水培鬱金香

尚有幽情似舊時，花開花落豈由之

.

.

.

.

.

.

哈哈哈

在河畔公園的緩跑徑，我一路行一路睇片，睇到笑晒出聲，忽然聽到旁邊有兩把對頭而過的少女聲音，在學我笑：哈哈哈~~ 😏
.
擺明笑我儍佬喇，望住手機喺度笑 🙄
.
但又擺明，我哩個老人家，慈祥無殺氣，係和靄可親嘅善人黎，可以開玩笑，唔怕 😁
.
嗯，多謝爸媽生我一副善良樣，不嚇人，可搞笑 。我沒有回頭望，由佢地訕笑而過，好一個沒有雨的下午 😃
.
.

喂，小姐你望緊 ......

.

Post by HOT影片.





.
.
.

白日裏可能的鬼故

.

網上圖片

一個揾位坐的女士張望了七八秒後落番去

第二個揾位坐的男士張望了一陣又落番去

唔通睇唔到我隔離無人坐？

還是我又 賊眉賊眼，嚇怕了人？

還是

我身旁座位原來早已坐了 ....... 「人」？

呵，唔好嚇我  XDDD

.
.
.
去年「聽」日：災難裏的光輝、卑劣與無知
.
.
.

九子連環？

.

這鋪牌是不是九子連環呢？我理解的九子連環該是： 一一一二三四五六七八九九九，於是叫九飛，一至九都可以食糊。這鋪牌只叫一四七九萬 ...........

於是上網找答案，原來九子連環一定要門清，而且計吃出時的形態，自摸後食糊你是否一一一二三四五六七八九九九叫九飛毋須證實，但若食打出就必須係這個組合。

雀王會館標榜正宗香港麻雀，信得過罷，而麻雀法庭，有趣！



網上論說：

廣東牌的九子連環很少人計, 還是開枱定明, 九子連環的定義必定門前清/牌型要3隻1及9/2~8各1, 日牌分2種九寶連燈, 九寶連燈門清白摸(不求人), 準九寶連燈門前清胡人牌(牌型係九子連環), 以樓主的牌算九子連環, 符合門前清及牌型


我都同意自摸可以算係，唔需要一定叫九飛。因為廣東牌係可以插牌入手，再開牌食糊。開牌時係無權追究你到底自摸邊一隻。但係國際麻雀大賽就要求，就算係自摸，都一定要叫九飛，先可以算係九寶連燈（又唔係我地廣東牌九子連環既叫法）。所以如果你想計九寶連燈，自摸既時候係唔可以將自摸既牌插入手牌。但係呢種做法唔係我地廣東牌一貫既做法。所以我認為樓主既例子係已經足夠算係九子連環。
.
.
.

一代冇宗師

.

同事技癢，為我改了張圖。

哈哈，一代宗師，明理識戲的人就知該收檔了，那些懶文藝的半桶水廢青例外！

仲搞甚麼講座對談會？後現代主義，江湖真秩序，大時代浪漫，鴛鴦蝴蝶派，火星人降落地球拉矢現象？

哈哈，果然係痴痴呆呆，坐埋一枱！



相關貼文：終極封鎖線與一代宗師


相關貼文：腦殘女宗師
.
.
.
去年今日：一條毛裏見蠢驢
.
.
.

手寫板，好好玩

.
新買的手寫板〈文明笔〉是國內品牌，最初階版只賣 69元，平得可以，但功能一點不弱。最好玩是簽名功能，筆觸竟然可以有點像毛筆，這幾天就在電腦上鬼畫符，過足偽書法癮。

今天終於譲我想到可以配合電腦的小畫家功能，把筆跡變成  JPEG 圖片，再用網上執相軟件搞作一下，哈，以後就多點世詣了！

若 21.12.12 真是世界末日，這句在 22.12.12 就應景了！

這不是我的簽名，而是杜撰小兒子的，無論怎樣簽，看上去原來都不賴！

.
.
.
去年今日：陽光下，你令我生色
.
.
.

靚靚都無用

.

不要說登頂，挑戰前十，連破百都困難！

靚牌其實不乏的，像這鋪坎坎糊，混一式對子，加起來應該有 16 番，若打真牌 44 制，例牌 13 番，加起來就有 21 番，好嚇人！

奈何失驚無神會輸自摸，甚至出銃，試過幾鋪牌直輸過千分，真係慶過火屎。

兩月登 30 不可能了，期望多一個月罷。不過這兩個星期已放手軟腳，打機時間大減！無可無不可了，見到排前七位的人增分奇快，自己窮一世都追唔到，就得閒才打罷，享受吓靚牌算數，登頂任務交俾增分快過我好多嘅  Armadillo 了！
.
.
.
博友精點：Armadillo  〈 Mission Impossible 〉,  〈 神奇主任 〉
.
.
.
去年今日：我愛劉桂容

蚊型小捕捉

.

自從 87 股災領嘢之後，買賣股票只是小手作遊戲，叫做考吓眼光，運動吓個腦，希望唔駛咁快痴呆。散戶炒股票大多損手，我都不例外，是因為敵不過貪念，勝不了恐懼，敢輸唔敢贏，於是輸多贏少，錢冇咗，條氣都喺唔順嘅！

於是，我慢慢要戰勝自己，揼少少錢落去，叫做玩克服，贏弱點嘅遊戲。因為蚊型投放，羸咗得餐笑，輸光唔駛磬，沒關心就不亂了，反而試過幾次漂亮的捕捉，譬如一隻蚊股亳幾子入，即日嬴廿個巴仙賣出，過兩日又可以用低過之前價位再入，真係幾過癮！

年老要學姜大衛買定保險喇，計劃裏有基金成份，錢唔多，早幾年經紀幫我買入中國、印度基金，都叫做有啲賺，但經紀太保守了，錯過了兩年前的金價大升浪。去年中開始客户可以在網上自行調動基金，於是我嘗試自己揸盤咯，12月底我用基金價 55.23 買入，2月 60.70 賣出。到 5 月金價調整至 1550 美元低位，我反手以基金價 46.38 買入，前天的美國報價係 57.24, 叫做賺咗廿幾巴仙喇！

當然，未賣出未知輸贏，但蚊型小捕捉算成功，叫做可以樂吓咯！

.

.

.

雀王會館

.
用了一個月時間，由排名 10 幾萬打到 366。 希望再用一個月時間，打入頭 30 名。第三個月後打進頭  10 名。可以嗎？

.
.
.
相關文章：打機
.
.
.

我在溫柔鄉

.

網上圖片

像，只是像。

迷上了這個遊戲，就像擁抱一個善變的姑娘，這一刻冷若冰霜，只一瞬就熱情如火。她會給你一個不長不短的冷戰，在你要無奈放棄的時候，卻又給你一瞥羅綺自肩上的滑落！

你有幸擁著她嬌慵無力的軀體了，要細意呵護，她卻又忽然激越如脫兔。你要是作了一個錯誤的回應，她會給你一個似真還假的掌摑，然後逃到一個你還可以看得到的角落，瞟著你失魂落魄！

於是我們知道，覊糜一個靈魂，賞他一個美女；困陷一個宅男，給他一個無限挑戰的遊戲就可以了。
.
.
.
去年今日：爽報？不如叫喪報咯！
.
.
.

打機

.

早前胡的一鋪混對小四喜

早前喜歡了手機打麻雀，但手機  mon 太細，打得眼太攰了，分數又由過萬退到七千多，冇癮，於是叫兒子幫我剷了。

半個月前北上探朋友，想著在火車上無聊，便叫兒子幫我重新下載，怎知車未到目的地 700 起始分已輸光了。第二天回到港境後，手機上又重新被派  1100 餘分，排名則是 10 幾萬，可能是當我 0分開始計罷！

前一天輸到 0 蛋是很屈辱的，唔肯認衰的我就用心的打了；兩個星期下來，雖不至於日以繼夜，夜以繼日，但有空就打，微博不看，寫 blog也少了，結果此刻打到  23274 分，換算分 3227，名次去到 1565。兩星期下來，由排名 10 幾萬去到  1 千幾，不能說不虛榮喇！

今晚能打到 1000 名內就最好，但看來沒可能了，明天晚上罷，希望可以打到。

.

.

.

去年今日：ho ho, 又一滴血

.

.

.