 |
| 網上圖片 |
昨晚與朋友手機上交流，就提出了疑點，我問朋友能講出深圳市長、廣州市長姓名？
不上網找當然是講不出了，以一位國際大都會先進城市的知識分子，都講不出鄰近城市的市長名字，我們會相信一個內地躁狂師奶遊客會順口就道出香港特首的名字？
於是我推斷，這位躁狂師奶很大可能是移居香港一段時間的新移民，即是說，是香港人，與甚麼自由行帶來的中港矛盾了無關係。
今天上網，竟有自稱為那小孩子幼稚園班主任的網民，在社交網站貼出文章，指出躁狂師奶母子過去的五宗罪，間接證實了我的推斷。
妄下結論是今日很多香港人的弊病，思考不夠通博不夠周密，沒能縱向 (古今) 和橫向 (中外) 相互發明思考，卻自以為真理在手，實在可悲可笑！
順帶推介今日晴報雷鼎鳴的文章：〈中國打貪難一蹴即至〉，引述一位叫雷米雷斯 (Carlos Ramirez) 的經濟學家文章，以 GDP 實質購買力計算 ，1870年的美國跟 1996年中國同為 2800 美元，而當年美國的貪污程度比 1996年中國嚴重 7 至 9倍。
想說甚麽？這就是縱向橫向思考的一例。
.
.
.
相關文章：厚多士姐的控訴
：地鐵剪指甲
：地鐵異象之這女人真臭
.
.
.
18 則留言:
個point係那個人的出身，文化背景，
並不是拿什麼身份証呀！！
我有兩個好朋友都係新移民，
十二，三歲移民香港，
受香港教育，在香港氣氛下成長，
如今為人有教養有禮貌，
唔會隨地俾子女痾屎痾尿，
這就是個中港的分別。
我曾經過問過佢地點解中港人點解咁唔同，
佢地兩個都話教育和社會風氣問題，
上面普遍係自私自利，
不理人死活的人較多。
慚愧之至 x 2
1. 本人也墮入同樣的思想盲點。
2. 本人連自己所在城市的市長名字也不知道。 :-/
校長：
每年夏天都有一啲美國人，開車到加拿大的尼加拉瓜大瀑布，車頂放滿滑雪工具，周圍問人去滑雪要朝那一個方向走．仲要年年都有一班咁嘅戇居佬至奇喎！
唔知香港有冇人夏天去韓國滑雪呢？嘻嘻！
「縱向 (古今) 和橫向 (中外) 相互發明思考」
我也未曾想過作如此比喻，實在講得好精闢。
加拿大第二大城市「滿地可」，最近兩年換了三位市長，三個都是被控貪污而落台．貪污邊度都有，睇下有冇咁多錢嚟貪啫．嘻嘻！
我都識2個北京當地人,一個地道上海人,都係大約2003年前後認識佢地,我偶爾都會去北京上海探佢地,真係可以對燈火發誓,我冇見過佢地係街到大小二便,佢地又冇出過國又冇受過外國禮貌教育,真係唔明點解探佢地時,佢地咁忍得唔隨街痾,可能比面我掛,嗯....諗諗下,北京上海d清潔工都相當勤力,我逛街都冇見過個d野,妖!係唔係我時運高呀,北京上海起碼都有幾千萬人啦,隨街痾都不留痕跡,我唔係好信囉,睇死都係共產黨做假啦,係唔係先!
(少留言,不留名了)
我在美國酒店食完自助早餐, 因為唔記得收拾餐具, 俾我那12歲移民當地的姨甥不停嘀咕, 還說怪不得咁多人討厭中國人, 因為中國人"衰格".
我即時設身處地地為一些遊港的內地遊客感到一份無辜. 有些事情我們又是否要求得過高了, 又或我們自己的價值觀都有點扭曲了.
劉朗兄：這幅漫畫我都有嗮了些時間去閱讀。
對於雷生篇文章：
”1870年的美國比起1996年的中國貪污程度要高出7至9倍！“
1870年 距 1996年 126年，量度的方法與標準需要相確，用倍數比例來表達，總不及用 absolute value 比較切實。還有是全民貪，或只是高官貪，or 商業關連都貪。
雷生只是引用 雷米雷斯（Carlos Ramirez）一小段，想必須閱讀原文全篇，根據上文下理較為妥當。
愚弟一時間找不到，兄台可有資料例如：URL 網址 書名 可以幫助參考。
同意新鮮人的「個point係那個人的出身，文化背景，並不是拿什麼身份証呀！」
這兩天到深圳大學園開會議，在羅湖到科苑一小時的地鐵中，已經看到有人讓座。
沒有看到有人違規。
劉兄,
我每日都搭地鐵返工, 都有見過老外, 白領, OL, 學生...係地鐵車箱入面食嘢, 咁多年從未見過有人理喎! 哈, 不過如果個主角係疑似國內同胞, 就會變咗好大件事咁...
唉...香港人...真係...都唔知點形容...唉
the inner space：
美國南北戰爭(1861-1864)之後，當時工業農產品，如棉花等，已經可以用機械來幫手，不需要使用大量人手。大量黑奴就被移居北部的工業城市，變成工廠勞工，造就了十九世紀末的美國工業革命。同時，也形成了美國大城市的貧民窟。
南北戰爭只是象徵意義。雖然南北雙方共有七十萬士兵陣亡，其中四分之三是18 - 21歲的青年人，但戰爭並沒有實質改變黑人的命運。戰後由白人組成的「三K黨」，一直繼續殘殺黑人。而「三K黨」的成員，包括法官和警察等執法人員，他們幫手做殘害黑人的事情。
戰勝的北方，為了安撫南方人的情緒，並沒有把南方的叛將「羅拔‧伊‧李」將軍判刑，而是讓他做了「維珍尼亞州」(弗吉利亞州)大學校長。而北方的戰爭英雄「格蘭」將軍，就成了腐敗政客的傀儡。
總的來說，十九世紀末至二十世紀初的美國工業革命，官商勾結和腐敗是十分嚴重。但嚴重至甚麼程度，我就不清楚，因我只是略知一點美國歷史而已。
我也親身經歷過Quality Alchemist說的情況, 去完旅行我背上很大的背包在深圳坐地鐵, 應該是很疲倦的樣子, 試過有兩次有人讓位比我, 當然不好意思坐... 一個係呀叔, 一個係後生仔... 都好有禮貌 : - )
此言差矣, 珠三角人民講到梁振英個名有幾咁奇? 佢地日日接收香港電視資訊, 相反香港無咩人會日日睇廣州台掛, 香港人講唔出廣州市長有幾咁奇, 港粵之間的資訊流, 不是對等的.
每個人都是瞎子摸象, 你見到內地人好有禮, 讓座, 咁又點啫, 另一方, 都有人見到周地吐痰同痀屎, 兩方事實都存在, 不能互相排斥其真實性, 你又唔係全能全知, 你睇到咩或你睇唔到咩, 證明唔到任何嘢架噃
"貪污邊度都有"，魯迅都講過, 中國人常說臭虫到處都有.....
總有程度的分別吧, 加拿大的貪污同中國的貪污並列而談, 未免太睇得起加拿大了...
加拿大拎黎同大陸比,真係唔啱既,但係d人就好似你所講都係瞎子摸象去睇中國囉,你又唔睇下所謂民主大國印度,冇屎冇尿?冇強姦冇貪污?不過好似你地d擘大眼"講真話"既人,當然見到大陸發展永遠都追唔上所謂既民主國家如印度,菲律賓,埃及,等等啦,其實香港傳媒新聞版日日講大陸點衰,大陸百分之99.9%都係貪官仲運走哂d錢,就係唔講點解大陸係邊到刮d錢起基建?大佬呀,唔係正係得北京上海呀,仲有天津,成都,深圳,廣州,大連,青島,重慶,南京,哈爾濱等等,唔信又或者唔想瞎子摸象,去下所謂已民主既國家同大陸既城市逛逛先比較啦!
1035 匿名：
珠三角人民常睇港視新聞報道？還是港視啲低 B 劇日提夜提梁振英？
個女人盛怒之下隨口就爆出梁振英，佢真係好熟香港特首 XDDD
哈，你啲自定義，笑死人！
1044匿名：
啱架！大陸十三億人，點會冇衰人呀，所以唔駛大造文章，人地咁講只講哩個道理你知，你就係收唔到。
1054匿名：
佛爺冇提到程度，只提到邊到都有貪污個案，做乜屈佢話將加拿大等同中國啫？
你去修吓語文傳意喇！
1:05匿名：
謝謝你的辯解！本來我不打算為該項指責回言，因如此無中生有的冷嘲熱諷，我實在沒有去為自己辯護的智慧。
一些抱著非黑即白思想的人，對於中性的見解，也視之為洪水猛獸，感到衝擊著他們固有的立場。或許，這是他們受過創傷的後遺症吧！
來歷不明，躲藏暗角無的放矢理應大可不理，但關於「兩方事實都存在, 不能互相排斥其真實性, 你又唔係全能全知, 你睇到咩或你睇唔到咩, 證明唔到任何嘢架噃」這段話語應該去MK同扮大便那幫人講。
今次你可能你去錯了地方留言，或者你根本唔知自己講緊乜，又或者你理解同表達能力都有問題。宜多加閱讀進修，開濶視野。
以正視聽，自重。
發佈留言