靚牌其實不乏的，像這鋪坎坎糊，混一式對子，加起來應該有 16 番，若打真牌 44 制，例牌 13 番，加起來就有 21 番，好嚇人！
奈何失驚無神會輸自摸，甚至出銃，試過幾鋪牌直輸過千分，真係慶過火屎。
兩月登 30 不可能了，期望多一個月罷。不過這兩個星期已放手軟腳，打機時間大減！無可無不可了，見到排前七位的人增分奇快，自己窮一世都追唔到，就得閒才打罷，享受吓靚牌算數，登頂任務交俾增分快過我好多嘅 Armadillo 了！
.
.
.
博友精點：Armadillo 〈 Mission Impossible 〉, 〈 神奇主任 〉
.
.
.
去年今日：我愛劉桂容
20 則留言:
咁快想放棄，唔似你喎。
唔係想放棄呀，係調整一下心態同策略，細水長流的進佔前三十，甚至十。
係網吧,家有數機,有些gamd單機都可雙開,四開都得,就好似我咁,我玩online game,家有3部機,一齊組,打既分都多d,3部機既角色都同時得分,以前亦都用2部機玩鋤大d,打麻雀,不過係qq遊戲到,甚至另一部機去對家個度睇下咩牌都試過,好多好多古惑招呀!
在這里係第2次留言!
咁其餘三家都是 real person 牌友，還是虛擬的電腦牌腳呢？又咁坐落變一檯可以選擇嗎？加入較低位置的牌友，校長高幾段贏出的機會增加，連上位都快啲！
校長：
究竟電腦有無人做馬既呢？嘻嘻！
匿名：
感謝留言，更多謝你告訴我那些古惑招。唉，出蠱惑就唔係 fair play 喇，咁有乜意思呢？人真係好奇怪，會為咗個虛銜而使詐！
早前排名榜曾出現幾十萬分，甚至拾幾個零位分數的排頭阿一，但不久就被網站除名，即係話連改分數，改單都有可能，咁真係冇意思！
inner：
雀王會館的對手是虛擬的，不似〈神來也〉是 online 對打。
我都打過〈神來也〉，我覺得佢要你輸晒買分時，牌腳就係电腦，好揾笨！
原來校長愛打機，呵呵
佛爺：
該有喇，我去啲波網，竟然話可以喺電腦上改單，由輸變贏都得，嚇死人！
naruto：
這是我僅有打到有啲成就嘅机，其餘係超級低能，超級無料到！
高進!
刀仔都做唔到 :(
我都食過啲好靚嘅牌，例如全字糊、十三么、大三元混對、小四喜混對等等，不過雀王會館只係打到10番，食得大一大都冇用囉！至於好勁嗰幾位，根本就係老千嚟架！
我都覺得班友做數，太過唔真實喇！
奇怪係屯dee 好似靜咗，LO FAI 個幾兩個月未郁過，今日又突然冒出了 Kingqueen.
睇黎 kkpang 較可信，心目中的雀王仍是他！
kkpang我都有信心追，嗰幾位千王就真係冇辦法嘞！至於呢位Kingqueen，幾乎可以肯定都係超技術一族囉！
其實都係為開心啫,
如果太執著就無嘅意思了!
Arma：
追 kk 有意思，就認定佢係雀王去追，但最怕又有啲無名腫毒飛咗上黎，把 kk 擯出 7 名外，咁榜上全部都係老千，追都無晒意義！
另外，我今晚該有機會破百咯！
新鮮：
係，所以我已經冇以前咁揼咁多時間，有心情就打，結果 blog 都寫密番啲 :)
我在破2万 :-)
haha, enjoy :)
啱啱發現，Kingqueen喺一粒鐘打咗2763分，相當於48鋪自摸10番！哈哈，原來佢先係千王之王！
我向Recax投訴完，Kingqueen嘅account就俾人delete咗喇！哈哈，大家嘅排名仲無啦啦升咗一位添！
haha，做得好！這對真正打的人才公平！
發佈留言