李家超要設三個副司長，每年公帑要多花近億元。
投機者自然瞓身擦鞋支持，借此撈得一官半職油水。有個叫黃名永的，砌了一些甚麽設副司長可以有後備，補位，聚焦，捱打，攝影，交換功能。真係無中生有不知所謂到極點。不設副司長，上面的團隊功能就出不到來？從來團隊運作都要如此喇，睇到火滾，知識份子的良心和骨氣不知扔到那裏去了。
仲有個所謂議員林見瘋，話沙中線都超支一百億喇，依家設副司長可以玩一百年，冇問題喎。條友真係爛到令人無語。沙中線枉花百億，就是所有花錢建議的理據？
前事的鉅大失誤，都是後來任何建議開綠燈的原因，有邏輯嗎？即如一個罪犯，坐了廿年監，之後去犯一些只監禁幾個月的小罪是沒問題的，試得過。真的如此？問題是你根本唔應該再去犯錯，理它是廿年監的 1％ 代價！
條友低智如此，讀到中幾呀？做議員？你連高中水平都冇喎！
所以說，社會愈黎愈失智，愈黎愈爛。但哩啲爛貨卻滿有名氣，佔據傳媒和政壇，香港要好過來，施政要充滿智慧，真係唔容易！
.
.
