2010年10月10日星期日

想起妳如此精細

有幾位年青助理在這個月慶生,週五晚上,大夥兒就到尖東搞了個唱 K 生日會了。

港晶中心的 Neway 很不錯啊,食物接近酒店自助餐水準,硬件也不俗,是可以開心消磨幾個鐘的好地方。

我們這個生日餐會已搞了多年,一年裏總有四五次聚會,難得是每次我們那因病早逝的同事媽媽都有來。一位六十多歲的老人家,兒子胰臟癌病發後與關心探望的我們熟稔了;兒子逝世後,我們有生日餐會都會找她,她也欣然赴會。我們與那同事的緣,就透過這老人家而有形質的延續下去了。

老人家很愛粵曲,雖是玩票,也是高手。K 會裏就只有我這個校園阿伯可以陪她對唱。我唱得不好,但能讓老人家舒展一下歌喉,卻屬樂事。

那晚有同事揀了張國榮,在目錄裏我看到〈怪你過份美麗〉此曲。認識這歌是因為前前度女友介紹的。她說這 MTV 很爆,很喜歡。又真是的,MTV 述說了一個很情色的職場故事,情節抵死,畫面綺妮,叫人會心而笑。

怪你過份美麗,尤其是當我擁著你的時候,那感覺,早已飄揚永逝在那年暖熱的夏裏。



.
.
.

17 則留言:

嘿嘿 說...

哈哈哈~~~ 嫐

哥哥被嫐啦!


韻味熊貓 說...

校長:

舊歌前情?絢麗甜憶?

L L 說...

嘿嘿:

兩女一男,哥哥被玩謝了!




佛爺:

只是因事而憶,人非草木嘛!

HoLLyCoW 說...

搞笑!哥哥真「完美迷人」!

Armadillo 說...

呢條MV我都係第一次睇,原來仲有馬詩慧同埋舒淇,一個醜,一個姣,真係頂癮!

肥貓 說...

我好耐好耐好耐無唱過k啦!!

Ebenezer 說...

MV中嘅情節,就係你嘅回憶?

篤篤篤撐 說...

呢個mv, 當年我已經錄低左, 女角們太索了

C.M. 說...

就算到家陣,我次次唱K都會揀呢首。成班麻甩都好開心。=)

L L 說...

牛牛:

完美就像真理,愈接近就愈接近滅亡,哥哥如是,小龍如是。




Armadillo:

死喇,MV同 MTV 同唔同架?我會唔會用詞 short form 呢?

哩段片有晒故事,編同演都鬼馬,正正正呀!




貓姐:

同貓生去唱呀,又可以開大餐,真係好多嘢食呢,食到飽飽都得啫。




Eben:

唔係,我边有質俾性感上司挑逗呢?我又冇質去吸引女下屬喎。只不過係前女友鍾意過此 MV, 突然生起記憶啫。




篤篤:

真係好索呢,最頂癮係那枱底的吻,名副其實的地下唔見得光嘅辦公室戀情。

L L 說...

CM:

我哩個麻甩唱哩首歌就好有感慨呢 :(

HoLLyCoW 說...

難怪說愈追求真理,愈接近滅亡!還是糊塗較快樂吧!

A Few good men 套戲裡最出位的名言"You can't handle the truth!"

L L 說...

牛牛:

"You can't handle the truth!", 對,人是有限的、不完美的,在你身外的人更多是有限的、不完美的,而真理是無限而完美的,以有限去掌握無限,殆已!

匿名 說...

校長:

以為你番拍呢首歌mv 添。。。哈哈

自由

L L 說...

小行:

你師傅只配做 MV 裏面嘅 office uncle, 掃吓地執吓嘢送吓文件咁喇,咁綺妮嘅嘢,邊有我份吖 :(

匿名 說...

校長:

un.... 哥哥咁靓仔,可唔可以加多個臨記位俾我???


自由

L L 說...

哥哥咁靚仔,我哩個校園阿伯做臨記會破壞晒成個 video, 我都係通宜做觀眾好啲咯!