有幾位年青助理在這個月慶生，週五晚上，大夥兒就到尖東搞了個唱 K 生日會了。
港晶中心的 Neway 很不錯啊，食物接近酒店自助餐水準，硬件也不俗，是可以開心消磨幾個鐘的好地方。
我們這個生日餐會已搞了多年，一年裏總有四五次聚會，難得是每次我們那因病早逝的同事媽媽都有來。一位六十多歲的老人家，兒子胰臟癌病發後與關心探望的我們熟稔了；兒子逝世後，我們有生日餐會都會找她，她也欣然赴會。我們與那同事的緣，就透過這老人家而有形質的延續下去了。
老人家很愛粵曲，雖是玩票，也是高手。K 會裏就只有我這個校園阿伯可以陪她對唱。我唱得不好，但能讓老人家舒展一下歌喉，卻屬樂事。
那晚有同事揀了張國榮，在目錄裏我看到〈怪你過份美麗〉此曲。認識這歌是因為前前度女友介紹的。她說這 MTV 很爆，很喜歡。又真是的，MTV 述說了一個很情色的職場故事，情節抵死，畫面綺妮，叫人會心而笑。
怪你過份美麗，尤其是當我擁著你的時候，那感覺，早已飄揚永逝在那年暖熱的夏裏。
.
.
.
17 則留言:
哈哈哈~~~ 嫐
哥哥被嫐啦！
校長：
舊歌前情？絢麗甜憶？
嘿嘿：
兩女一男，哥哥被玩謝了！
佛爺：
只是因事而憶，人非草木嘛！
搞笑！哥哥真「完美迷人」！
呢條MV我都係第一次睇，原來仲有馬詩慧同埋舒淇，一個醜，一個姣，真係頂癮！
我好耐好耐好耐無唱過k啦!!
MV中嘅情節，就係你嘅回憶?
呢個mv, 當年我已經錄低左, 女角們太索了
就算到家陣，我次次唱K都會揀呢首。成班麻甩都好開心。=)
牛牛：
完美就像真理，愈接近就愈接近滅亡，哥哥如是，小龍如是。
Armadillo：
死喇，MV同 MTV 同唔同架？我會唔會用詞 short form 呢？
哩段片有晒故事，編同演都鬼馬，正正正呀！
貓姐：
同貓生去唱呀，又可以開大餐，真係好多嘢食呢，食到飽飽都得啫。
Eben：
唔係，我边有質俾性感上司挑逗呢？我又冇質去吸引女下屬喎。只不過係前女友鍾意過此 MV, 突然生起記憶啫。
篤篤：
真係好索呢，最頂癮係那枱底的吻，名副其實的地下唔見得光嘅辦公室戀情。
CM：
我哩個麻甩唱哩首歌就好有感慨呢 :(
難怪說愈追求真理，愈接近滅亡！還是糊塗較快樂吧！
A Few good men 套戲裡最出位的名言"You can't handle the truth!"
牛牛：
"You can't handle the truth!", 對，人是有限的、不完美的，在你身外的人更多是有限的、不完美的，而真理是無限而完美的，以有限去掌握無限，殆已！
校長：
以為你番拍呢首歌mv 添。。。哈哈
自由
小行：
你師傅只配做 MV 裏面嘅 office uncle, 掃吓地執吓嘢送吓文件咁喇，咁綺妮嘅嘢，邊有我份吖 :(
校長：
un.... 哥哥咁靓仔，可唔可以加多個臨記位俾我？？？
自由
哥哥咁靚仔，我哩個校園阿伯做臨記會破壞晒成個 video, 我都係通宜做觀眾好啲咯！
發佈留言