 |
午餐肉事實上已冇食半年了，因為實在很咸，塩份同鈉都過高，常食對身體實在有害。
即食麵家裏尚有存貨，但油炸，調味包太咸都是我逐漸抗拒的原因。昨天吃了一個，竟感覺像塞了一些化學物落肚，鼓脹脹的很不舒服。吃完了家中存貨就不買了，餓嗎？弄個蝦子麵，手打麵線就可以了。
至於 炸魚皮，真是又愛又恨，那滋味，就像個風情萬種的艷女，是叫你心癢難耐的，但你又知沉溺下去，必死無疑。所以還是要戒的，起碼戒買罷！我已沒主動買好幾個月，入了蛇年，想來都不會再買。但要是同事買了，嚐一兩塊還是會的，這叫念念不忘，必有回響罷！
另外還有一樣東西我已經盡量少用的，就是微波爐。我買了一個電蒸爐，盡可能把東西蒸熟，譬如蕃薯。也買了個電爐放學校，吃不完的飯放冰箱，第二天放在不鏽鋼碗內，加點熱水，就放到發熱板上，用低火暖一會，味道和軟淑都重回了。若熱度恰好，還有飯焦香呢！
蛇年咯，祝各位健健康康，如靈蛇舞動，生機勃勃，如意吉祥！
.
.
.
去年今日：為周柏豪碎玻璃潮文打分
.
.
.
43 則留言:
有云 Warren Buffett鐘意食麥記漢堡，我則認為紅色出前一丁是天下美食之一，不能戒！
出前一丁對我嚟講戒唔到
年廿九, 吃了一個細漢堡, 一杯朱古力雪糕筒.
今日戒咗薯條.
紅色出前一丁都幾好, 年中都會食一兩個的.
看完這篇後,
原來你的飲食習慣真係好鹹吓喎,
午餐肉,公仔餐我都有食,
一季食一次半次,
應該没有大問題,
不用特登去戒了!
至於炸魚片.....
我完全唔喜歡,
一生人食唔超過五次,
無問題!
不過你的意思我明白,
這三樣都只是例子而已,
人到中年,
要注意飲食健康,
少鹽少油少量.....
唔為自己都要為家人好,
想健康快樂真係要付出一點代價! =)
祝身體健康
我也盡量少吃午餐肉，防腐剤太多。
校长，
新一年我也想戒掉即食面，吃完家里的就不买了（刚刚吃了两包，还剩四包）
也祝校长，身体健康，万事如意。
我屋企好似食粉紅色罐裝果只, 好似係梅林牌喎.
我D親戚今年好似訂咗一條好好的規矩, 就係大家拜年都折現送利是, 不送禮品. (想起那些擺幾個月都消化唔完既曲奇包魚面朱古力都覺浪費.)
校長不如趁過年一次過滿足自己三個願望喇，order番個煎餐肉丁、炸魚皮再加多杯凍檸茶吖 :p
餐肉丁麵我的至愛，
寧願少吃但不會戒，
會買Less Sodium
的 SPAM 午餐肉，
microwave 少用，
但暫時不打算棄掉。
不用戒啦，控制次數和食量就好。
校長：
出前一丁麵，有雪藏的，全日文，無炸過，貴少少而已！無得頂！
炸魚皮，一個星期食一包，無事架！炸魚皮，緊要過艷女．艷女可暫時不看，炸魚皮，不可不吃．
祝你蛇年艷事滾滾而來！
祝 蛇腰獻身, 生機勃勃!
祝有心有力，蛇年進步(更進一步)！，
与蛇俱进！
蛇年
年滿
順利
利是
校長：
恭喜發財！祝您蛇年迎新春！
2chanze：
哈哈，紅一丁真係好多捧場客 ^^
naruto：
有心頭好其實好好，總之唔一日三餐就可以咯
6:27匿名：
頭三位都讚紅一丁，真厲害！
麥記薯條我唔食喇，但豪大薯條，實在好味！
新鮮：
對！我愈來愈怕吃咸的，吃後超口渴，塩份積聚，眼袋都大啲。
少鹽少油少甜少食，健康王道！
卡卡：
你有天然防腐劑喇，體健不老，風采勝昔，迷死女！
Desert：
也祝你工作如意，家旺興隆 :)
9:57匿名：
嗯，有道理，惟若知道親人喜歡甚麼，送禮物也好，尤其老人家，氹氹歡喜，無以尚之 :)
世純：
食完唔再食？唔得架，等如啲艷女，一掂就會不能自拔 :)
inner：
微波爐用黎整番熱啲茶最方便，我都仲有用。
也祝你蛇年吉慶，心想事成 ^^
牛兄：
其實都係自然少食，逐漸歸零 :)
也祝牛兄蛇年大吉，萬事如意！
佛爺：
有唔炸的一丁？愛丁的博友又有新亮點了^^
至於艷事，一件足矣；艷人一位，足矣！
魔術師：
你都係，活如騰蛇，工作投資愛情全高陞 :)
嘿嘿：
驕健如龍 ^^
J：
迎新春？呵呵，係呀 ^^
也祝你蛇年吉慶，心想事成！
多謝校長美言，你也是keep得非常好，仍大有市場。
卡卡，我的微小市場，只望她垂顧，我就滿足到瀉了:)
老人家多喜愛煎炸熱毒, 那些蛋卷看得令人心寒. 而且我覺得對抗自由行的最佳方法就是不爭, 免得被商家魚肉.(這裡沒有詆毀自由行的意思.)
白豬仔、紅麵是至愛
怎辦?
^oo^
校長：
恭喜發財、身體健康！
戒乜鬼，樣樣食小小，適量就得。
有時太節制，人生無樂趣！
自由
祝蛇年快樂,心想事年!
這三樣食物，真係少食多滋味。
微波爐有問題，好像是傳的，沒有真憑實據，但感覺上叮出來的食物，還是少吃為妙。
蒸的肯定比叮的好。
㳟喜發財！萬事如意！心想事成！
之前都毫無跡象, 沒有特別的腫脹, 也沒有發炎, 這麼快, 就爆傷口了, 要等到初五才覆診呢.這個年要過得特別忐忑.
恭喜恭喜，身體健康，心想事成！
弊！全部都係賣飛佛添。
唔緊要喇，唔成日食應該無乜大礙啩~
順祝校長龍精虎猛，今年更勝舊年！
啱啱樓下好多消防車同救傷車啊, 咩事呢???
2:25匿名：
多年來我都係買海味呀，乾貨代替糖果餅乾，老人家都喜歡！
^00^：
我唔食啫，唔代表你要戒，食少啲咯 ^^
小行：
恭喜發財，萬事勝意！
應該係我開始唔鍾意食，都唔係勉強嘅 :)
minor：
大家咁話 ^^
珍：
係呀，叮啲食物會乾身，蒸就完全冇問題，所以我都係愛蒸！
花花：
恭喜發財，祝你蛇年大賺，萬事勝意 ^^
9:19匿名：
吓？乜事？
Eric：
你都係，更祝蛇年吉慶，福澤常臨！
大頭：
少食都滋味嘅！
你都係呀，蛇年旺相，去多啲好地方 ^^
11:18匿名：
?????
蛇年咯，祝各位健健康康，如靈蛇舞動，生機勃勃，如意吉祥！
牛牛：
更祝你蛇年順景，萬事如意！
恭喜恭喜，蛇来运转。
午餐肉确实好吃，不过多吃对身体无益。
新年依始, 萬象更新, 我足足肥了6磅!
樓主：
午餐肉，我是戒定了^^
祝你蛇年興旺，萬事勝意呀 :)
匿名：
哇，才幾天，6磅好勁喇！
食埋今天, 可以休矣!
發佈留言