1986年春節，與幾位朋友到東北度歲。體驗零下十多二十度的低溫，看飄雪在無風的夜晚冉冉而下，在穿了手套的掌上融化無形。
很快樂的一次旅程。倏忽二十三年了，朋友們，都安好嗎？
吉林松花江旁的樹掛。因為水力發電，江水從大壩流到這裏時水溫仍高於氣溫，水氣蒸騰而上沾附在枝條上，冷卻成冰，便成為樹掛。
坐騾車。雖然說是雪地，但這麼多人坐到車上，騾感該很喫力罷！但這又令老者賺取了生活，是功德還是罪過？
玩雪。銀裝素裡，雪景無限。假如再置身這景，我們還是會擲雪的。因為逍遙共聚，人生幾何！ 
啖熊掌。雖然那年代中國還不喜歡作假，但我們都不大相信那碟上的真是熊掌！.
.
.
30 則留言:
你．無．老．過．既！
爺爺：
最尾個張個個都四萬咁既口wow
那些朋友还有联络吗?
巧合...86年春在北京過第1次上國內.坐火車.車站人多得像難.印象難忘！
更正
春節
走難
卡卡：
人生易老天難老，怎能不老呢？
頭髮少咗，牙少咗，皺紋多咗，唏噓多咗，人生不易之路呀！
小佚：
梗係喇，話熊掌喎。書就讀得多喇，魚與熊掌不可兼得，捨魚而取熊掌也。
咪個個笑晒口囉！
小瓶子：
有一位是我師妹，也曾共事，所以現在還有聯絡。
阿聶：
那年，我們從東北玩到落北京，再由北京坐火車落廣州。原來那年大家都曾在北京啊，分分鐘打過照面也未可定。
在中國，春運從來擠逼呀！
不知道那裡現在還是否一樣美麗？
樹掛好美妙!
熊掌....係咩味道?!
d 相好靚呀!!
你．無．老．過．既！ x 2
關唔關熊掌事呢??
老老實實,
同行既女仔之中, 有幾多個暗戀你sin ?
1986年冬天,
我日日在恆生樓玩通宵....
老老實實,
同行既女仔之中, 有幾多個同你拖個sin?
or 有幾多個請你食檸檬?
or 有幾多個你請人食檸檬?
hehehe~~
Sava：
景物大抵依然，人情卻想非一樣！
淳厚的民風想已有變化。
女女：
同食豬肉冇乜分別，所以我懷疑那本就是豬肉。
不過真也好假也好，也樂了一餐！
小行：
點唔老呢，最近照鏡，電車軌又多咗！
如果食熊掌就掂，啲熊死晒咯！
檸檬這個問題嘛，梗係人地請我食喇，我有鬼資格請人食！
篤撐：
我嗰時都有玩通宵架，不過就少啲。
暗戀？
你聞到味？
有冇人暗戀我我唔知架，話明暗嘛！
不過呢，騎騎...
劉朗兄,
吉林雪景真係好靚...希望有機會再去...
Denzel：
係呀，只係要揾番這樣好玩的伴，沒機會喇！
因為那時還年輕，大家都有易笑的心靈！
>電車軌又多咗！
3線行車? hehee~
不過呢，騎騎...
>>>右二果位鄧麗盈 ?
回左一半, 回埋o個半先!
但係你後生過我d舊同學好多喎!
吉林, 有机会都想去看一看.
晚上在餐馆上班有个女生也是从吉林来的. 她的名字挺奇怪...叫 全智慧, 可能是全智贤的妹妹吧.
今天起床,零下14度. 冷啊.
吉林, 有机会都想去看一看.X2
小行：
分分鐘係四線行車。
今非昔比咯，我 post 另一張相出嚟，就睇到分別。
咁你啲同學蒲多咗啲啫！食少啲，蒲少啲，狀態就番嚟！
篤撐：
有眼光！佢曾经做過無記兒童節目主持人！
好多年前咯，過去晒。
Desert：
吉林近韓國，佢分分鐘係朝鮮族呀！你問吓佢呀！
哇，零下十四度，真係凍！
阿 Cat：
去咯去咯！我去跟你學嘢！真係架！
laulong..
"樹掛"真係好靚呀!!
唔講以為紅外線拍攝呀!!
好有意境呢!!
>蒲多咗啲啫！食少啲，蒲少啲，狀態就番嚟！
下..我..狀態仲未番嚟!! @@
去咁遠仲影到相, 一定很有滿足感~
阿 Mag：
真係值得一看。北國雪飄，甚至審陽過春節時的漫天煙炮，都是我不易回憶！
小行：
你食得唔夠少咯！我依家真係覺得輕身過以前好多！
歌手：
經歷為主，攝影為次。我的感覺真係好正。
>你食得唔夠少咯！我依家真係覺得輕身過以前好多！
啊..再少...我~會~魂~歸~天~國~
爺爺：
梗係喇，話熊掌喎。書就讀得多喇，魚與熊掌不可兼得，捨魚而取熊掌也。
咪個個笑晒口囉！
-->熊掌咩味？依家食唔到熊掌啦！非法啦
小行：
想死？冇咁易！
你師傅每日食千零卡路里，瘦到去一百四五十磅左右就瘦唔到落去喇！點會咁易死！
小佚：
無咩特別味，同食豬肉冇乜分別！
發佈留言