從此, Phy, Chem, Bio 要讀成 Phy, Chem, Be

林鄭把 BioNTech 讀成 B~on~tech, 陳師9肇始又跟住讀，都算喇，畢竟係「腦」細，唔擦唔得。但跟手無線新聞有條缺腦黃婆跟住又咁讀，整整吓全部報道員都轉晒讀 B~on~tech。好心喇，去做吓 research, 求吓證喇，西方確有人讀 B~on~tech，但畢竟少數，大部分都讀有個 i 音素的 Bi~on~tech。甚至公司創辦人兼行政總裁 Ugur Sahin 自己都讀 Bi~on~tech，咁都去改咗人嘅？係咪有啲過份！

唔通真係誰大誰惡誰正確？全香港讀錯因為林鄭咁讀，真係唔好大，就教壞，也搞壞細。香港先沉淪黑禍，繼而沉淪疫禍，因為有一條廢柴特首，就係咁喇！

鍾意讀 B~on~tech 嘅，跟手將 Phy, Chem, Bio 讀成 Phy, Chem, Be 喇，唔該！

.

.

.

.

林鄭政府特朗普式甩鍋

林鄭領導的政府防疫不力，已昭昭然寫在墻上。若說美國近三十二萬疫死者要向特朗普索命，林鄭都要孭上 129 條人命債。即使扣除早段的幾十人，但因為早期不肯封城，中期不肯全民檢測，都是令繼後者染病而亡的主因。這責任，怎可旁貸！

今日卻明顯見到政府要甩鍋，先是張建宗，後是許樹昌，說第四波疫情仍然走高，是因為市民不配合，週末仍然外出上街。真是混帳透頂，市民如何不配合？政府說六時後禁堂食，有市民違命嗎？叫停美容健身跳舞，又有人偷犯？週末不准外出？政府有提過嗎？市民外出又有甚麽問題！

還有，政府和所謂專家又有個不倫的判斷，就是病毒會專揀週末散發傳播，平時上班日子就算人多都會收工，夠白痴了罷！

至於有零星的犯聚，固然要譴責，就發告票罷。社會怎可能沒有人違規，但有人違規不代表政府就可以卸責，說今日疫情失控是因為市民無視疫情！

兩岸四地，香港抗疫最差已不容否認，你林鄭不要借週末多人外出就甩鍋。抗疫無遠見，不科學，不果斷才是今日疫爆不停的原因。百多條亡魂，不向你和你的團隊索命，向誰？

.

.

從大棠「紅花」看高官常識

政府總部，真係無才便是「得」。一個唔留意時事，少睇報章，少看電視新聞的人，如何能帶領七百萬港人。若林鄭多睇電視新聞，就一定唔會把 Biontech 讀成 B~on~tech，把復星讀成「複」星。若張建宗多睇報紙，就不會把大棠紅葉，講成大棠紅花。若把政府事功好好的認知和上心，就唔會停滯了一秒才成功噏出「安心出行」。

仲有陳肇始，十句說話九句內容是 empty 的，根本冇智慧深度同厚度去講一句有內容同達意明晰的話。還有那個號稱 IQ 爆棚的羅致光，事理辨知，民情掌握同應對卻是負數。幾十萬月薪的人原來最叻只係做數字，空間推理，你話死唔死！

.

.

法官需要常識與智慧

許智峯以帶罪之身竟然可以逃亡逍遙法外，批准其可以保釋離境的法官責無旁貸。法庭是一個機構，同其他機構一樣，要達致功能效益，而法庭的效益就是懲所應懲，判所應判，保持法律之彰顯。在不久前已有獲保釋者集體潛逃的前科，還輕率准予，如今又一次被待判者逃脫，就是機構功能的不彰與效益低下！

而且許智峯要求外訪參加氣候會議的口實非常牽強。作為一個區議員，氣候同區本事務根本拉不上任何對等關係。你能想象區議員去討論保持全球氣溫不升高於兩度，又或者中西區的氣候特點與減排方案嗎？

若許智峯還是立會議員，說參加氣候會議，尤可說也，因為那是涉及全港的事。法官怎麽不能作此思考？繼後政壇，傳媒同所謂的 KOL 都沒有指出其理由之荒謬處，可見特區官員與政治人物水平之低！

回歸廿三年，政治失效，司法不嚴，被漢奸黃人予取予攜，怎會無因！

.

.

林鄭你噏乜呢？

我除了懷疑你開會前冇做功課，仲懷疑你這個年年考第一的前學霸已是急速退化。復星讀成「複」星，BioNTech 讀成 b~on~tech，個 i 字音素去咗邊呢？吞咗？

跟手那個局長陳師 9又照讀 b~on~tech，是為了顧全你的顏面，還是因為兩位基因相同，如出一轍的怪異？又或者是，你地係特首，係高官，鍾意點讀就點讀！

疫苗的來源，研究，分工，搞到一塌糊塗，一錯再錯，解畫又解畫，可唔可以俾啲信心我地香港市民呀！

唉，師 9其實都可以是好強的，但你兩位真係 ... 🙈

.

.

林鄭會被中央 DQ 嗎？

聽起來駭人聽聞，但疫情中，國內曾立馬解除抗疫失誤的地方領導職權，林鄭治港無方，反修例的軟弱，抗疫的全無章法，在在都令香港政治，經濟，民生全走低，條條都是死罪！

香港行政長官既然由中央通過委任，法理上也可以收回賦權。不過為存顏面，若行到此著，多數會像董建華般稱病下台。但林鄭又豈有董建華在中央的人脈與關係，情面不給又不會是意外！

當然，這只是段天馬行空的洩憤文字，林鄭太屎了，三番四次違反中央，包括把話說在前頭，要四條立會政棍可以過渡，要求中央寬鬆疫情下中港通關條件，公然說全民強制檢測不科學，都顯露了這人的無能與低智！

如此朽木為官，真是特區和國家的不幸！

.

.

袁國勇的意料是在夢中

哩條所謂專家，過去的荒謬處已要我吐了九次飯。第四波爆疫，條友又黎廢噏，話政府犯了四宗罪，所以爆疫是意料之中。四宗罪包括樣本瓶無刻度，檢測前容許進食，行李運輸播毒，安檢膠盤重用。喂，阿生，你身為政府抗疫專家顧問，一早你唔講？要在爆四波後至講。

就當政府總部啲廢官唔聽你噏，但以你混返黎的名氣，開個記招，直接篤爆政府的無能抗疫不聽專家言，傳媒蜂擁而至喇，意見上晒報紙，我就話你先知，甚至對你肅然起敬！

今次事後孔明，一就係證明你後知後覺，再唔係就係你怕得罪總部班廢官，不敢作諫。所以無論前者後者，都證明了你的屎料或失職！

其實第四波爆，原因已好明顯，就是對入境者隔離不嚴，親友可以探訪，機場到隔離酒店又無點對點運載。再加上政府麻木於雞瘟鴨瘟播毒，香港於是又歷一劫。

你袁國勇另覓蹊徑，只像你上次俾人噏晒你無嘢噏，於是就話信箱播毒一樣白痴而已！

專家，夜喇，你早抖喇，好冇！

.

.

袁國勇驚世大發現之二：信箱誘惑

.

.

宣布流亡，哩啲係乜鬼中文

宣布係公司，機構，團體的官方正式消息發放。就算個人用，都不是用在避責，或詆毀別人之上，你可以宣布愛某人，但你不可以宣布我要逃亡，或者宣布某某人係一個仆街。許智峯只係一個孭住簿的被告，違法棄保潛逃，你用堂而皇之的「宣布」去形容他的著草行為？

係咪有病？無線新聞台的中文一向毛病多多，最常見係在數量詞之後加個助詞。幾千人就幾千人喇，就係要講幾千個嘅人。哩啲咪係廢爛中文咯！

不過最近個 look 又好似有咗進步，幾個男報道員已好似冇穿黑衫，而改穿了深灰色。唔知係咪俾人丙完。0靚仔，政治，你地只係低B班，都係唔好將自己嘅無知用著衫黎獻世喇！

喂喂，咪住先，咁唔用宣布用乜呀，用表示喇儍B，收到未？

.

.

魯迅的特朗普

因為早已被魯迅刻劃了，阿Q 的精神勝利法特朗普發揮到極致！

輸了選舉，就毫無證據的話對手作弊，總之輸了就是因為對方作假，自己才是真正的勝者。其實共和黨是執政黨，有 N 咁多種體制優勢去做假，正如上次台灣選舉一樣。而且作假有色認的嗎？敗方永遠潔白，勝方永遠黑穢？不可以是因為作假不及人，或者是作假了都要輸！上任四年講了二萬幾個謊言假話的特朗普照吓鏡好喎！

來年一月，特朗普就要自白宮死開，但他會如阿Q 一樣，俾人揍了一身攤扒在地還在說是仔打老豆，我沒輸，我是偉大誠實的特朗普。

忽然想起，特朗普染上新冠時，網上有不少人廢噏，說特朗普因為染病已肯定勝選，沸沸揚揚個個專家預言家上身，如今已證實破產。這些人會為自己的戇言面紅嗎？

.

.