「處理得唔理想」係最仆街的遁詞

依家啲官，或政府機構犯了錯之後，喜歡用「做得唔夠理想」來淡化錯誤。

對成效的評斷，起碼可以分理想，良好，一般，低於標準，差劣。不理想，即仍可以係良好，或者一般。但現在係做得差，做得衰喎，又豈止係唔夠理想！

用這些語言偽術去掩飾自己的低智，懶散與疏漏，正係不肯面對錯誤，不思改進的劣質官場所為。

相同的爛詞尚有「有改善空間」，因為即使做到一般，良好，都可以有改善空間。用這些遁詞去淡化自己的不堪與糜爛，就是逃避責任忽悠大眾的劣行。

可見，政府裏仆街人又怎會少？喜歡為自己抹粉飾非的廢官又怎會少？
.
.