網上照片記得 2001年某日，喺學校切生果，一不留神，竟然把左手食指頭割了一嘢，嘩，深到吖，啲血巴巴聲流出黎。我即刻用力直壓，一直以來我啲血小板都好勁，傷口極易埋口，但那次真係標咗好耐，我都有啲慌，死喇，駛唔駛叫白車呢？
在廁所裏見啲血係咁流入洗手盤去水口，都咪話唔神傷，幸好血最終還是止了，我的神奇血小板還是 function 得不錯的。結果冇同事知我大出血，沒上白車，冇睇醫生，後來食指頭也沒有留下任何傷痕。
但那年打後，就遇上我人生最大的投資挫敗，情況惡劣到差唔多反晒艇！
打後就對投資滿有戒心，尤其股市，間中心癮來時揼少少玩吓，但結果都是輸多贏少。
剛過了的星期天在家裏，用界刀削鞋跟的墊膠，我已萬二分小心了，好了完了，但再看看，還是不滿意，再批多兩嘢，結果就出事了。一錯手，界刀就批到左手食指與手心交接處，割了一個傷口，血又標出來了，不過今次傷口細，很快就止血了！
這個星期股市大冧市，血指徵兆似乎又靈驗了！我又不夠儆醒，迷信得幾倍 PE 的股唔會大冧掛？結果還是俾人質得失魂，雖然我是細細注，輸贏還及不上一場麻雀，但睇佢係咁撻落黎，真係心都實埋。至於後市點樣真係難講，你話好似沙士咁漫長嘅低潮同深度都幾大鑊！
兆應，邪門，真係唔到你唔信！
.
.
.
去年今日：中秋做乜好呢？
.
.
19 則留言:
雖然我仲有貨，亦撻左落嚟，但我無反應喎，豁達左好多呀
嗯，咁就啱喇，敢贏也敢輸，哩個世界，沒有永遠的上升也沒有永遠的下跌！
哈哈~下次要早响,今次我入哂肉呀!好彩重笑我出~
血光之災，小心啊
看PE没意思. 因为有两个情况PE可以升,一当然是股价升,二就是盈利(Earnings)跌. 你绝得现在那个情况比较有可能发生?
现在不是不能买,但买了要有拿着五年以上的忍耐力.
未来金融界风高浪急,保重.
我係鴕鳥，我冇理冇開我個 portfolio 嚟睇~
校長：
早d講麻！中曬呀，不過仍然食得訓得！
校長：
一滴精等於十滴血！你一滴血就等於恆指九百點！嘻嘻！
PE低所以抵買，呢個財演技倆我最痛恨！
犯錯不重要，重要在乎知道自己錯在那裡，然後立即改過。
索羅斯分享過點解佢咁富有：
I'm only rich because I know when I'm wrong.
無貨係手,
心定好多。
minor：
haha, 我自己都唔信邪，所以就瀨咗嘢咯！
卡卡：
喺股市到中咗棍，應該化咗劫喇！
Desert：
大跌市就像保險條款所寫的非抗力，真係 PE 幾低都頂唔住！
我諗住長揸架喇，反正係雞仔注！
大頭哥：
唔睇都好嘅，眼不見心裏就冇壓力，只要唔係有限期嘅股證，就可以話之佢！
小行：
最緊要食得瞓得，今日之跌係部署明日之升，只要唔係等開飯，就冇問題。
佛爺：
一滴精等於十滴血？冇咁勁掛？咁我咪朝朝朝暮暮咪搞到貧血 XDDDD
Eben：
索羅斯係索羅斯，所以股市裏賺到錢嘅人唔多。其實最強最有用嘅心理素質就係識止賺與止蝕，哩個我都係弱雞！
新鮮：
你就係最幸福嘅人喇 :)
哎呀，你冇買跌，咁咪走寶囉？我就黑仔啦，冧市都未算，仲要跌得勁過大市先慘！
劉兄小心保重。
上次為銀行爆煲，今次係國家爆煲加銀行爆煲。法國三間銀行已經無同行敢與之做生意。
春來暑往，秋收冬藏。冬天已至。
Arma：
冇呀，冇咁心水清。我已經撳住唔買輪，知個市 chok 上 chok 落，買牛買熊都死。就買件低 PE 嘅實貨，點知都揩嘢！
瞎子兄：
謝謝關心！我雞仔注叫做過吓日晨，唔傷身。不過身在其中，都叫做見證同參與咗個大時代。
又一滴淚。。。。
抱抱，錫番，无事！
嗯嗯 ....
我都冇眼睇喇乜都跌，早知將啲錢擺喺床下底嗰鞋盒啦。
Eric：
唔駛喪氣，個市遲早升番，因為有波幅啲炒家至有肉食。而且世界經濟大勢長遠向上，依家睇番87年嗰一跌，原來自大蕭條以來的上升軌以來，只是個很小的調整！
發佈留言