於是，我慢慢要戰勝自己，揼少少錢落去，叫做玩克服，贏弱點嘅遊戲。因為蚊型投放，羸咗得餐笑，輸光唔駛磬，沒關心就不亂了，反而試過幾次漂亮的捕捉，譬如一隻蚊股亳幾子入，即日嬴廿個巴仙賣出，過兩日又可以用低過之前價位再入，真係幾過癮！
年老要學姜大衛買定保險喇，計劃裏有基金成份，錢唔多，早幾年經紀幫我買入中國、印度基金，都叫做有啲賺，但經紀太保守了，錯過了兩年前的金價大升浪。去年中開始客户可以在網上自行調動基金，於是我嘗試自己揸盤咯，12月底我用基金價 55.23 買入，2月 60.70 賣出。到 5 月金價調整至 1550 美元低位，我反手以基金價 46.38 買入，前天的美國報價係 57.24, 叫做賺咗廿幾巴仙喇！
當然，未賣出未知輸贏，但蚊型小捕捉算成功，叫做可以樂吓咯！
.
.
.
17 則留言:
恭喜恭喜！
係呀，投資係訓練EQ的好方法。財不入急門，你愈緊張愈上心就愈易做錯決定愈易輸錢，所以平常心好緊要。
我最近都開始儲下實金，得閒拎出來抹下都唔知幾過癮！
又，依家呢個世代，唔識錢搵錢真係會好蝕底。不過依家個社會氛圍係，「資本家」係會俾啲年青人打成「邪惡軸心」的...
校長：
請~食~飯！哈哈！
自由
魔術師：
相對於你嘅買賣規模同策略，我係小朋友玩泥沙咯！我哩啲用黎高吓日神咁喇 :)
小行：
到基金攞出黎嗰日，你推我從輪椅去食喇 XDDD
等你攞基金出嚟嗰日，我怕我都係俾人推緊輪椅嗰個！^^
自由
校長，咁咪每日都要睇住個價位囉.
有個同事話，佢買股票以黎，從來冇輸過，無論跌到幾低，總之死守唔放，最終會升番喎！
贏落去話唔定有人請你做基金經理
原來校長係投資高手
校長：
刀仔鋸大樹要小心！砍一下好快些走。
仙股要一二千萬股才算有肉食！
小行：
用電動輪椅，唔駛人推咯，鬥 50 米, kakaka~~~
J：
唔會喇，冇興致冇信心就唔玩，冇入市幾個月喇！
三千：
唔會喇，我早已是一條輸死了的喪屍或人狼，趁月圓之夜，出來嗌兩聲，流兩點口水而已！
minor：
手作仔咋，當遊戲 :p
佛爺：
知道呀，會昅住，基本上依家走我都滿足咯！
inner：
不過仙股隨時冇晒，所以唔可以買得多架，當遊戲玩吓算數！
買股票有時真係好似賭錢一樣,
運氣加眼光,
很難講贏硬!
記得最好彩一次係買 壹傳媒,
29分鐘內升95%,
當中金睛火眼望到實,
廁所都唔敢去,
一見到差不多升咗成倍就即刻賣掉,
買咗唔夠五分鐘就跌落黎,
賺咗一個double,
好彩兼行運!
又試過買"黑社會大佬電影股",
結果一買無幾耐就停牌,
到佢開返時就狂跌,
蝕到阿媽都唔認得,
慘慘慘!
而家都唔敢玩了,
要買都係中資銀行股,
長線投資好過,
太刺激的,
心臟負荷不來!
哇，執一個開好犀利，眼光超準！
買穩陣股票心裏踏實，長遠升幅又不乏可觀，足取呀！
哈哈，眼不見為乾淨，我已經冇乜睇啲投資喇，話知佢升好跌好！
這才是大智慧呀！真富者都是由此途！
投資真是不在行。有少少股票但全是蟹股了。
最在行是投資在自己的學歷上，多年來不斷進修才有小成。
提外話:
了不起的鮮魚行學校校長-梁紀昌
Principal with plenty of guts!
幸福「鮮魚行學校」廣告 - http://www.youtube.com/watch?v=8TERiJ8j230
蟹貨終會有鬆縛之日，你看今日樓價已破 97 喇！
財富身外物，知識才是人的主要部分。
亦余心之所善兮，梁校長是教育界，知識界的典範！
發佈留言