 |
| 圖片來自魔術師貼文 |
最近有個坦白得可以的港女，帶出了個請飲做人情的論題。
其實結婚係兩個人嘅事，為甚麼要請飲呢？係請親友分享你們的喜悅，見證你們的關係。那麼親友做不做人情，做幾多人情都不是你們該諗去諗的。
這中間又涉及一個問題，若擺酒嘅心態係要揀昂貴豪華嘅場面，被請嘅就完全無 say 咁去會鈔，問題係憑甚麼由你地去決定親友今次要做幾多少人情呢？這會不會是一種軟性的人情暴力呢？
老實講，要八百一千去食一餐又貴又咸又高膽固醇的宴席，其實係傷荷包又傷身嘅。如果你介意我做幾多人情，即係我地並非交心友喇，甘拜託喇，咪鬼請我，唔該！
.
.
.
46 則留言:
結婚當生意，要賺防蝕，違反了本意
對，用錢去衡量交情，以人情多寡去定迎拒，太戇居！
好多人請飲真係冇請嘅意思，計住計住所謂賺蝕，認真難頂。收得多都唔好意思啦，我就係唔想收人人情所以唔擺酒。
做人情本來只係意思意思，好多人興睇人地喺咩野地方擺酒再俾多俾少，又係反智。
香港，变得越来越陌生了。
牛兄：
近年，婚禮愈來愈講排場，花臣也愈來愈多，我依啲老人家瞠目結舌了！
人情緊過債，對很多人黎講，飲一餐做一千幾百人情其實真不易，所以就住就住咯！
Desert：
愈來愈病態喇！
最近嘅領會。。。
我覺得最恐佈係佢地真係覺得自己係啱果下先得人驚
十幾年結婚的禮金收埋係可以俾埋蜜月錢，但而家真係俾錢出黎結婚。
何小姐都係發下「窮惡」o者，大家有心o既咪一人捐一蚊禮金俾佢囉，攝多粒瑞士糖祝佢地甜甜蜜蜜！
近年去的婚宴像做一場騷
由暖場開始一項一項去做
司儀一個唔夠搵夠兩個做
一唱一和臨尾仲有安歌添
畀錢睇場無聊混吉騷之外
嗮時間外仲要捱餓捱眼瞓
我從來未試過去港式婚禮，在外國通常都是wedding registry，各種價錢的禮物都有；或者同事朋友間湊數買一個雪櫃焗爐之類。
我完全不知道香港婚禮「公價」如何，被人知道一定會覺得孤寒喇--同事的婚禮，至多都喺二三十鎊....
之前聽到親友說,有晚要去某六星級酒店飲宴,問他會封多少人情,他說$500啦~他擺六星是他有錢,不可能因為他擺六星而要我多給人情,哈哈~
校長：
其實都無乜唔妥架喎！做生意，唔怕你精，唔怕你呆，最怕你唔來。
那位新娘，把婚宴當成一門生意來看，合情、合理、兼而合乎道德架喎！係咪？嘻嘻！
哈哈，呢位港女真係坦白到冇朋友呀！講真，擺酒冇人會想蝕（勁有米嗰啲除外），但係講到明要做幾多人情就傷感情啦！
以前鄉下地方請飲因為左右都喺熟人，所以會好熱鬧。香港7/80年代起飛時人人生活穩定，啲人唔多轉工，來來去去嗰班親友同事，所以同鄉下地方分別不大。去飲都飲得開開心心。
到今時今日人嘅活動多咗，朋友呢度一堆，嗰度又一群，轉得工多又一班舊同事。去飲經常都喺39唔識7咁坐埋一堆。對新人又要做show咁chit chur咁轉，又難為班兄弟姐妹搞盡腦汁玩埋啲低B無謂嘅遊戲搞氣氛。好多時去飲都真喺好無謂咁食一餐都唔知飲咗乜嘅嘢。所謂"鄧"新人開心，就喺到嗰陣同佢飲吓相，中場飲幾杯，走嗰陣握吓手咁。就算你真喺有心，對新人都忙到甩"look"感受唔到。唯一感受到嘅，就喺份所謂嘅人情。
再加上酒樓/酒店為搵錢，巧立名目咁吊高嚟賣，憑嘅就喺睇死班愛充大頭鬼兼夾貪慕虚榮嘅港人心態。其實真喺有心要同親友分享喜悅嘅，倒不如各班朋友分開約食飯。包一兩圍關埋房門都喺食嗰啲咁嘅嘢，不單止平一半左右，關埋門氣氛仲好好多。一話俾人聽喺擺酒就即刻俾人劏到一頸血㩒住嚟搶，漁人得利有乜為呢？
所以成件事唯一得益嘅就喺靠呢啲搵錢嘅酒樓/店同連帶新興嘅行業。基本上，去飲10單，有一單真喺感受到一絲感動嘅真喺好難能可貴，多數都喺流水作業嘅指定做作。既浪費時間亦唔環保。
如果真喺要咁一班3唔識7嘅人堆埋一堆嚟食飯叫有心嘅，咁不如新年都請晒親友同事一人夾返份人情(其實都喺AA制)聚首一堂擺返幾廿圍，好過去完呢度又去嗰度咁煩喇。嘿嘿，正常啲親戚都一年見一次(當然有例外)，請來赴宴都仲講得過去。有啲人請飲叫嘅朋友就真喺可能上次見都喺咸豐年前嘅事，又唔喺好熟無端端咁俾人dum心口，咁嘅請帖收到都當收唔到。
哩d係人黎咩？
遞張帖過黎都叫佢死開，
做普通朋友都費事 ，
垃圾人渣一個，
入堆田區好了。
借劉朗兄地盤回應佛爺
佛爺兄：小弟有幸幾次去GTO探親，有三次被邀請婚宴，但香港做騷方式，經已流行楓葉國華人圈子。 我臨急封了100呅利是仔兩次，又其中一次剛巧收帖，但辦婚禮個日，我訂了團旅遊，都照封利是仔，唔知是否合理價格呢？
話明係請飲請飲，點解仲要做人情，既然人地做得人情就唔好計較咁多，否則，變相是一種交易，失去了擺酒原來的意義。
校長，我原本在此回應，點知越寫越多，停唔到，所以便在我處另貼文了，請校長移步到俺部落，有說得不到的，還請給意見，先行謝過。
naruto：
我諗起電視劇裏專做壞人嘅温兆倫，佢就係真心認為自己無錯，人地錯晒！
小詩：
哇，一蚊禮金，攝多粒瑞士糖，全香港人人咁做佢就發，但若去飲嘅人係咁，我諗當晚拆禮封就氣死了，跟住做喪禮 XDDD
inner：
哩啲就係新興行業婚禮統籌師嘅作用喇 XDDD
Eric：
香港係乜都用錢去衡量，乜嘢都有個價嘛，kakaka！
minor：
>>他擺六星是他有錢,不可能因為他擺六星而要我多給人情….
呵呵, 哩個就係真道理！
佛爺：
哈哈，做生意賺蝕就係睇吓邊個揾边個笨，我封一舊，食佢一餐，等佢蝕本，佢冇理由即時拆禮同我反面掛 XDDDD
Arma：
個港女擺明就係重婚輕友喇，以後有老公，冇朋友。遲啲一個不幸離咗婚，就冇老公、冇朋友，哈哈！
易公子：
好到位的分析呀！依家去飲，如果係舊同事請，得嗰兩三個熟人，就真係痴痴呆呆，坐埋一台！
尋日啱啱同朋友講開，佢話試過去Four季飲，啲嘢真係唔好食，但据知成兩皮嘢一圍，佢做一千文人情已經頂晒壠，冇理由做兩千架，你估真係揾錢容易咩？
新鮮：
所以最終佢真係冇朋友架，不過更弊係佢咁鬼勢利，將來有仔女就教壞細路咯！
inner：
100文加紙？唔少喇 ^^
J：
係呀，我記得以前喺鄉下擺酒，大鑊飯，有興致就來熱鬧一下，人情不人情，毫不在意！
Coffee：
好呀，等陣過去呀 :)
聽講已經被起晒底，原來嗰自助餐喺五百文多啲啲㗎咋！
the inner space：
哈哈！100元人情，無去食，新娘子有沒有送你一個香吻呀？
若干年前的公價，冇去食，30元。有去吃，50元。
這裡的無稅日是七月一日。即是說，頭半年的收入，全是用來交稅的。人們不可能好似香港那麼樣大排場的。你見到好似香港如此大規模的婚禮，是男家或女家，有一條「大水喉」從香港供住的。
啱啱琴日飲結婚喜酒, 喺酒樓擺, 其實賓客真係唔會因為埸地係酒樓抑或5星級酒店而開心D, 都係"鄧"主家高興吓啫.
唔知係咪而家真係地產拖累, 連酒樓擺酒都迫迫喼喼轉身都冇位呀.
香港人真慘呀.
Eric：
婚宴採自助餐，其實格調不太配合，鬧哄哄的，人人顧住食而更缺交流。
想來那港女係都要酒店，但酒店圍菜冇一萬唔駛諗，就用此死翹，真係羞家。
佛爺：
仲要食剩嘅乜都搦走嘛，合理合情合通德呀！
匿名：
香港人都逼字有緣架，逼車逼住逼食，係全世界最逼嘅族群 XDDD
佛爺兄：三次的飲宴分別有去列治文山某著名海鮮酒家，某西式酒店開拓華人市場，將個大ballroom 改做宴會廳，還有就是某著名高爾夫球會的 club house，也開放給華人攪中式宴會。
我作晚重貼那篇“結婚筆數幾時清？”其實就是聽聞這個港女
的狂言，只是最近非常丶非常的忙，現在才有時間上網看看，哈哈，打開網誌，就看到你這個！
kekee, 我地都睇得通近咯，那港女，唉，真有點活該！
校長：
聖誕聚會就快到，不少公司的派對，人們衣冠楚楚。席散，實會有人去爭奪「剩餘物資」的，這是稅收高國家的特色。不過有一個好處，就是沒有浪費食物這回事。
the inner space：
我昨天要完成自己的新帖子，所以無暇跟你講，現在可以噴多一點口水了。
你是香港人的思維方式，人家在高級地方擺酒，當然要做多一點人情了。但若果在這裡工作和賺錢，就不可能用這種思維的方法去做人情。
我認識一位香港富二代，結婚在加國、香港、男家鄉下和女家鄉下擺酒，中、港、加，擺了四次酒。我去他的婚宴，就做50元人情，無可能維持他擺酒的成本。況且，他絕不稀罕人情多少。老實說，我自己出外用膳，從未吃過50元一餐的。
這裡的洋人公司宴會，聖誕聚會，不少也在高爾夫球會，或高級食堂舉行，是平常事。因高爾夫球在地大人稀的地方，不如香港般矜貴。高爾夫球在北美州不是高級玩意，周圍也是高爾夫球會，經營並不容易啊！
你所說的列治文山海鮮酒家，是君悅，或君臨天下吧！上個月有人去過聚會，連送禮給主人家，每人只付了60元而已。
現在已有新的「釣魚台國宴」和「國金軒」等，做了龍頭酒樓了。不過咁，我從來未入過去。
算喇！你從香港來，100元人情，主人家也覺得是應該的。嘻嘻！
不過咁，我都係要口臭講一句，100元人情，無去食，呵！呵！呵！
喺囉！佛爺兄：做100呅加紙人情冇去食，收返張餅卡，仲要張羅去攞餅，最後又要加錢換來個蛋糕！ 不過，三次都是新娘新郎我都識得嘅！
另
佛爺兄：
過去兩年也有友人在 GTA 擺酒，
雖未能附會電郵加相片地點有：
紫京盛宴，鑽石宴會廳 。。。。。
多謝劉朗兄讓我們繼續吹水！
haha, 歡迎，歡迎，我只是愧無旨酒宴嘉賓！
the inner space：
我估你是講「紫爵金宴」和「名門金宴」，它們連豉油都無，用XO醬代替。一碟只有八片的涼瓜釀豬肉，30元。有人食完出來，罵足一個星期，我才知道咁物無所值。這裡的華人消費市場，跟洋人的脫了節，因有中、港、台的「大水喉」撐住。所以洋人高爾夫球會和酒店等，也瞄準只佔人口3%的華人消費市場。
海外華人，不再是清末，民初，無刻苦耐勞和節儉這回事，而是揮霍到令不少洋人側目。
我去過一個富二代家裡，嚇一跳，以為自己入了六星級酒店。他家族在尖沙咀經營一家著名的高級酒樓，和在內地設有廠房。富二代反而待人十分客氣，但他那位清貧出身的妻子，把口賤到無人有。每次聚會，將所有窮二代的朋友全部踐踏一番。
多謝佛爺兄：無去兩年GTA華人社會又增添了幾間超高級食店。我親戚多帶我去，萬錦的君皇茶坊，貪近！
the inner space：
「君皇茶坊」從七號公路南邊，搬去了北邊的一個小商場，我不知你是去那一處。它雖然面積不太，卻有不少常客幫襯。我也去過一次。
北方果間 woodbine 夾 apple creek，隔離有間“大黑天”和食，有冇試過？
the inner space：
「大黑天」是大黑店，當然無入過。因有人入了去，被斬到一頸血出來，所以，我才幸免於難。嘻嘻！
講開做人情，最近有位n年無見既舊同學whatsapp 我，佢第一句唔係問我做幾多人情／黎唔黎，係一hi完我，下一句就話「想約你出黎敘舊順便派帖」我問「你幾時擺酒？」佢答：「約左時間地 點再通 知你。」
我即時囧左！
自由
哈哈，哩個就真係人情緊過債咯！
真係俾佢吹脹！e...分分鍾你都中招！哈哈！
自由
哈哈，叫佢忘記我:-P
呢鑊野﹐我只會話條女唔識人情世故
講真﹐有邊個擺酒想倒貼呢﹖
掉轉頭﹐如果真係同你熟的話﹐知你酒店擺﹐做得幾十年人﹐又有邊個介意比多些少人情﹖
同樣道理﹐若果你唔算熟但又收到你張帖﹐有邊個唔覺得係紅色炸彈呢﹖
再講﹐我既然唔去﹐照道理點解仲要封三舊人情比你呢﹐但又有邊個以此為由唔比﹖
好多呢類事﹐係唔會人講出來的﹐事關講錢就傷感情啦﹖
世界好多潛規則，好多人跟，較少人唔跟，唔跟嗰啲最多俾人背後講兩句，但再見仲可以係朋友。條傻妹講出黎，擺明重錢多過重義，哈哈，再見就冇朋友咯！
所以話，好多人好腦殘！
嗯﹐有時候或者會比人覺得虛偽﹐但正所謂多個朋友好過多個敵人﹐好多事唔洗講出面呀嘛﹖
你係得酒店擺﹐普通人都會諗到要比多些少人情gala
調轉來諗﹐如果對方真係比5舊﹐咪仲好﹖幾舊水就睇清一個人係咪度縮囉﹖
對，廿年後睇番今日嗰幾舊水差異，真係微少到不得了。唉，太多人用錢去衡量價值輕重，是太過不智了！
發佈留言