網上照片：迪比廚房就像男人沒有了那話兒，還算得上是男人嗎？
叉燒飽是我每天上班的必然早餐，若碰巧剛出爐的更是乖乖不得了，熱烘烘，脹滿滿的，香氣誘人，叫我立即啖之而後快。只是近這週來，飽裏的叉燒卻愈來愈少了，試過吃完了整個飽，只有餡汁，卻沒有半塊像樣的肉。啊呀，沒叉燒的叉燒飽，搞甚麼呢？
早幾個月前，原本10元一份的早餐已加到 11 元。數字上加了百分之十，但 11元一份有熱飲有叉燒飽的早餐仍是超值的，但通脹持續升溫，飽店老板可能不想太頻密加價，於是在餡料上做功夫，結果出了這些無料飽！
我情願多付一兩塊錢了，就是要食有餡料的飽。唉，沒叉燒的叉燒飽，搞甚麼呢？
.
.
.
21 則留言:
金融海瀟補鑊的遺害，已經慢慢地殺到埋身的了:(
D租金貴到無人有，仲要俾最低工資。
如果政府嚟一招最高加租幅度，你估有無人撐?
茶少
老師, 點解係"飽"唔係"包"?
校長：
你入錯左齋舖買早餐？
自由
當叉燒飽沒有了叉燒，就是情人再沒有情趣一樣。轉食鷄尾飽啦！
你右边1975張相好有共鳴呵！哈哈！温拿時代！
側邊張相其中一位是校長本人？睇不出呢！
>>男人沒有了那話兒，還算得上是男人嗎？
男人，有那話兒，是男人！但假如有不濟的那話兒呢？仍算得上是男人？
長期讀者
Eben：
係咯，乜都貴晒，我食啲杞子仲貴得驚人！
茶少：
哩個政府神經刀架，好做唔做，唔應該做嘅就死去做，分分鐘架！
欣宜妹妹：
「飽」同「包」都有人用。前者有5千幾萬個搜尋結果，後者有9千萬個，似乎真係後者較適合。
小行：
我去買早餐，個阿姐見我咁齋，咪俾齋飽我咯 :p
牛牛：
係呀，我地成班中晒温拿毒，遲啲貼張仲似嘅！
Coffee：
右手边戴黑超嗰個呀！
長期讀者：
都算嘅，只不過係個長期不濟嘅男人咯。而且人老到八九十都多數唔得架喇，但都唔能夠唔叫佢做男人嘅。
當老婆餅沒有老婆
呵呵，當盲公餅走失了盲公，杏仁餅原來冇杏仁......
係咩，有咁嘅事？我依家多數買雞尾包，十蚊搞掂。叉燒包嘅話，成日因為無散紙焗住畀阿姐找返啲大餅~
煲仔飯入便都無仔的!
哈哈哈~~~
不過十一蚊有熱飲有包真喺平。呢度要三鎊，大約三十六元！所以我多數喺屋企食。
根本係市場自殺:加價仲可以留住老兄你這消費力高的顧客,要人畀左錢後貨不對版搵邊個咁貴買個叉燒"味"包?
經濟無咩增長，人工無咩加，但物價飛升，叉燒包無叉燒，干炒牛河無牛，滯脹也！
好快肚痾。
校長：
此乃將貨，就價！遲Ｄ，奶茶變奶水！嘻嘻！
香港仔有間酒樓個午餐package，真頭賣豉油王銀芽炒河，其實即係干炒牛河走牛肉。。。無癮呀
那是人妖、变性人啊！
哎呀！ 你吃到了“人妖叉烧包”喽！ 呵呵呵~ 小心啊！
大頭哥：
咁又唔係次次咁，不過叉燒平均少咗真係事實。
新鮮：
haha, 煲咗個仔就真係大鑊喇！
Eric：
哇，嗰便物價真係嚇人呀！唔知係咪同最低工資都有関係呢？
若老：
haha, 叉燒味包，若情況持續我就投訴架喇，幸好今日唔係咁，希望係啲肉偶然分唔勻喇！
瞎子兄：
睇黎痾期真係不遠！
佛爺：
噢，我不要奶茶變奶水呀，奶不可以少，茶又不可以少 @@
naruto：
哇，咁係明縮骨噃！干牛河走牛肉，仲係牛河黎嘅？
嘿嘿：
haha, 好一個人妖叉燒包，笑死我。
咁哩家嘢就好似 N 年前去泰國睇人妖騷咁咯，得個睇字，難有興頭，haha …
發佈留言