 |
今年這齣〈烈探狙擊〉，靚佬湯依然咁靚佬，肌肉不減，身手俐落，五十幾歲人沒絲毫老態，真係難得。
更令人滿意的是，電影少了綽頭，像去年新鮮熱辣的哈利法塔，鋪天蓋地的沙塵暴，可以滅絶天地的核子彈，還有那神奇手套，和高科技到家零一的林林沈沈 .......
換回的，是類近獨行俠，有人情卻又行事不依常規，不近人情的剛烈作風。沒有犀利武器，只有一雙鐵拳和不是應份有，隨時有的槍枝。好得很啊，那是脫離了職業特攻隊的竅不驚人死不休的巢臼，而走上了以曲折劇情，深刻人性去建構故事！
二三十年前的銀幕英雄都老態畢呈了，像史泰龍、阿力舒華辛力加，即使還有肌肉，都難掩鶴髮雞皮，惟獨靚佬湯能獨領風騷，一年一次約會，我是希望可以一直延續下去的！
呵呵，大除夕喇，祝各位新年快樂，樂也悠悠！
.
.
.
38 則留言:
合皮扭耳！新年快樂！
哈哈哈 我懶得連《孤星淚》都懶得不出門去看！
佢真係keep得好好, 但係都keep唔住D老婆,佢好可能係超級自戀狂!
校長：
新年快樂！
我安裝了Windows 8，結果搞到兩日無覺好訓，最後要大清洗，洗太平地，全部程式要重新安裝．貪新的代價．嘻嘻！
拍戲會唔會有執過？睇報紙靚佬湯都有老態。
Happy New Year!
自由
大除夕快樂 :)
之前睇過簡介,好似唔錯咁喎,打算遲D睇。
呢種冇花巧嘅動作片我最鐘意睇。
靚湯又真係幾迷人嘅！(校長也不遜色呀)
祝校長新年進步，樂不可支，樂在其中^^
真的回春了？
去年已覺他老態畢現了，
樣殘貌老，
動作也慢了。
你都keep 得fit. 祝你越來越fit!
我都想睇。改編小說系列故事真係好啲？係就好可以有排拍，多啲好戲睇。湯依家已經係唯一一缐動作巨星。
新年快樂 合皮扭耳
貳零壹叁 耳目一新
inner：
合皮扭耳！
君《孤星淚》唔係用唱歌，而係平常的對話，我想會更感人！
11:31匿名：
哇，Keep 唔住老婆就係超級自戀狂？唔好咁講喇！世事唔一定咁架，可能係個老婆一啲都唔值得 keep，又或者係個老婆 keep 唔住個老公呢！
佛爺：
新年快樂！
我好多時都抗拒新嘢，在諗，舊嘢好地地呀，做乜要搞新的，即係老婆好地地呀，做乜去搞新的 XDDD
小行：
Happy New Year！
咁一定執過嘅，前年嗰齣佢就明顯較殘，舊年嗰齣後生番！
世純：
新年快樂！
捧靚佬湯場，即係等如捧我地啲中佬場咯，哈哈，謝謝！
Eric：
所見又同咯！
呵呵，新年快樂！
J：
咁快送新年禮物俾我喇，哈哈，我哩個超老中佬可真受落哬！
新年快樂 :)
新鮮：
佢算唔錯喇，五十幾嵗人！
卡卡：
新年快樂，我就祝你舞臺長青 :)
牛兄：
用現成的，反而另見格調，哩條路好走，好過年年局限在成隊兵嘅格局兜圈諗偈！
校長, 張相咁似兩年前果個乞丐帥哥既!
很喜歡看你家部落！
新年快樂！
匿名：
對呀，我地好 friend, 常一起硏究怎樣穿戴 XDDD
Coffee：
謝謝，在門庭冷落的時候，有朋友來訪，實在太好 :)
新年快樂！
快樂每天！
花花，你都係，心想事成，天天開心 :)
Happy New Year
祝你和靚佬湯一樣,青山綠水不改變.
校長：
本來唔想多口，不過都要講．Keep唔住個老婆就係自戀狂？
兩性關係，不是養寵物，老婆或老公，是自主的個體，不是貓狗附屬主人，怎可以keep住來形容？俗世好多人唔知諗乜？
朗兄，
新年快乐！
久违了……
謝謝QA, 長青不老實在太好，望大家如是 :)
哈哈，佛爺，正是！
兩人結合，相互成為對方一部分，你中有我我中有你，不能説誰 keep 誰了，到了分開，只是一種不能再溶和的逆化學反應！
嘿嘿：
新年快樂，清邁好逍遙啊 ^^
當他的老婆在他的身上再感受不到愛就自然會離開, 他沒有給她們始終如一的愛, 說不定這是一開始就過於矯飾, 又或他後來太過吝嗇. 如果他珍惜寢邊人便不會這樣容易離婚收場.
1962年生，
剛五十喳，
我就覺佢唔耐老了，
好殘。
匿名：
離婚不一定是男方的錯，為甚麼一定是男方不懂珍惜呢？唉.......
新鮮：
我仲以為佢同我同年！
不過我都睇好佢，用這個形象拍多三五七年。
我覺得湯佬太靚太紅太容易賺錢啦, 佢一定係自戀到不得了的(仲有矮男人好多都係自戀的).
海報呢張相我覺得係45歲到啦, 講緊係著重儀容果D男人, 屋村佬地盤佬唔算.
雖然話東方人易keep d, 但梁朝偉睇落都over 45起碼, 劉德華, 梁家輝呢d更加比實際年齡顯老. 所以, 總括湯佬都係keep得唔錯.
嗯，这个我也想看，之前看Skyfall的时候看了预告，喜欢那故事情节。
在这里也祝校长像Tom Cruise一样，宝刀未老。
新年快乐
3:16匿名：
矮男人多自戀，未有統計數字。我只知道若矮男人領一代風騒，定有超強意志，拿破崙如是，鄧小平如是！
4:25匿名：
梁朝偉最近形象真給人垂暮了的感覺，劉德華嫌乾瘦！
若你再看看潘源良周啟生，就知道甚麼是蒼老。
Desert：
今次有劇情，可以帶動人思考，不俗！
新年快樂 :)
「當他的老婆在他的身上再感受不到愛就自然會離開 .....」
倘若女人有「躁鬱症」，經常無理取鬧呢？有幾多個男人會受得了？
佛爺：
女人「躁鬱症」我領教過喇，爭啲俾佢摧毁！
到底係"男人"「躁鬱症」, 定係"女人"「躁鬱症」? That is my question.
男女都有機會!
校長：
此等精神異常，雖然男女皆有，但女人的數量是男人的兩倍．近期有不少「躁鬱症」的研究，但我無興趣看，加上華人對精神健康不感興趣，寫出來也無人問津．
即係男人撞到個躁鬱症女人嘅機會高過女人撞到躁鬱症男人一倍，唉，我認命咯 :(
發佈留言