 |
| 網上圖片 |
*若你係有同理心同文明嘅，就應該提點嗰對父母，下次可以帶小朋友去麥記，大家樂大快活，甚至酒樓，有空調有洗手盆，要方便真係梗有一間喺左近 。
*我幾十年走遍大江南北，由大城市到小村鎮，真係甚少見到內地人隨街便溺 (公路塞車例外 )，因為當地人都知道喺邊度揾厠所。內地人黎到香港，唔熟架部，小朋友又唔忍得，在街上方便真係情非得已。
*話時話，香港四五十年前都隨時見小朋友在街上便溺，大家都以同理心看待，唔會煞有介事嘈喧巴閉，因為香港公厠從來都少，嗰時又冇麥記哩啲隨時歡迎開大開細嘅連鎖店，缺厠情況等同內地人黎到香港唔知邊到有厠所一樣。
*八十年代我去日本，仲見到有男人喺街角小便。最近有朋友傳來網址，睇到印度仲係遍地黃金。大抵一個族群行為的向上，需要設施、教育同城市法規配合，成熟是需要時間的。
*「屎」題大做實在好無謂，只是心胸狹隘，鼠目寸光卻自以為是之徒的無聊行為。
.
.
.
