上星期報章透露有幾位前高官為梁振英站台，赫然就有前教統局常秘羅范椒芬在內，我就感到不妙了。當前教改的惡劣局面，甚至中史科邊緣化，中文科砍掉範文考試，學生不再認真學習前人優秀篇章，導致文化素質大幅下降，羅范都是始作俑者。這人更涉嫌干預教院學術自由，又說若教師壓力大就不會只有兩名教師自殺，結果與前教統局長李國章離開問責制及公務員隊伍。
一個紀錄百孔千瘡的舊電池，憑人脈做了港區人大，轉個圈投入梁營，希望可以一朝翻盤，重新踩入決策機關，能不令人心裏發毛？
講智慧，梁振英比唐英年高十倍，但唐唐在政治前台打混這麼多年，人脈之廣泛非比尋常，連睿智的任志剛都不能跳出交情，崇尚無厘頭文化的周星星當然更不會客觀議政論人了。
結果為梁站台的人份量比不上唐唐的，連羅范這廣受批評的前高官都來而不拒，梁振英真是無人乎？
昨天梁振英正式宣佈參選，長毛去踩場，就是批評羅范與市民為敵，與老師為敵。梁振英找她做競選辦公室主任，是失算了。於是我終於發現，我跟長毛還是有看法一致之處的！
.
.
.
去年今日：我定是錯過了那片朝霞
.
.
17 則留言:
咁來interpret和長毛接近是否委屈了兄台呢？
你又準備拖馬去 dup 人？
政客都是騙子！多年我投票的心得告诉我，不信他们誠若的，看他们政綱不好的地方，你能接受多少？
唐唐有官相，機会大！
Inner：
對羅范，我是人罵，長毛是狗吠，目標相同 XDD
Eben：
我有鬼馬咩？見不平事，對不堪人，罵幾句就是了！
牛牛：
>>看他们政綱不好的地方，你能接受多少？
真是智慧！
SORRY~題外話
你條牛仔褲有無14寸闊?
上週末係電視睇到梁關於蠢嘅領袖與優秀智囊之說，當時梁臉上顯然可見一種不踏實的內心反映，對梁的觀感有改變。
还以为你在哪里见到长毛. 其实我一直想知道他那长发到底有没有洗过.
有呀，卡卡，該唔止添！
Coffee：
你睇梁振英嘅政論文章，就知佢真係好高。但搞campaign，可能真是他的弱項！
校長,
同意羅范是敗筆.不過她做不好教育但可能做競選辦公室主任會做得好呢.
昨晚寫了"以品質管理原則看特首能力", 歡迎給予意見.
Desert：
有掛？如果唔係條友去夜泡就一定食白果咯！
QA：
做不好教育但可能做得好競選辦公室主任，我同意，畢竟那只是 1200 人裏面的博奕。但爭取教育界選委票方面，會輸蝕的。
我諗震鷹哥係受制於客觀條件，所以採取多元化策略。睇吓佢嘅競選班底，真係乜人都有，唔到你唔服囉！
震鷹哥始終來自草根，又唔係攞正牌可以左右行政決策嘅高官，啲世家大族利益團體唔俾面就好正常咯！
其實我好想佢做，揾條懵炳做香港边樹有行！
我一見到羅范，簡直想死！
嗯嗯，我都係！
講真﹐有人不斷話唐唐蠢對手廢
但我也十分懷疑梁振英除了公關做得比唐 唐好外﹐他根本無做過官﹐究竟有幾多真才實料﹐又有無能力handle到班AO先﹖
好好歹歹﹐唐唐做香港二當家咁耐﹐唔好話有果班有錢佬﹑大孖沙撐啦﹖同班AO起碼遠遠熟過梁振英
如果梁振英做﹐又好似佢話頭要做強勢領導﹐如果班AO唔buy梁振英果套﹐換個角度來講﹐強勢領導=大石責死蟹!
到時最大可能﹐係重蹈董伯伯覆轍﹐上有政策﹐下有對策﹐班AO頭根本唔賣你帳﹐集體不合作﹐到時盞玩殘梁振英咋﹖
你所說的確是梁振英的一個大課題。不過很在乎佢真係做到特首後揾边個做政務司長(壓唔壓到班官)，同埋佢同哩個政務司長嘅關係(即係哩個政務司長嘅政治前景等等)。
其實會好複雜，再下一屆就可以普選行政長官，哩個阿二分分鐘做唔到阿一，官場生態變化太多喇，真係說不準！
發佈留言