今次中招了

.
今日合該有事！
.
成日瘟瘟沌沌，今早已遲了出門，仲要送地鐵車尾。對頭車明明見到我地哩邊車埋站，轉車客已在橫越月台，嗰車長仲撳掣閂門，真係無啲人情味。
.
乾等幾分鐘，睇黎會遲到，算，臨時變招，在灣仔買完早餐後不搭巴士了，改為再乘地鐵，列車 her her 聲到，自然趕得及，甚至有空餘。
.
好了，到上堂喇，但時間好似混亂咗咁，睇錶點解硬係唔覺已到了上堂時間呢？
.
落堂喇，明明係四樓，竟然錯以為係六樓。用完粉筆要洗手嘛，咁六樓梯口轉右第二間是男厠，蒙查查走到近門口，才發覺那是四樓女教職員厠！急轉身喇，點知已俾一位女老師見到我從女厠方向 (係方向) 走出來！唉，唔知佢點諗 ：(
.
返到辦公室，整哩整 lu 又到午膳時間，去食嘢喇，例牌肉臊豬熱奶茶加飯，我知今日唔老黎，要萬二分小心，千祈唔好倒瀉茶之類。好了，謹小慎微咁趙完我嘅半食，嗱住一半飯返去。
.
沿長長的，滿是墻樹的路慢踱而回，咦，見到有修樹工程喎，修樹師已戴晒架生預備上樹，好奇心就企埋一邊睇睇預備影張相咁喇，就出事了，一篤新鮮軟熟的雀 shit 從天而降，dup 一聲打正我右膊頭！！！
.
印象裏前幾十歲人生只中過一次 shit 獎，今次第二次。唔企埋睇修樹咪冇事咯，所以說是福不是禍，是禍躲不過！
.
今日黑仔是完勝了，日才過了一半，若有邊個同我拗頸，佢一定贏，我輸硬。想討我便宜嘅一定成功，賺超過所想。sale 我會籍呀轉台呀實做成生意。
.
唉，諗番膊上那篤，阿雀大爺雀小姐最緊要你身體健康，冇患流感，唔係我真係唔得你死呀！
.
.

.
.