政府高官在疫情火辣時出席生日飯局，與初步確診者有接觸，結果搞出個大頭佛，大棚人要送去竹篙灣檢疫。
林鄭記招梗係批評哩班高官喇，仲話對徐英偉好失望。記者問佢作為最高領導，需否為今次事件負責。佢就左閃右避喇，話如果特首要負責，班高官咪自己唔駛負責？
咁嘅反應，明顯犯上低水平思維的簡單二分法邏輯謬誤。
班高官要負責，固然。但作為阿頭，你唔駛負責？講咩！像你冇去 brief 班官，要謹行慎步，要保持敏感，有可能踩紅線的事避免去做。譬如去一啲極有立場人士，或者江湖人物的俾面派對。其實之前已有發生過類似事件，但林鄭似乎就沒有汲取教訓。
下屬管唔好，你冇責任，唔通係下屬嘅下屬責任？一隊波打得差，係咁輸波，第一個被問責，甚至要炒嘅係球員？非也，係領隊，教練呀！
林鄭你又一次卸膊，幾十萬月薪，就係俾你一次一次咁犯錯？一次一次咁抵賴？
.
.
