15/2 續情人節

我是個不拘形式， 不滯於限的人，上個月兩條仔請我的生日飯，到 15/2 那天才食，真的沒所謂。

吃得開懷，又豈在於那一朝那一暮。只要情意在，今夕與昔夕，都是同夕。

.

.

.

.

蛇年初四記事

春節之人重物也重

昨天跟兒子到久沒探訪的大姐家拜年, 那種對環境户所久別再逢的感覺, 很深很深。十多年前我們春節都會到大姐家, 但自母親行動不便, 就改到媽在西營盤的居所團拜。初二那天, 到侄兒沙田的家團拜, 但兒子們有約, 未能留下晚飯, 沒能見到姑媽他們, 兒子昨天就提出到姑媽家拜年, 我自是欣然應允。

倏忽十多年, 姐家的布局都有改變。記得那些年, 一家人在姐家吃開年飯, 熱鬧溫馨, 欣悅無限。昨天延續了這種親戚情話, 笑語家常, 真的無以尚之。

.

.

足球激情俱已矣, 只今餘幾

離開姐家, 到灣仔哥處, 這裏更是二十多年沒到, 又是一種久別再逢的感覺。原本想到西營盤妹處, 但她外出拜年去了, 我和兒子便乘地鐵離去。地鐵上, 小兒子說約了朋友晚上通宵打牌睇波, 令我想起以前對足球的激情。他們小時候, 我會駕著自己的 Astina, 夜深一支公由柴灣開車到灣仔的酒巴看波, 那時對足球, 是何等的熱愛！男生對足球, 真的是基因早種 ? 但隨著年齒漸大, 現在連足球都不看了, 買波也是早已不再。那如今何物能令公喜? 是資訊, 知識, 通過媒體了解這個世界, 原來很多我們一直以為的, 都不是事實, 覺今是昨非, 才是生命的不斷發現！

.

.

久違的 161

離開大哥家, 由灣仔道經短短的三角街, 就是我住了三十多年的莊士敦道。下面影片最右端是大有,前英京酒家所在, 大有旁邊就是我無限記憶的 161, 再旁邊是敏如, 現在都是新建築了。雖不至滄海桑田, 但舊影象已然在時間的長河消失無蹤！

.

羊膶落鑊，普天同慶

我臭罵羊膶的帖子，不知凡幾，最終條爛貨真係被炒政息，實在太好。但正苦的廢官何只雙雄，仲有謝展頑，沉某波，接著要郁嘅就係哩兩條友。

孽瘤見炒人就喺度廢噏，話接著兩年半不要太多人事變動，話不應政策推行不順就怪責局長。哩個婆娘愈老愈廢爛，唔怪責局長唔通去怪責看更同掃地嘅阿嬸？而且唔問責置一直強調的 KPI 於何地？領導無能就要落台，唔好阻住地球轉，兩年半，俾班廢柴執政香港真唔知要衰到去邊，而且我地嘅公帑亦唔係愛黎白貼廢官。

其實今次炒兩條友又豈會是李叉燒的意思，之前話佢中人之才都俾多咗佢。條友根本就係有食則呼群只益自己人嘅俗世人，膨脹問責團隊，只知壯大自己個群，卻無視效益，更無視精簡架構，提升果效之理。今次炒掉兩個廢官，根本就係阿爺的意思，李叉燒只是奉命而為。因為哩條只知冧自己友，拍膊頭哈哈哈嘅俗世人，那有這種分析力，決斷力和執行力。條友唯一及格的，就是隱藏消息，扮作無事，同羊膶一齊去出席活動的演戲能力而已。

.

.

破地獄是度死扶生

地獄，不單是死者遇上，戲中說生人也有他的地獄，若演繹下去，那就是人生的盲點，執念，怨恨與惡運，所以要破死者的地獄，更要度生人的地獄，就像志斌與文玥兄妹的感情地獄，最終是因為父親郭文的了悟，而破掉了，跨越了。

從來不喜歡黃子華，因為佢每一個神情動作都是在做戲，許冠文也殘留了雙星報喜時的感覺。但戲好在意念與劇本。看到尾，真的有些眼淺！

破地獄，令我想起先母離世在殯儀館的相同儀式，人世幾回傷往事，山形依舊枕寒流，那是近十一年前了，印象永遠不能磨滅的一次破地獄。

.

.

.

萬物不捨因有情

我是戀舊痴，由小學到大學，由第一間任教的學校到退休的那間，都有物事留低。總覺得，時間已然過去，但光影卻是永曾。用心活過的日子，能截然斬斷，不留半痕？高人能做到，我不是高人。

下面的椅子，原是兩椅一几的一套，是 2015 年淘寶買的，那時託了集運，但不知是不是體大卻量輕，集運商沒油水可賺，竟然放了在深圳，由我自己上去取。

喜歡呀，沒理由放棄，便一支公上去自己托落黎，也不知道自己是如何做到，總之就是運到了家。

九年多了，時間催人老，也催物事老。其中一張兩年前扔了，這張轉居處後常放日曬下，織膠的面就被光照得分解破碎，年多來改放在睡房承放衣物。今日整理物事後，還是扔了它罷。把它拍下來，留下光影紀錄，記一段人與物之緣。

.

.

                                        就是後面靠牆的那套，一几兩椅，椅都扔了，几還在

這椅堅好坐 

奪金劍后

所謂體育評述員全無深度，都是心瞎，完全冇人講她的大我精神。她的可貴處是以別人的感覺為先，包括香港人，粉絲。三年前奧運敗了就抱歉愧疚要令大家失望，勝了卻不沉醉在個人的榮耀，說「我想幫大家贏」。香港的成功運動員中，我暫時只見到她有這種可貴可敬可愛處。

.

.

.

.

賽納河上冇眼睇

巴黎奧運開幕真係黐亂線。運動員出場，大船就幾個國家坐埋一條，船頭一拃，船中一拃，船尾又另一拃，鏡頭斜掃，就雜沓了兩三個國家旗幟，亂晒籠。有啲小國，十零丁人就坐艘小艇，寒傖到不得了。

仲有，表演嘅點子就沿河鋪排，條河咁長，話看台綿延六公里，河哩頭嘅觀眾就睇唔到河另一頭的，即係你只能睇到全部表演點子嘅二十分一，甚至三十分一，你話係咪黐線。有大屏幕電視？所見就冇乜，就算有，我咁樣不如返屋企睇電視喇，而且觀眾面向河中，要擰轉頭睇電視，真係膠到唔恨。

髮國佬沒落喇，選手村就熱瓜你，要食飽有能量？自備肉食罷，哩度大量供素食。去運動場？自己踩單車喇，死未！

.

.

.

我是父親，卻不父親節

我是一個沒有儀式感的人，甚至連自己的生日，也是視如平常，很多年前，已說過，生日最值得感恩的，是懷胎九月，經過陣痛才生下我來的母親。

父親節在那一天，我一直沒上心，沒概念。因媒體，知道在六月，但從沒留意。前幾天見到小兒子，他說去食應節飯咯，我說不用了。我的沒儀式感可見一斑。

今天收到親朋，學生的早安與父親節祝福，其中我回了一段文字：

「早晨，總覺得，做過父母親，才是完整了作為人的全部，謝謝你。」

我是衷心感到這點，孩子們並不很出類拔萃，有些事的想法與老爸的都有落差，但提携他們成長，到今天他們自立，我都是滿心滿足，很享受這個過程。這種感覺，是沒做過父母者所能感受。

所以，我還是希望我的孩子都有孩子，老父的感悟，也想你們有所感悟。

.

.

.

.

歲月匆匆過，白訊比紅多

星期六送走一位親人，在靈堂上看到一個花牌，只有堂侄婦的名字，覺得疑惑，探問下去，才知道堂侄約兩年前已離世。太突然了，他雖屆中年，但今日標準來看仍算盛壯，真的無限惋息！

今日又收到一位新亞同事離世消息。新亞六年，是我教學生涯上最快樂愜意的日子，那裏的同事，學生，都溫煦禮淑，是好友儕，好黟伴。陳老師更是胸無城府，永遠是笑臉迎人。每年考試期內的老師海鮮宴，他就是最懂行情門路的買手，宴席酣暢，沒有他，焉能成就。

歲月匆匆過，白訊比紅多，珍惜眼前人，是不易的道理。願離我們而去的親友，一路好走 🙏

.

.

展頑又廢噏，癲過食忽得

榭展頑哩條友真係 short 架，話每兩個月派公屋住戶 40 個膠袋，平均每個月只可以用 20 個，一個月 30日 ，一定唔夠用，咁啲居民就會自動把廚餘分出黎拎去回收，避免因垃圾儲在屋企兩日或以上而發臭，於是咁就可以成功培養廚餘回收習慣。

我頂佢呀，哩條友真係蠢爛到冇得救。你兩個月派 40 個袋，我就唔會用自己購物得黎嘅膠袋裝垃圾放廚餘？你乜Q嘢智商呀！居民自己大把膠袋喇，根本唔駛你派。就算你派，居民就會死咕咕每月只扔 20 袋垃圾？就會著好出街衫，每日行十幾分鐘把廚餘拎去回收點？

點解比加超會揾到哩啲咁嘅廢柴架！根本你條懵種就係要為浪費 7500 萬公帑去買埋哩啲十九薄切切膠袋負責。成個垃圾精廢根本就係理念不通，準備不足，推行白痴。唔單止嘥錢，仲令市民罵聲四起，正苦形象又一次大插水。哩個咁嘅罪人，不炒何待！

.

.

.

試咗先知唔得，更加證明了你地廢

市民的智慧高你班廢觀九倍！一早提醒咗你地喇，硬膠膠！

由垃圾去推行垃圾精廢，自然廢，哩個唔駛講架喇！

忽然想起 YouTube 智慧大神龍哥的那句名言：敗燈的那幫人，總是胸有成竹，有條不紊地把事情搞砸。負責香港環境事務的廢觀，就是藐咀藐舌，不可一世的把事情搞砸，一西一東，真是互相輝映！

.

.

羊膶去旅行

哇，發達喇，中央開放多八個城市居民可到港旅遊，包括烏魯木齊，拉薩，羊膶哩條北街水產又可以名為上訪感謝，實際上係公費旅行喇！

中央都批咗喇，唔係你羊膶爭取返黎架，你條水產上去做乜 Q 呢？

唔好又認屎認屁，話因為你上次去拜訪新開放個人遊城市，所以中央感謝你羊膶，所以醒多你八個呀。

不過羊膶哩條北街真係會咁諗架。而且今次有烏魯木齊同拉薩喎，咁吸引，唔去就笨。今次上去拜訪，話唔定中央不久之後又多開放二十個城市。哇，羊膶又話係自己功勞。羊膶真係無倫敵呀，香港豬籠入水，靠晒哩條北街羊喇！

.

.

.

其實，香港冇咗羊膶，旅遊，文化，唔會更差，只會更好。仲要係冇咗哩個叫人作嘔嘅面譜，我會覺得香港少了一坨臭屎！

.

.

北街羊膶

 見到羊膶個北街就扯火，認屎認屁，恬不知恥 

.

.

羊膶作死已是常態

羊膶哩條死產又廢噏。之前話拆咗沙田文化館，作為新科學館址，騰空尖沙咀尖學館址做國情館，我已經不以為然，係咪癲架，加個國情館要郁依家好地地嘅兩個館？哩條北街冇腦，亂黎已經去到無以復加的地步。

要起國情館，咪揾塊地咯，西九大把地喇，多到話要賣地去支付天價高管人工同營運費。依家只係一個起館嘅工程。但哩條躝癱竟然要去做拆拆起起起總共五個工程，哩條友失智亂黎，已去到精神錯亂嘅地步。

仲有條死產仲為自己辯護，話之前想拆科學館，因為樓底唔夠高，放唔到航天嘢。北佢個臭街，佢有冇去過科學館？科學館樓底仲唔夠高？仲有你放航天嘢，要成支火箭實物比例放入去？咁你幾高都唔夠喇！

難得哩條死產為自己的白痴兜嘢毫無愧色，面不紅氣不窒，真係奉迎攀爬官場嘅超才，卻是幹實事的超級廢柴！

.

.

羊膶之爛

 羊膶又借故去公費遊埠喇，哩條北街真係要幾爛有幾爛，一事無成，敗事無數，邊庶係人 😡

.

.

政苦不斷發債，為佢地繼續高人工鋪路

傷港入不敷支，生財乏力。冇賺大錢嘅工業收益，旅遊業今非昔比，消費服務業啞火，外國資金唔騷你哩個國際金融中心遺址。你仲有乜嘢籠了去生錢？

地產？咪玩喇，阿爺都唔想你繼續吹哩種有損普羅民生嘅泡沫。根本回歸 27 年，特衰政苦就是一脈相承英殖政府嘅高地價政策，以限制商住土地造成供不應求，谷高樓價從而收取鉅額賣地收益，好去支撐佢地一直打造的高成本社會。

但泡沫唔可以永遠吹落去，富了政苦，地產商人，擁屋者，卻苦了無產者。而且靠地致富，政苦就冇心搞好其他產業。到了資金止步衰歇，房價到了天花板，地產就會玩完。懶慣，唔用腦慣，假大空慣的政苦仲憑乜嘢去支撐哩個高成本社會？

於是，目光如豆貪婪自肥的高官只會發債借錢，去繼續擁抱他們的超高人工同冗腫架構。減人工去冗員？諗都唔好諗。

傷港，就係俾哩班無料，貪婪，盲求高大上的廢官玩死！

.

.

兩條 💩官，一個廢一個爛

聽講呀，聽講，財政預算會建議每月搞一次煙花 / 無人機表演，去催谷旅遊。若真是如此，可見沉謬波哩條廢柴同佢班屎斗下屬是如何的低能低智。

一般批評都會話係燒錢，回報有幾多呢？但唔單止咁，仲有班廢柴根本唔識邊際遞減定律，你個個月燒，我睇都睇到悶。更兼燒煙花係高空氣污染活動，根本同高唱環保背道而馳。

沉謬波哩條廢柴個腦只此而已，做咗咁多年財政阿頭，卻把財政搞到一鍋粥，本地官壇排第三喎，唔係超級負資產係乜！

第二個要丙嘅當然係全無文化卻去搞文化旅遊嘅羊膶。條咸包散最近掛個心型氣球就以為好有功勞好巴閉。但哩個心又貴又廢，根本毫不吸引。更有甚者係哩條爛貨竟然文過飾非，為可能出現嘅利益輸送開脫。

話說乜叉盛事籌辦會議裏面有兩個委員正係掛心型氣球嘅營辦商高層，記者問羊膶討論時這兩個明顯有利益衝突嘅人有冇避席，條友竟然話係閉門會議所以唔交代。頂你個膶，你係咪 short 架，除咗立會，有邊個會議唔係閉門會議？連行政會議都係喇！閉門會議就唔駛理合法唔合法，道德唔道德？咁係咪將來老廉黎查時，你都可以話係閉門會議，所以唔會披露唔會交代任何嘢？可見你哩條羊膶係如何超級的爛！你條北街唔 💩 真係不足以謝天下！

無架喇，江山代有廢官出，各誤蒼生數十年，果然！

.

.

果然痴痴呆呆，坐埋一檯

敗登老到失憶失智，已是事實。尾國就有 76％ 受訪者感到擔憂，其中一半更是民主黨支持者。可見事實就在人心。

當然他的團隊要為老細鳴鑼開道，要保證自己的仕途。像敗登的副手賀咁黎，質疑批評敗登老懵的人是基於政治動機。其實哩個婆娘根本不知道何謂政治。政治本就是眾人之事，尾國三億幾人口的福祉很在乎誰是總統，任何人對敗登發出意見就是基於政治動機。若佢要正確表述自己意見，就應該直接說是政治抹黑。但哩個婆娘識條鐵！

至於那個入型入格，活脫脫一個冇內臟嘅洋娃娃的帛宮發言人皮哀矣，就更加白痴。話敗登 2009年已是她的導師，這建築內冇人這樣說他。So what？2009 年的敗登未失智，都正常，但個老嘢失智不是 2009 年的問題，而是今日的問題。至於帛宮這個建築內的都是要倚仗敗登才可出糧的人，你會批評自己的米飯班主？

可見帛宮中人，痴呆平凡撒賴已成一丘之貉，老有老懵，嫩有嫩痴，尾國不走弱崩壞者幾稀！

.

.

美 S 之亂

鑊鑊高潮鑊鑊金，羊膶你條無德無能的懵種快啲扯喇！

教褥局阿二五年，阿頭五年，任內毫無建樹，香港教褥卻暗地敗壞無限。今日做學生嘅做教師嘅一身問題，社會文化又極速敗壞，你條懵種仲係厚顏無恥繼續搲官。依家做旅油做體褥又不斷出事，邊一瓣證明你稱職？

不過哩件事係有一個人最開心嘅，就係嗰個還保阿頭剪環榭喇，有人孭咁大隻鑊，佢就可以暫時不在鋒口浪尖受靶，佢真係要請飲酒送禮物俾羊膶咯！

.

.

議完就是如此的低智

垃圾徵費一鍋粥，榭剪環窘態百出固唔駛講，條友本來就廢，丟人現眼絕對正常，但議事庭裏的混人也因哩件事而出醜人前。

好似那個梁嘻，話要監察市民有冇用徵費膠袋，按裝 cctv 喇。哩條友個腦唔知咩構造，全港大廈扔垃圾位都裝 cctv，你知唔知要用幾多錢？而且好多三無樓，點裝？邊個統籌，邊個俾錢？電喺邊度黎？個 server 放邊度？邊個監察？到真係發現有人違規，cctv 條片問邊個攞？片源訊號接去中央？網絡點鋪？邊個部門負責？行政費要幾多？

議完壞腦都算喇，竟然姓屈嘅 KLO 都爛埋，話貼截圖去公審，喂我唔係偷唔係搶唔係強姦，扔包垃圾冇用徵費袋都要俾人公審？好多罪犯審嘅時都唔具名喇，你係咪 short 咗！

比加超政苦上台，好多人都蠢咗爛咗，毫無道理咁撐政苦，真係死得！

.

.

垃圾精廢 👎

觀好寸（如果你想唔清楚，幾時都唔清楚 )

觀好惡（你批評？我告你 )

觀好廢 ( 擾民，無效，浪費，精神分裂，推咗仲唔環保）

未講完，遲啲再講！

.

.

戲子 🤣🤣🤣

逢淥得果然是個一級戲子 

講完！

.

.

.

官廢，議員亦步亦趨

早前保安局要用 55 億去擴建收押所，我就指出哩啲官昧於形勢，做事不合時宜。際此香港財政日趨緊絀，哩啲工程根本就應該勒住唔好去馬，把錢用喺民生同經濟，用 55 億去關心民瘼，或者去產生 100 億，200 億才是正路。

但最終撥款申請被通過。官廢爛，唔識反思，冇戰略思維，冇得講喇。把關嘅議員只得一個何君堯反對，其他嘅都投贊成票。你班友係咪 short 架，香港靠你地真係死得！

以前啲反對派為反而反，依家冇晒喇，建制嘅卻九成九只是投票機器，那來的理性，那來的遠見，那來真正的為港為民！

真係愈來愈失望，香港回歸以來愈見走低，亂港者固然責無旁貸，但香港目光如豆的官，無料缺脊樑的議員，貪婪利己短視的商人，可以脫得到關係嗎？

.

.

相關文章 : 啲官係咪癲架

豉油黨班咸包散只知與民為敵

香港啲嘢貴，質素低，服務差，香港人用腳投票，北上消費係應有之義。

想留返香港人在港消費，就要就以上三項做嘢。

香港嘢貴，除了是因為地價租金貴外，最低工資亦打開了潘朵拉盒子，讓商家有藉口不斷提價。物價上升，勞工階層自然要求加薪，於是商家又因人工成本上升，再把商品提價。物價薪酬互相追逐，破壞了市場自然調節功能，令通脹率持續大角度上升。再加上商人貪婪逐利，不斷把商品提價。三年疫情港人不能外遊，焗住在港消費，更加令商人肆無忌憚，把商品服務提價到荒謬的地步。地價租金更唔駛講，政府冇腦冇遠見無策略，只知限制土地供應令房價地價上升，租金成本便不斷上升。商家要維持營運及獲利，只有不斷提價，加了價，又有人買喎，於是物價不斷摸頂，商品質素不思提升，服務更因唔憂賣而變差，造成了今日香港商品服務又貴又廢的地步。

好了，代表商人利益的豉油黨，見港人紛紛北上消費，香港營商嘅生意差賺唔到錢，於是祭出餿主意，要徵收北上港人離境稅。美其名是增加庫房收入，實則係想增加北上消費成本，讓港人留港幫襯佢地所代表的商界。你話哩班人係咪腦殘，香港係中國一部分，國民返自己國家要交稅？根本空運返國內都唔應該收稅至啱。

更何況，不少家庭因種種原因成員要跨境才可相聚，依家即係北上見老婆，見老公，見在上面養老嘅老豆老母都要抽稅？哩個係乜鬼道理？

可見豉油黨哩班人已經自私，冇腦到極點，佢地早就應該被丟入垃圾區，讓哩班人繼續存在，繼續廢噏，只會繼續禍港！

.

.

.

羊膶你收皮

一早話過羊膶係條廢柴，果然條懵種啲遲鈍嘢蝦碌嘢白黐嘢接二連三，用幾十萬一個月養你哩條廢柴，納稅嘅唔駛納稅嘅條氣都唔順！

唯今之計，係先炒咗羊膶，膠波哩兩條廢官，精簡架構，將啲副司，副局去蕪存菁，仲有解散個乜鬼突首顧問團，取消臨阱條廢柴嘅十九辦公室，跟手退出酷刑聲請公約，咁一年就慳返十幾二十個億，香港政務同財政先至可能有運行！

仲有，劉慕裳攞到世一，你條羊膶唔好沾沾自喜，認屎認屁以為係自己功勞。運動員有成績，係佢地自己嘅努力奮鬥，同你哩舊膶半丁點兒關係都冇！

.

.

選舉壞電腦啫，小事

大事係得嗰廿幾％ 的投票率。特俱政府是卯足勁了，成班問責官員粉墨登場，又打公務員牌，老人院牌，鄉事牌，居大陸港人牌，演藝宣傳牌，唱晒歌跳晒舞，卻得到咁低嘅投票率。跟手比加超又話唔係最重要，選出黎係高質呀。如果係咁，駛鬼之前乜籠了都出晒，用咗天價公帑，裝笑臉裝到面部肌肉硬晒，係咁嗌去投票喇投票喇！可見哩班官冇嘢叻，避重就輕，昧於責任，搬龍門就確有一手！

沒有文化浸潤的人只會短於政治，文化浸潤唔單止係洞明歷史，深知權謀與政治，更有開闊的胸襟與文化視野，知道張弛進退之道。成個問責團隊，包括每年億幾薪酬，卻只開一次會的所謂突首智囊團，究竟有幾多個曾好好的讀過歷史，有幾多個掌握中國的形而上形而下宇宙政治倫理文化等道理。

西式民主衍生出來的選舉把戲本來就是爛。未有俱議會前地俱管理就唔掂？發夠夢未？愈多架構只會讓愈多人懶政，香港走上係咁選舉，係咁開位，係咁燒錢，官員議員天價薪酬卻政治短視低能，就是香港愈走入衰敗的其中一個原因！

.

.

從夜瘟瘟到跌鑊甘

香港會成為國際金融中心遺址嗎？百足之虫，要死都唔係一嘢到位，而且中央都會出招撐港，所以未來變數仍多。

但近來香港經濟真係愈走下坡，股市不振，消費低迷，連香港人都不愛在港駛錢，紛紛北上，咁內地，外國遊客又怎會覺得香港吸引呢！

要想香港經濟有改善嘅可能，先炒咗冇料，只識奉迎上位，酗酒成性，成事不足敗事有餘嘅官場動物沉謬波先。放條無能大杉喺度，真正人才便進不了來，要救香港經濟，真係唔駛諗！

.

.

連結 : 香港夜瘟瘟

枉仁龍識條鐵

真係唔明白，點解社會上咁多所謂的社會精英社會領袖是如此低智，如此語言無物！

學童自殺的應對方法是加強識別，減少教師工作量，讓佢地去「擁抱」學生？

錯！辜勿論今日老師的普遍素質已是泥沙俱下，佢地連自己都顧唔掂，更有賤者是去壓學生，搞學生，叫佢地去識別，「擁抱」學生？沒有資格沒有心態沒有能力沒有標準沒有機制，點做？

加強識別不能說是錯，但只是治標，即是學生負面，甚至厭世情緒出現了，由學校去識別應對。但治本是怎樣令學生不會負面，不會厭世，這方面教育局班蛋頭會諗到嗎？

學童自殺，是家庭問題，感情問題，社交問題，文化衰敗問題，學習壓力問題，唔去諗哩啲，掂哩啲，哩個政府咪係無能低智咯！

無視社會衰敗，終日自我感覺良好。問題浮面了，又找不出敗因，不能對症下藥，不能標本兼治，這些官，這些所謂領袖，就是社會的蟊賊！

.

.

啲官係咪癲架

香港政府收支已逐漸跌入水深火熱，仲用 55 億去擴建收押所？話收押名額會倍增至 810 人，除一除佢，即係增加了 405 人，每個名額的成本是 1,358 萬。

據何君堯講，裏面有牙科診所。真係黐線，奉公守法的市民都唔夠牙科服務，你去俾嗰啲收押者？

所以你睇到啲官是如何的不合時宜，如何的硬膠。依家政府儲備剩餘 7000 億，改建收押所就用去 55 億。你有幾多個 55 億？

唔改建收押所會死嗎？喺收押所裏面的人如果唔係被冤枉，就是社會負資產，你用 55 億的鉅大正資產令佢地喺裏面坐得舒服啲，仲可以睇埋牙？真係令人憤怒！

用 55 億去產生 100 億，200 億就話啫。原來好高鶩遠，好做唔做的廢官真係太多！

.

.

葉瘤的精神分裂

為甚麽說精神分裂呢？葉瘤以行政會議召集人身份，出席了備受爭議的同運會。甚至在致詞中疑似作出政府支持這些與傳統人倫相勃的關係與活動。

好歹是個政府決策層的重要人物，適宜出席這些備受爭議的活動？

同性戀愛是個人取向，法律管不著，但不表示政府高層高調現身去撐。

說這婆娘是精神分裂，是因為肯定，支持同性關係必然會降低一男一女的正常婚姻，依家男女結合都唔一定生仔喇，咁搞法生育率也必然更加下跌。香港正面對生育不足，人口老化問題，政府不是在鼓勵生育嗎？就算葉瘤你自己鍾意女人，唔該留意一下自己的身份，避免公開做一啲與政府期望相悖的事。

同葉瘤一樣硬膠的，當然仲有那條官場動物羊膶。條友低智以為自由勝於一切，小眾有不可質疑的權利，借出場地也只是按程序辦事。懵種呀懵種，之前康文署都 ban 咗唔少黃人演唱會喇，哩個你唔參考？

為官禍港，少得葉瘤同羊膶哩啲膠人嗎！

.

.

比家超果然只是中人之才

過去三日長假期，共 86 萬人次北上消費，昨日回港市民塞爆幾個關口。相反南下的內地客只錄得 20 餘萬。相對疫情時未能通關，北上南下互相扣減，香港也錄得逾 60 萬消費者流出，選擇在國內消費，即使最保守估計每人在國內消費 200 港元，香港消費市場就流失了1億多生意。

我做銷售的親人見到我就呻個市超靜，成個商場冇乜人行，大嘆生意難做。

香港吸引力真係下降，國內客減少，即使來港，消費也不比從前。連香港人自己都唔覺得香港消費吸引，憑甚麽吸引外人呢？

特區政府要做的，是檢討香港消費市場吸引力下降，留不住消費者的成因，對症下藥，但反過來，連作為阿頭的比家超都只是用遁詞，說北上消費者眾多，證明政府在陸港融合做出了成績，真係笑死人！深圳消費平靚正又關你比家超同一眾高官乜事？

中人之才做唔做到嘢呢？做到，但只能見小不見大，識淺不識深，細眉細眼嘅咪得咯，核心嘅就睇唔到，也幹不來！

香港的問題是成本太高，官員施政怠慢，目光短淺。香港也沒有實業，只靠吹出來的地產，金融，服務業支撐，商業經營者又不思進取，毫無創意，服務差劣，社會文化逐漸敗壞，不死不落後何待！

新政府上任之初，我已提出要精簡政府架構，減少政府開支，但比家超政府卻反其道而行之，膨脹問責官員規模。政府根本沒有帶頭減省，精進素質，憑甚麽要港人捨好圖劣，留港消費！

.

.

香港夜瘟瘟

阿特首話疫情三年，港人要改變生活習慣，夜晚捐出黎蒲夜市需時，咁你又點解釋連多數唔喜歡大陸的香港年青人都大批大批北上深圳消費呢？

因為上面平，式樣多，商品食物夠創意呀！

上面幾項，香港有幾多項？

睇沉謬波同一眾膠腦高官議員，究竟有幾叻，能反轉個鳥來！

.

.

.

常識題：邊個月只有三十日？

真係令人詫意，一個參與，討論，決定香港重要事務的議員，竟然答係一月 😱

讀咩書嘅呢，你話！我地細個讀書，老師都教我地背：「一月大，二月小，三月大，四月小，五月大，六月小，七月大，八月大，九月小，十月大，十一月小，十二月大」。就算老師冇教你背哩個口訣，你作為議員，睇 calendar 開會係常態，一月有 31 號常識罷，咁都會錯？

我唔會好似舊制度的立會選舉，成班低智惡狼在辯論時猛問對手地鐵綫乜站之後係乜站。答唔到就話人地冇常識。其實哩啲根本唔算常識，唔常搭那條綫就唔知乜站之後係乜站，有幾奇！但一月有 31 日肯定是常識罷，你問一個山上院友都答到你喇！

可見堂而煌之的廟堂之人，平庸之才仍是不少，有混飯吃最耍家的謬波司長，無料扮代表的白頭謝局長，乜鬼都唔識陪笑最叻的文化羊局長哩啲爛人，就一點不稀奇了。

係喇，阿羊膶局長咁得閒去篤劍，卻對郵輪碼頭缺乏配套，交通混亂，影響香港聲譽不發一語，你唔係瀆職是甚麽？

.

.

鯨魚死咗，咪話唔關姓謝你哩條懵種局長嘅事

無知，無識，無能，怠政，麻木，係最好用黎形容你哩條 🐶 種嘅詞語。

鯨魚死了，你話唔關你事，因為無相關法例。但原來係有嘅，野生動物保護條例訂明「不得狩獵及故意干擾任何受保護野生動物」，你條淨識逗幾十萬月薪 un un 腳的懵種，有冇關心過條鯨魚？有冇做過功課睇吓有冇相關法例？

就算冇法例，你唔識特事特辦？社區有突發事件，可能涉及公眾安全，警察都可以封區封路，新冠疫情時，封區更是常見。唔通要等冗長立法程序後至封，到時蛇都死喇！

根本就是揾藉口怠政，為自己開脫。有你哩條廢官，再係咁落去，只會係鯨魚黎一條死一條！

仲想再問一句，行政會議有冇人提出過護鯨哩個議題呢？立法會議呢？或者所謂乜春前廳交流會呢？

唔好側側膊，你地兜咗天價薪酬，卻無識蔽目的話，這是香港的悲哀！

.

.

香港禁煙，落後日本起碼 38 年

特區政府最近提出禁煙措施，包括提高煙稅，這不是新鮮事，而其中一項是從未提出過的研究步行禁煙。

大佬，只是研究可行性，可見由港英政府到現在的特區政府，在這方面的工作，是如何的遲鈍與屎斗！

我 1985年去日本旅行，已見到日本街上標明了「步行禁煙」，我當時的想法是保護兒童罷，因為吸煙者手指夾著煙，行走時垂手擺動，正好是小朋友面部的高度，容易造成灼傷。我想，這是關顧兒童的善政啊！

其後 2013 年再到日本，已不見路上有這標語，也不見有日本人邊行邊抽煙，相信步行禁煙已成了文化。

特區政府現在才提出，仲要係研究，並不是直接立法，可見既後知後覺，又船頭驚鬼，船尾驚賊。文化建立與社會管理，輸日本九條街！

.

.

阿謝局長，你憑甚麽寸

一頭白髮嘅姓謝局長，平時懶醒咁嘴邈邈，俾人目空一切的感覺，但哩條友其實無料扮代表。早前港燈工程出錯停電，在指定時間內搞返掂，唔駛罰仲有獎金，姓謝條友竟然唔指出政第之不合理，反而叫電力公司自己行好，把獎金回饋市民，哩啲係乜鬼邏輯？擺明係為官瀆職，拖拉了事！

最近福島核電廠接近排放核污水，記者問佢，條高傲嘅懵種竟然分唔清核污水同核廢水分別，話會持續關注福島核廢水排放。條友無常識，自大，又唔做功課，有資格做環境生態的領頭工作？

啲記者又係屎，冇人識去踢爆阿尊貴局長混淆咗核污水同核廢水，等佢仲自以為是咁傲慢掉頭而去，若我做記者，你一定 梗，聽俾我寸爆！

.

.

不仁之笑

我們很多時，會忘形地把無謂的歡笑，所謂的幽默，建築在別人的缺陷與不快上

.

.

.

死不悔改，永遠出事的幗泰

Mean 到唔恨的空姐爛話闖禍，被炒係抵死。但那個不知所謂的 CEO，喺哩個公關危機裹卻完全不懂應對，不懂咩叫公關，廢噏「事件已告一段落」，真係智慧低到小學雞都不如。哩句話又豈是肇事方，闖禍方講的呢！事情係咪告一段落，由被侮辱者話事，由社會話事，你有資格講嗎？正如一個强姦犯，侵犯人後可以話事件已告一段落？可以洋洋如平時嗎？作為一個 CEO，你要講嘅係「我地已從事件中汲取教訓，會無時或忘提升服務質素，以回應廣大客戶的要求。本人再次向受影響的乘客致以深切歉意。」

另外，那從來浪費公帑的屏機會，個阿頭出黎都唔知噏咗乜，智慧低到令人無語。今日香港，果然是廢爛者而在高位，播寃崩爛臭於眾也！

.

.

活脫脫人間垃圾

今日傳媒上最令人討厭的面孔，見之欲

律正屎臨定角

所謂專家恐犯例

前者蠢，無料，崇洋，不明事理又捩橫折曲。

後者爛，沽名釣譽，把路人皆知的道理講成自己驚世理論。

都是不知所謂的人間垃圾！

.

.

.