 |
| 網上照片 |
今天仍冷，但浴後鏡子卻水氣不多，竟然照見自己的身型，絕對是統計學常見的型態分佈，兩頭小，中間大，好一個富人又不真是富人的中央肥胖，用教中史的用語，是宋朝的中央集權，強榦弱枝，好畸怪的政治，現在形容了人體現實。
忘記冷了，看著鏡子，是不盡的歎息與自責，每年冬天我都是這樣的不檢點。記得去年大概這時候，跟校友上清遠旅遊，照片裏覆箕一樣的腰肚，根本就是我的恥辱柱。回港以後就搦起心肝，努力減肥。今年今日，歷史又將如是。
其實要消胖，首先要找胖因，那當然是過年吃煎炸甜食多了，春節前後喜宴多也是原因。另外母親自院舍歸來後，請了個印傭幫忙家務，她弄的午飯沒有母親弄的清淡。加上天氣冷，坐著工作時就想吃東西保暖，餅乾巧克力花生米，脂肪就這樣來了。
現在春節過去，下一個吃肥人的節日未到。親友的婚宴年頭例少，天氣要回暖了穿衣自少，再不能廻避鏡裏那一副豬顏。好，就從今天開始，口痕了就喝茶，忘記巧克力少吃即食麵，在家裏多鍛鍊多運動，放縱了一個冬季的身體，誓要回來。
.
.
.
16 則留言:
看完这篇然后看到自己的肚子，非常惭愧。
我都擔心緊夏天嚟緊再無厚厚嘅衫蔽住我個腩~
大衛嗰肥 look 好煞有介事，好好笑！
我都肥咗，不過邊個過年不肥上幾磅吖，我係咁安慰自己架。而家睇咗你呢篇，嗰心離一離，即刻沖杯濃啲嘅茶飲下先！
我就瘦咗,不過病鬼咗~
校長：
我認識的肥人，都係好大食的。只有一個朋友，好大食，但卻很瘦。
祝你減肥成功！
我都要keep啦，一齊努力啦
我也要地獄式訓練!!
點可能回復到1986年相片中的劉朗呢？
逝去了的經已逝去 。。。。。。。。！
如果身體檢查說没有大問題,
也不需要太介意身形是否很fit,
不竟人過中年,
身陳代謝減慢,
容易肥胖是事實,
只要健康就好了,
不要太介意那一點點的脂肪,
人總不可能和年青時相比,
正如年青時時的智慧也不及如今的你穩重,
不同階段有不同"形態",
開心就好了,
終日為這煩惱又可必呢?
校長：
大家都要減肥成功！
自由
Desert：
趁未肥到成形，行動喇！
大頭哥：
呵呵，跟我的顧慮一樣！
Coffee：
大衛肥 look 雖好笑，但我將來千祈唔好去到咁呀 ~~~
minor：
咁情願小肥但唔病喇，祝你早日痊癒呀！
佛爺：
好大食但卻瘦，該是生虫喇 @@
Eben：
但我想減 15 磅呀 :(
naruto：
好，睇你個 logo 頭象就滿有信心喇！
卡卡：
哇，你 keep 住做 gym 架喇，仲地獄式？一定超勁喇！
inner：
我知呀，嗚 ~~~
但希望都近啲喇！
新鮮：
都唔係太煩惱，只係想看起來冇咁漏 bau 同老態，若修到身，開心小小咁咯！
小行：
師傅就黎要僻穀，聽說隔日斷食對身体大有好處！
返工好難辟穀，一陣餓暈左會好＂火羅＂！^^
自由
呵呵，咁又係！不過等你師傅放長假時試下，在家裏打坐辟穀，咁暈咗都可以瞓喺屋企 XDDD
發佈留言