奪金劍后

所謂體育評述員全無深度，都是心瞎，完全冇人講她的大我精神。她的可貴處是以別人的感覺為先，包括香港人，粉絲。三年前奧運敗了就抱歉愧疚要令大家失望，勝了卻不沉醉在個人的榮耀，說「我想幫大家贏」。香港的成功運動員中，我暫時只見到她有這種可貴可敬可愛處。

.

.

.

.

賽納河上冇眼睇

巴黎奧運開幕真係黐亂線。運動員出場，大船就幾個國家坐埋一條，船頭一拃，船中一拃，船尾又另一拃，鏡頭斜掃，就雜沓了兩三個國家旗幟，亂晒籠。有啲小國，十零丁人就坐艘小艇，寒傖到不得了。

仲有，表演嘅點子就沿河鋪排，條河咁長，話看台綿延六公里，河哩頭嘅觀眾就睇唔到河另一頭的，即係你只能睇到全部表演點子嘅二十分一，甚至三十分一，你話係咪黐線。有大屏幕電視？所見就冇乜，就算有，我咁樣不如返屋企睇電視喇，而且觀眾面向河中，要擰轉頭睇電視，真係膠到唔恨。

髮國佬沒落喇，選手村就熱瓜你，要食飽有能量？自備肉食罷，哩度大量供素食。去運動場？自己踩單車喇，死未！

.

.

.