2014年2月26日星期三

何俊仁議事堂上睇艷照

.

蘋果網站消息:

財政司司長曾俊華今日到立法會宣讀新年度財政預算案,這項關乎全港市民福祉、涉及四千多億公帑運用的重大議題,民主黨立法會議員何俊仁卻無心聆聽,被記者發現開會期間埋首透過 iPad 瀏覽多幅索女性感照片,似乎關心靚女「事業線」更甚於港人未來。

何俊仁會後承認「自己會議上分咗心」,並指自己不應於開會時做與立法會無關事務,予人不認真感覺,「我係非常抱歉,大家都知我好少咁樣,可能因為近排有啲太累,做咗啲唔應該做嘅嘢,我就呢樣係要致歉。」他承諾以後會避免出現同樣情況。

何俊仁因貌似一位日本色情電影男角,因而被網民戲稱「AV仁」,被問到性感照片是否「鹹相」,這位「AV仁」說:「我諗好多你地都睇到,都係少女啲相,喺啲網站嘅album度嚟,咁好多我相信可能係一啲模特兒嘅相,唔係一啲色情嘅相。」

何俊仁形容事件令自己「非常尷尬」,又指今次事件「好不幸」,「我係有誠意致歉,就算幾累都應集中精神睇返同議會有關的嘢」。問到平日有否觀看類似相片,何俊仁就指,「乜嘢都會有睇,我唔會話完全無睇,不過今日呢個場合就唔應該咁睇」。

立法會主席曾鈺成則笑著拒評事件,民建聯主席譚耀宗聞言後則「陰陰嘴笑」;民建聯葉國謙被問到會否觀看類似相片時,則說「平日有無望過下就肯定會有,但肯定唔會喺立法會會議上睇」。

*
*
*
*
*


係眼火爆,連津貼成廿幾皮一個月,竟然大庭廣眾喺議事堂上睇艷照,垃圾真係捨你其誰?

係,條廢柴財爺啲嘢係悶係三幅被,但你曾經貴為黨主席,都自重一下吖,一唔係你就好似爛鬼長毛咁,嗌幾聲剷一下胡鬚曾就俾人趕走,名正言順返自己辧公室印印腳,煲煙上網打機甚至做埋炮兵都冇人知喇,真係又要咸又要做碧咸!

你解畫話「可能因為近排有啲太累,做咗啲唔應該做嘅嘢 」,十足強姦犯嘅辯解咁咯!

香港乜都輸俾星加坡,今次終於爬番星加坡頭咯,講議員夠爛,仲唔第一!
.
.
.

2014年2月13日星期四

睇喪婆不如睇西施

.
商台個喪婆被炒,真係大快人心,係昨天聽聞的一大美事。

其實此人知識淺薄,水平低下,立場偏側,佔據大氣電波妖言惑眾,被砍掉根本就係香港之福。

跟住一班販民又去燭光示威撐場,文友 魔術師 說得好,死人咩!

件事同劉進圖被調職差唔多,報道唔夠持平客觀,為某種意識同集團服務,根本就係違反新聞自由,被調職被踢走反而係報紙電台要維持新聞自由的應有之義。

個婆娘大把出路喇,去同肥佬黎,鄭大奸打工都仲有大把世界,沆瀣一氣,臭味相投,可以做到瓜柴都唔駛再俾人炒喇!

炒魷事件雖然大快人心,但耳濡目染這嘔心形像又真係唔掂檔,幸好今日報紙有甘蔗西施的報道,哈,目光梗係極速飄移喇!


《華西都市報》報道: 

「很多人專門跑到這裡來看她,看到我就問,我是不是甘蔗西施的媽媽。」四川自貢市近日驚現「甘蔗西施」,高1米78、長相清純甜美,吸引眾多網友眼球。女孩母親亦因此常被問及女兒的事,生意好到有網友甚至專程驅車來到燈桿壩不為看燈會,就為喝上「甘蔗西施」的一杯汁。

「甘蔗西施」每年春節回家都會回家裡幫忙,恰好今年被人拍到發到了網上,因其要回學校排話劇,目前已離開自貢。李女士說,女兒馬上就從上海戲劇學院畢業,正打算考研究生,將來就想當一名老師。對於有網友質疑炒作,指賣甘蔗只是噱頭,李女士表示:「這絕對不是網上所說的炒作,我們想平平淡淡的生活」。
.
.
.
精點文章 : 魔術師〈再見理為零〉

         : 馬沙  〈傳媒人騎劫香港人〉
.
.
.