.
死啦，我慢慢覺得有啲無聊。誰耐煩去分第幾代第幾代。皺紋最多，大部分老得已行動不便的是戰前一代，皺紋已多但仍行得走得的是戰後第一代，接著是像我兄姊的第二代，像我的第2.5 代，跟著第三代，3.5代....... 死啦，一百年後的社會學家，不知要數到第幾代？
其實每一代有每一代的機遇，也有每一代的難題。你估第一代人很過癮嗎？那時基本上沒有社會保障，他們要面對的就是溫飽與餒冷的問題。到我那一代，好些了，但要飲買不起的牛奶嗎？還是要星期日到舊修頓球場排隊，飲教會派發的救濟奶。讀書嗎？全部要交學費，升不上，隨時無得讀。我小學未畢業就去麵包店兼職，洗廚房，做門市，晚上收鋪時攞五元工資加兩個賣不去的麵包，便心滿意足的回家了。你問我辛苦嗎？不！你問我快樂嗎？很！你問我會埋怨上一代嗎？不會，我感恩都來不及！
每一年代有每一年代的環境，但同一環境裏卻同時有幾代人受影響，沙示裏最受害的是3.5代的人？非也，失去了兒女的第二代不慘嗎？失去了父母的第五代不慘嗎？不要把災難獨攬在自己的身上罷！我小候也經歷過霍亂潮，我父兄經歷過鼠疫潮，那年代的環境，比沙示更惡劣十倍！
分析問題除了看共性，也要看個性。同一世代的人雖然面對相同的社會議題，但仍會有自己的獨特成長環境。想用一個世代形容所有的人，未免想得太簡單了罷。在同一世代裏，有人成功，有人平凡，有人失敗，你根本就難以用它去形容或解釋甚麼。
我年齡上我是2.5代，外表上很多人說我是第三代，心態上我自覺是第四代，口袋裏不多的錢又告訴自己頂多屬第3.5代。那麼，你說我究竟是第幾代？
我又知道，人際矛盾產生自人我群分之後，群分繫於階級、信念、教派、種族、利益，看來，不將人細意劃分，好處多於壞處罷！
.
.
22 則留言:
這個回應實在精彩 ！
雲煙兄:
我在Erica果度寫了少少回應,send了以後發覺自己也犯下錯誤:當局者迷......
Daniel.
謝謝大文兄！
Daniel 兄：
言重了。我是 blog 界新手，仿如童蒙，得Daniel 兄贈言，幸如何之！
laulong
laulong said...
Daniel 兄：
言重了。我是 blog 界新手，仿如童蒙，得Daniel 兄贈言，幸如何之！
不用謝,阪本龍一才是高手~~~~~~:)
Daniel.
在"被誣衊了，深水埗"留了言，胡寫了幾第幾代的看法，才看這篇。看得開壞！
近日看見那些新生代的咆哮，真的不自在。甚麼第四代要把聲音傳給第二代聽，這是甚麼話。每個社會、地方，在不同的時空裡，總有當時同時存在的幾代人，今日人們談論的還是老掉牙的人與人的異同而已，有甚麼特別? 總覺得，到頭來是製造了更多社會分化問題。
小豬：
剛剛知道你食完野跳到嚟呢度，歡迎光臨啊！大家嗅味相投，我漸漸覺得自己都有陣豬除。
朗兄：
豬除? 我有咁大影響力，咁短時間就惹到你一身豬除，我都與有榮焉喎。如果真係嗅味相投，其實都總有原因嘅，有機會嘅話，日後或者自有分曉。（係唔係有啲語無倫次呢? 呀，你同我一樣，冇顯示自己嘅email 出黎。哈哈！）
唔通小豬係同行，甚至係我其中一個也叫小豬的親戚。死啦，中情局呀，軍情六處呀，KGB呀，唔關我事架，我只係寫幾篇爛gap(可能串錯)文字咋。
喂，小豬，追債，開故可至：
lautkau@netvigator.com
朗兄：
做咩咁 "tun" 雞呀，擺明身有屎啦。嗱，唔好話俾我聽喺我度惹返黎架。
咁，唔開估係唔係唔去得先?
（係 gag 呀）
小豬：
唔開估都嚟得，幾時都歡迎豬駕光臨！譬如豬事理要秘密分享啦！多嘴街阿邊個邊個正在地下情啦！你有豬心事要同我講啦！
唔講你唔知，我雖然搞教務，但其實訓導出身，但卻最精於輔導。無人夠我識鑽心理。學校很多很多年前有個病態黑青，其劣行放大咗就等同汪洋大盜，但都比我講到淚下漣漣，低首下心。
小豬，同我傾計，帶定紙巾。
ps:剛剛知道你不是豬公，是豬女，我好 蠢啊！
朗兄：
>>無人夠我識鑽心理
嗯，果然真係好識鑽/捉心理呀吓！！哈哈，有意思。
好蠢? 我話你精甩辮呀！^_*
小豬：
精乜鬼，我蠢到家零一。如果唔係，駛乜攪到今時今日......又或者，我蠢，係太仁慈既另類講法罷！
人世幾回傷往事，山形依舊枕寒流...
聽，轉主題曲啦！
死啦，小豬，你會唔會係我以前嘅學生？
朗兄：
嗱，又兜個彎讚自己囉！仲唔精?
你可以有兩個放心。
第一，你要轉咩主題曲我都可以接得到架，冇問題。
第二，我一定唔會係你嘅學生囉。唔駛驚。
朱朱點解你一定唔係佢學生? 你地d留言鬼死咁好睇呀~
火女：
梗係我激嬲咗小豬，小豬唔睬我啦。我衰囉，講嘢無分寸，你幫我講吓好說話啦！
朗兄：
何出此言呀? 我邊有唔睬你唧? 直情長駐候教、賴死唔走果隻添啦。
火女：
真係好睇咩? 咁有勞朗兄得閒做定啲編輯功夫，話唔埋第日可以考慮合作出番個"流浪。豬日誌" 喎。
小朱：
我以前真係做過跟網友交流的留言集，不過未到出版階段。情濃情淡，可以漸變，可以倏變，現在已沒有這動機了。
慨歎了嗎？寄居半百，生老病死，恩怨情仇，我是看得太多了。
我雖未有聽雨僧廬下，但鬢亦星星也。悲歡離合總無情。一任階前、點滴到天明。
這感慨，近矣。
朗兄：
生老病死、悲歡離合、恩怨情仇...生命裡可供慨歎又豈止於此? 要慨歎者，更要為快樂、幸福、美滿而慨歎，這才是真無常。
朗兄既曾看過、甚至經歷以至經過，就應該喜悅。
你睇下你地!!
火女埋嚟，跟阿爸去探吓啲江南大俠呀，湖海散人呀，郭靖黃蓉，楊過龍女，佢地個個身懷絕技，善良慈愛，稍一親炙，你都受用無窮。其中有一位小朱女俠，專愛好打不平，更是不可不見的人物呀！
發佈留言