尋日好過癮吖，雨橫風狂後，踏著遍地殘紅，唔駛返工，午後繼續 happy 去也！到對手在位了，遂一撥衣擺，跨步登上圍城之巔，結果手揮五絃，目送飛鴻間，就把對手弄至眉頭緊皺，徒呼荷荷，結果當然是又一次臣服在我之下了！
打後觥籌交錯，酒酣耳熱，放歌的放歌，笑謔的笑謔，直至杯盤狼藉，遂踏上歸途，長街雖靜，卻沒有寂寞之思，畢竟今日能在圍城裏煑翠烹紅，嘿嘿，都是拜風暴納沙所賜。
今日回校，還未響鐘，登入網上銀行，一看，怎麼？羞澀的結餘數字告訴我 ：未....出....糧 ！！！
冇理由架！都 30 號咯，我雖不是由獅子或刀幣銀行直接出糧，但一直都會在月尾一天收到糧款，十多年來從來無誤！想起了，是昨天銀行不辦公，過數遲了。九時過後打電話到銀行問，確定了這個原因，但更大鑊是，明天又是公眾假期，糧款分分鐘星期一才有。
噢，那我的保險呀自動轉賬呀又要搞一餐了！這個週末要過一個超瘦的月頭了！
唉，國慶節前一夕風流，節日裏阮囊枯陋，真是成也納沙，敗也納沙啊！
寫到「殘紅」，就想起此曲了：
唉，此人堪記！
.
.
.
去年今日：消失了那尾魚
.
.
15 則留言:
你唔係大陸銀行出粮嘛？！佢地黃金周長假放到9號呀！
哇，你咪嚇我喇，我心血少呀！
我係中資銀行咯 ><
校長大把$$$，駛乜驚？
快快去取床下底餅乾罐出黎呀！
哎吔，餅乾罐，連罐帶 $ 俾人攞咗去回收喇，嗚，渣都冇得剩 :(
乜你又想寫"甜故"咩?
哈哈哈~~~~
哈哈，我前日入嘅票今朝都未過到呀；不過你大劑D
新鮮 :
冇呀冇呀 , 我 d 好正經架, 決戰前夕, 紫禁之顛 !
naruto :
返緊屋企, 一陣 check 下, 再無就哩個星期守齋, 唔去街唔買波買馬 !
haha, 有喇有喇，咁都好啲，可以去 wet 咯！
咦，我都未 check 出咗糧未添~
有錢就身痕啦,
你唔乖呀!
又有斬獲，恭喜恭喜！出遲幾日糧，濕濕碎啦！
有錢.就身痕了
底得你呀，有得風流就咪鬼晒啦，去偷笑嘛。轉賬事小，放下愁緒，收到，收到，我会多珍重。
「秋+心=愁」
唉！秋意濃又令人詩兴大發！
校長：
唔買馬，唔買波，就叫守齋咩？嘻嘻！
大頭哥：
經濟充裕才不用 check 出咗糧未 ^^
新鮮：
有錢身痕就男女一樣架喇 :p
Arma：
同啲後生仔打，贏唔多呀！
卡卡：
好過無錢都身痕 :)
牛牛：
俾人睇到我偷笑會話我儍架！
何處合成愁，離人心上秋！雖然如此，但牛牛不要愁了，多想春風夏月。
佛爺：
好齋架喇！另外嗰啲， kekee~~~
發佈留言