....

阿彌陀佛!

小瓶子 說...

E? 转左版面哦.

Armadillo 說...

哈哈,好有佛爺嘅風範呀!色即是空,鹹即是淡,一於寫葷笑話啦!

laulong 說...

小瓶子:

已經第二轉喇。你近來健康可好?

laulong 說...

Armadillo:

係噃,鹹即是淡,淡即是唔淡,唔淡也就是淡,好,下篇轉載。

嘿嘿 說...

哇佬!校長給功課啦!七步成詩?好難的作業哦!

eric 說...

哇校長一放完假就出一個咁難嘅題目㗎!
我呢排都唔知寫乜好。

laulong 說...

嘿嘿:

七步成詩?我七千步都成唔到呀!所以我要向眾博友請教。




Eric:

係咯,真係大腦便秘呀,所以尋日我就廢噏一餐喇!

自由行 說...

校長:

食威化餅肥? 肥乜鬼呀! 我呢幾日食曲奇餅,仲肥呀! 真係唔知個"肥"點寫!!

laulong 說...

威化餅真係好肥架,我哩兩日又重咗,上次同你講嘅目標達唔到喇 :(

仲有,曲奇勁多反式脂肪,咪食咁多呀!