好，聽故不駁故，就當宮二是練了九陰真經葵花寶典了，有無敵天下之能，但她的戇居，卻是令人驚訝和失笑的！
為甚麽？馬三貪圖富貴，弒師滅祖，若果真有江湖，江湖又有規矩，那麼天下人人得而誅之，怎可能由馬三話事：你班友咪郁我呀，你地又唔係姓宮！就算係佢個女，雖然未洞房，但訂了人家都唔係姓宮 (咁都得？)，都冇資格同老豆報仇，同問我攞番宮家啲嘢！
吓！個腦殘女宗師又聽喎，竟然間走去取消婚約 ，仲去入埋道終身唔嫁人唔傳功 (同報仇有乜關係呢請問)！忘情棄愛，終身孤獨，仲要連家傳武功都斷絕埋？咁你究竟係贏咗還是輸咗呢？俾馬三條邪惡幽靈覊糜住你個傻婆嘅一世，你又對得住死鬼老豆？
睇到哩道我已經把幾火，唔係化，點知聽到隔籬個觀眾喺度扯第三次鼻鼾，唉，我明白了，幾廿文，入黎瞌吓咪算咯，協埋眼唔睇就唔躁，先係最大得著！
今日睇報紙，仲有啲影評人煞有介事咁話齣戲有甚麼甚麼亮點，唉，腦殘，又豈止係女宗師呢！
.
.
.
30 則留言:
世事光怪陸，
當今時今日圍村女人還是唔可以繼承阿爺地時，
還有什麼事不可發生呢？
尤其是在中國封建思想年代中，
再怪都可以發生，
角色昂居 和戲好壞不一定正比的，
可以係一套好戲講一個昂居的人嘛，
睇戲而已，
你有你睇法，
人有人睇法，
各有意見，
世界百花齊放嘛。
不要勞氣。
你好得閒呀, 都估到咁樣架啦, 又哂時間去睇, 睇完又花時間寫幾篇嘢去呻!!!
都係彼此彼此唧
宮二同葉問比試時啲慢鏡唔係好得，但唔明宮二可以三兩下功夫打死馬三報到仇。
冇睇到套戲，唔明講乜，不過都留個言支持吓喇。 :p
P.S 我冇計劃睇呢套戲，因為我知道，我一定睇唔明大導拍乜嘅。
I wish to see Django Unchained directed by Quentin Tarantino rather。
公認的大師你都敢挑戰？
我都想寫金庸的武俠小說殘腦好耐，但都係唔夠吉屎 :(
新鮮：
睇戲都要講常理同人情咯，哩齣又唔係超人打怪獸片，所以我唔抵得咯 >.<
匿名：
我食飽飯冇野做咯 >.<
J：
宮二同葉問比試？好似跳舞咁，一個圈呀兩個圈，一個圈呀兩個圈，鄧鄧鄧鄧鄧，鄧鄧，鄧鄧.....
世純：
哇，不敗的王大師，拍得好要鼓掌，拍得唔好都要鼓掌....
咪住，王大師係唔會唔好嘅！叫得大師梗係好喇，好嘅就梗係大師喇，呵呵呵~~~
inner：
有得揀，你就係老板，精明！
2chanze：
haha, 香港自由社會，百花齊放，咁冇理由我朵唔俾放架！
最不喜欢章子怡拍打片。卧虎的时候已经觉得她厉害得不合逻辑。但起码因为那把剑而说得过去。
这次连武器都没有，叶问应该可以一拳把她打死。
對，畫龍點睛，佢個角色係無説服力！
劉兄：
套戲係四不像，點都搓唔埋，根本古不成古，你無謂駁古啦！不過你鍾意嘅你朵花梗係冇得唔俾放啦，天下人論天下事，以事論事啫。
The Inner Space：
Django Unchained雖然以Tarantino唔係話好有驚喜，但係梗係完整啲值得睇啲，簡單而到肉，我連原裝Django都睇埋咯。
2chanze：
金庸係寫得好，但係啲人物係戇居，呢個係事實，唔駛guts至講得啩。
哈哈...校長演繹得好傳神呀！真係俾你笑死！
跳舞-兩個字，一圈一拍。
哎唷！何出此言？劉朗兄？？？
您暗示是被人強拉着入去看的？
先答 inner, 梗唔係喇，邊個夠膽強拉我？係我自己椿入去嘅！哩個關鍵，哩個關鍵 :p
成點喇，聽日再回 :)
校長：
王大師以為自己是黃大仙，王大師又當自己是山神仙，其實是一班神經影評人在供奉王大師，他們全部都是神經錯亂的．
我覺得佛爺, 校長同我都有一個共通點, 就係大家都對精神錯亂好敏感咕!
套戲我都無睇,不過睇大家嘅留言都好精彩呢~
蝸牛兄：對我 search 黑殺令 的串法是，都找到 spaghetti western 的原版 Django，借問兄台那處找到原版來看呢？
另外恕我多口搭嘴，金庸大師的新派武俠小說：
在我的 profile 早已寫明 14部中，只欣賞其中的 8部：X雪X天射X鹿笑書神X倚XX（self explanatory）。
劉朗兄：咁及週末有冇打算看 黑殺令 呢？
牛兄：
電影業相濡以口水都算喇，因為互笠高帽，有共同利益，班文藝廢青就最惡頂，喺度扮專家扮識貨，真叫人嘔心！
J：
一圈一拍？跳舞，我唔識架 XDDD
佛爺：
那就是一整間瘋人院喇，大師係癲大王 ^^
I:57匿名：
咁你有前途喇，唔會俾奸人所惑 XDD
minor：
推薦大隻佬嗰齣 ^^
inner：
14部有啲係早期作品，未成熟都正常嘅！
黑殺令暫時未想睇住，了解多些先！
王大導的戲是沒有content,沒有context,有style的嘛，下次葉問上太空了。
hahaha, 我就話王大導下次會將葉問變咗 21 世紀人喇，佢話事喇，乜都得 XDDD
The Inner Space:
我在風行網看的，其實也不能算是原作，因為Tarantino是似致敬多於改編，借用主角名字和種族歧視的題材，故事完全不同。
你欣賞的八部金庸都好大路，我也同意它們較好。
校長：
咪扮野喇，你以前成日開P，點會唔識跳呀！
J：
我係下里巴人，跳埋晒啲低B舞，唔駛乜舞步嗰啲呢 XDDD
我想像到校長跳舞一定好似踢足球咁既身手!
大隻佬巳睇,的確精彩緊張好笑無冷場,雖然套戲有小小不合情理,而且好美式主意,不過又睇得我好鬼死開心
匿名1:57：
呢個世界真係好多黐線人！連返大陸被人偷腎都有人信？就算割包皮咁簡單，都唔可以係街邊割．你話香港幾多人腦殘兼黐線！
匿名：
搖風擺柳，好鬼惡睇 XDDD
minor：
haha, 正是，嗰句「萬般帶不走，唯有業隨身」成了我的人生佳臬！
佛爺：
法輪功話中共賣器官至富，haha, 信嘅傻佬傻婆仲頂癮！
搖風擺柳? 校長, 如果你的圖照是真的話, 你應該係巨人不倒喎? 我認識的梁生就真係曾經扶風擺柳的.
呵呵，不予置評！
發佈留言