彈性放午膳，真係做唔到 ?

好，朝令夕改好過錯而不改。

其實彈性放午膳，齋噏完冇用，攞個指引出黎，公司或機構字母A至I頭嘅放 11：30，J至R字頭嘅放 12：30，S 至Z字頭嘅放13：30。咁樣做，平時午市一個鐘人流理論上減少三分二，限座令做成的堵擁基本上就能解決。另外，宣傳食不言語，同食完早鬆人嘅讓位文化，這才是凝聚社會共力之道。

非強制，冇罰則，唔需要監察，亦無從監察。但有了指引，讓社會自己形成共識，喺非常時期，這就是方法！

Work 唔 work，就睇香港人嘅素質，而咁一定好過齋噏希望，而無任何政府指引。

.

.

阻人食飯

[29/7 13:27] : 廢柴政府！其實好多選項，呼籲在家工作，唔得嘅就單雙日上班，再彈性放午膳，規定每四人桌限一人，六人桌限兩人，八人桌限三人，又鼓勵外賣七折，好過一刀切禁止堂食，聚晒公園，街邊食一樣有傳播風險

[29/7 13:36] : 做地盤，體力勞動嘅太辛苦，俾個選項可以俾佢地堂食應該，白領唔該外賣返公司食，仲有建立個共識，大家都食不言，咁就會安全啲

[29/7 14:05] : 唔用規矩，用自發，你白領嘅要坐低唔犯規，但要觀照自身，過到自己過到人

[29/7 14:05] : 依法是基本層次，社會體諒別人才是較高層次

[29/7 14:05] : 該做嘅，應做嘅，雖千萬人吾往矣，才不愧於己，不愧於人

[29/7 14:05] : 在乎有冇識見同手法策略

[29/7 14:05] : 我以前在學校推嘅措施，亙古未有，冇人會諗到做，諗到都唔夠膽做，但唔推，就永遠唔得，我做，就證明可行

[29/7 14:05] : 唔去推，就永遠唔得，去做吓，原來未必唔得

[29/7 14:05] : 低手會造衝突分化，高手才會做得成。但政府裏全是低手
.
.
.

政府總部的中學雞同學會

乜都唔識嘅林鄭已經慄了收皮，揾個頭大冇腦又冇草的肥仔宗出黎擋箭，口窒窒唇震震仲話政府係張弛有道。文痞俾一句爛鬼套語班垃圾以為就係寶。香港真係乜都出名，官廢更是近乎首屈一指，如果特朗普政府不存在嘅話。
.
.

沒慈悲心的廢噏袁教授

對這虚偽胡鬧透頂的人，我已經沒好氣去罵了，若佢荒謬一次，我就罵一次，豈不是我的生命被這條懵種拖住？像早前他說三月已驗出病毒變種，卻從未見他公布過，只見他高調的說屎可以傳毒，帶口罩可以防禦病毒這些路人皆知的事實。算喇，我都忍你。但今日醫院有群组爆發，你竟然指控那涉嫌傳疫的老人家一定是帶口罩嫌焗促，於於拉下口罩，到處摸，病毒就這樣傳播出去。這是事實嗎？是你袁大教授親眼見到那老人家這樣做？還是病房有閉路電視，又被你侵犯病人私隱的看了？

你的這種基於想象隨口噏的指控，是一個科學家，病理學家應有的態度？可見你嘩眾取寵，無料扮代表的醜行，已去到令人嘔心的地步！

請你收回你的妄測，不要把别人抹黑。只要不是刻意播毒，染疫傳疫，從來沒罪魁禍首，何況是一個病房裏被緊密看顧的婆婆！
.
.