打疫苗看有錢人智慧

最近政府開放 16歲或以上市民打疫苗，幾個疫苗中心預約都有很多餘額，只養和醫院的預約一早滿額。反映甚麽呢？

人的價值不因貧富而異，但有錢人也不會比基層市民不畏死罷。富貴醫院預約爆棚，固然可能是每天可供注射名額較少，但是不是反映了有錢人較明白打疫苗的好處大於不打。或許，他們也知道 先後關係不等如因果關係。

連李嘉誠都打了，高齡的他，擁有的財富，地位，人世間的所有，比普通市民多億萬倍罷，也都去打了，不怕打了之後遽然失去所有，你還怕甚麽呢！

.

.

張建宗點值 37 萬

堅唔知條友做過乜嘢黎，可能勤力上落班嘅，但政績欠奉，口窒窒無智慧，怠慢正事趨易畏難，周末發表一篇內容空洞的網誌，決策甩轆混亂，就乾逗幾十萬月薪，香江納稅人真係做了寃大頭！ 

希望經濟復甦，希望就業上升，失業率回落，鬼唔知咩，鬼唔知阿媽係女人！希望年青人多打疫苗，但剖析入裏，燃起後生仔打疫苗動機的理據、勸誘欠奉。條友講咗就以為做咗，每月幾十萬袋袋平安，點解一個水平同層次都咁嘅人可以做到如此高位呢？只能說平庸保護平庸，糜爛圍抱糜爛。

全香港七百幾萬人，除了BB唔識講嘢，同嗰啲想攬炒香港死的爛貨，邊個唔想香港就業率上升，失業率下降。講到出黎，得架喇，個個都值 37 萬月薪。

.

.

沒有保護罪？

五歲女童被虐致死案，法律界建議設立「沒有保護罪」。噢，又係中文 handicap, 用另一個詞語喇唔該，「疏忽保護罪」，甚至「保護缺失罪」都可以。

「有」和「沒有」都是價值中性詞，但法律指控有價值同事理判斷，一看就知道違理違法才是正路，像「非法集會」，「不誠實使用電腦罪」等。

而法例已有「對所看管兒童或少年人虐待或忽略」罪，是不是應該調整陳述，或擴闊涵蓋的適用範圍就可以呢？

.

.

無綫新聞，直堪再罵

有人或會說，做乜咬住唔放。唉，無綫唔屎，我都懶得罵！

24 歲女行山者魂斷飛鵝山，未確定死訊前，無綫新聞幾次誤報，先是早上說已發現死者遺體，到下一節報道，又改說只發現死者衣履，到另一節報道，又修正說那不是死者的衣物。直至下午，才報道發現女行山者遺體。

新聞工作，貴在準確。好明顯，無綫的採訪隊道聽塗說，又不作多方核實，也急不及待，便把錯假消息胡亂發放。

這採訪和報道的水平及格嗎？直頭肥佬喇！無綫新聞真係周身病，但無奈幾個新聞台，網上嘅只佢不斷循環，而且全片播，不用點選專題，有時在廚房煑食，一直睇串流播放就方便喇。而香港開電視仲用緊幾十年前嘅指定節目表，真係落後到無語。通過電視機睇呢，now 嘅畫面質素又差幾皮，所以還是多睇無綫，唯有一路睇一路鬧咯，唔係點。

.

.

傳媒中文真係冇眼睇

菲臘親王離世，在教堂舉行喪禮。無線新聞說由神職人員「宣讀」經文。大哥，用「誦讀」喇，宣讀有表達新信息，表示立場的意思。在這場合，用「宣讀」絕對不宜！

還有曾聽到大意是：英國民眾「趁」菲臘親王喪禮默哀一分鐘。真的聽到我耳朵也得掉了。不過可能有人即刻發覺不妥，再下一節報道就改了用詞。

順帶一提，無線新聞繼續為匪將目，美歐日攻訐中國的視頻和原文照本宣科，然後才引述中國反應。now 新聞就只是三言兩語綜述老外的攻訐，就重點陳述外交部的反應，這才是合宜和應有之義。

.

.

傻夢傳奇

：「你盡咗力架喇！」

：「唔係呀，我冇盡力呀，我做唔到平時嗰樣嘢呀！」

喂，阿妹，你噏乜呀？你平時做到，依家專登唔盡力去做到？

我真唔知你講乜。奇又奇在編導同製作覺得佢講得好有型，毫無語理矛盾同邏輯謬誤。喂，大哥，佢細個啫，你地好歹係個成年人，職場撈咗一段時間，人世已走過了好多場喇，仲係咁無知？

其實合理嘅回應該是：「我已盡咗力，但做得唔好，做唔到預期的，應該有的發揮。」

唉，哩一代，唔識諗嘢，反映出黎就係亂噏嘢，亂做嘢，但又覺得自己好有型，無錯，死未！

.

.

白鷺組曲

 .

.

.

真係媽媽聲

電視台要賺錢，嘩眾取寵，誇張媚俗自不待言，所以世道衰微，人心趨敗，以賺錢為目的電視台，電影，影音、以至文字的傳媒責任最大。 

最近無線又整個乜鬼媽媽聲，請啲星媽上黎講所謂育兒心得，睇了宣傳片已經令人搖頭歎息，根本就係教壞人，損害世道人心。

這些仍有名氣，或者已過氣的星媽，以前的成功，如果有的話，也只因為有討好的身形面孔和演藝，並不是她們的知識，胸襟，世界觀，或者沉澱了的人生智慧。看她們的亂噏無遺，就知道她們對生命掌握的低俗和空洞。

今日世道之誤，就是要向演藝人揾知識和人生智慧；向政客揾社會良心；向廢官和假專家搵真理。

所以真係要媽媽聲，是要找今日社會上成功人士的母親現身說法，這些母親才最有資格，所說的才是有益於大眾。

我常批評無線，只因它是入屋最普遍的媒體，它的新聞報道已是問題多多，但最污染人心的卻是那些違反知識，敗壞人常，煽情張恨，又教蠢人的劇集(愛回家除外*)。像媽媽聲的這些綜藝節目，能不令我真正的媽媽連聲！

.

* 仲有愛美麗狂想曲，罕有的佳作！

.

.

懲罰執政黨有效？

西式民主制度的祟拜者總以為他們信任的制度完美，無懈可擊。不是嗎？人人有票，可以趕走衰爛無能的政黨，實現政黨輪替。但他們的無知其實早已寫在墙上。

善政不在乎有政黨可以競爭輪替，而在乎那些政黨是否有心有力，重視民瘼。掌政，就是掌握了整個政府的資財，權力，意識文化塑造，身居要職的執政者有名有利有權，政客怎會不趨之若鶩？在有敵對政黨的角力下，反而容易出現惡性競爭，只顧討好選民，互相攻訐，非對手之所是，結果是吵鬧傾軋，一事無成，社會，人民的福祉都被犧牲。

看看美國的民主與共和黨，台灣的國民與民進黨，和世界上很多奉行西式民主的國家，都印證了這點。

所以當無線新聞報道文在寅領導的共同民主黨在市長選舉中失利，用上「懲罰執政黨」，就知道這班掌握傳媒話語權的人何等白痴。是，是懲罰了，但你能說繼任者會是個好橙？根據民主制度的原生缺陷，那只是一個爛橙取代另一個而已。幾年後，選民又厭惡今日的取代者，於是又來一次互換的懲罰，政治可又真已完善了？

有政黨輪替就有善政？這只是低智人的誤信。西式民主制度讓一般識見，平凡短視，甚至自私貪婪的大多數人去決定政治的上層建築，只會被政客欺騙把持，政治只會循環衰敗。

寫就是寫了，但這些低智，卻自以為是的懵種會明白嗎？該不會，他們只會抱臭自矜，繼續自 high 下去！

.

.

壞腦記者又獻世

沙田今日發生警員開槍製止瘋狂駕駛案，擊傷一名男子。腦殘記者又如常發瘋，名曰採訪，實則歪理質疑同追問。最典型就係問警方是否用了最低武力，係咁撩，係都要製造警方濫權印象。哩班懵種以為最低武力係一個絕對標準，徒手就最低喇，跟住係胡椒噴霧，再跟住用警棍。去製止一部橫衝直撞，把成部汽車作為武器的鐵獸，你叫警員用徒手，胡椒噴霧，同警棍去 stop 佢？你個腦係咪有病？ 

最低武力是相對的，去製止可以造成無辜者，執法者死傷的情況，用其他方法肯定唔 work，用槍，就是最低，也是最適當的武力！

記者，無冕皇帝？哈哈，早說了，除了極少數，都只是匿喺職場金字塔底層，無才無能，甚至包藏禍心的社會隊尾人！

.

.

任志剛講乜嘢？

美國國債 14 萬億？我未退休前，想是 2017 左右罷，已向學生講美國國債 16 萬億，四年之後仲減少咗？

佢又話中國係美國最大債權國，但據知我國持美債早已少過日本，排第二。後尾又話連埋香港計，中國持有美債達四萬億美元。唔係化，上網揾喇，排第一嘅日本，去年年底才持有1.257 萬億，中國第二 1.062 萬億，英國第三 4466億。喂，大佬，中國加香港達四萬億條數點黎？

網上資科顯示，截至去年年底美國國債已達 24 萬億，任志剛食咗嗰 10萬億？搞咩佢，前金管局總裁喎，做乜搞成咁？

所以話所謂專才，都係眼見未為真，連任志剛都係咁，行政會議有幾爛，你可知了。

.

.

在教協執事的廢柴通識教師

教協咩料，大家心中有數。我未退休前十幾年已退了教協會籍，華叔去後，張文光已經唔係好料，繼後更唔駛睇，搞亂教育，敗壞學心則有之。

幾天前教育局正式落槌，將通識教育黎個大手術，而且新學年九月就推行。反對派自然阿趑阿趄，好似係教協副會長嘅一名通識黃師又話太急，冇教科書不能適應。仲舉三條不平等條約，話教師唔識教。

哩條懵種真係枉為人師，依家只四月初，有咩咁難教你用五個月去備課都唔識教，教唔到？做得教師就係要走在學生前面，好歹你係個大學畢業生，已昭昭在道的近代史你掌握唔到，唔識教？真要預備，一晚就掂喇！

我退休兩年多，只因朋友情商於是代了兩天課。學校有書有課題，中六那班更只做模擬卷，但我覺得意義不大，做卷幾時都可以，所以在應承了代課的當晚就擬就了一個教學大綱，跟學生討論疫情影響個人成長與人際關係，今日香港，全球化和公共衞生的思考。連綱領都給了跟我聯繫的科主任，主任欣然受落，說由我發揮。

懵種呀懵種，這才是教學。推搪，抵賴，言不及義，包藏禍心，你那配做一個教師！

條友賤名叫甚麽，冇記了，你會記住每天扔甚麽垃圾嗎？講笑！

.

.

後記：通識教育科敗壞香港教育生態，始作俑者羅范仲有面坐喺行政會議，辭職以謝天下罷！

.

.

無線新聞真係無鬼用

黃埔花園發生倫常案，男戶主殺妻傷兒後自殺而亡，我由中午前睇無線新聞，直至下午兩點，都聽不到報道男戶主幾多歲，更重要的是兩個兒子幾多歲。這是市民大眾最想知道的，但可惜，無線新聞編輯編導就是缺乏觸覺，根本不知道也不掌握新聞的核心重點。

屎即係屎，反而 now 新聞有報道兩個兒子約十餘歲，起碼知道不是幼童，市民大眾少了一份更大的擔心。

公眾知情角度的精準性，報道政治新聞的合理性，掌握事理的邏輯性，口述語文的精煉性，無線新聞都做得勁差，垃圾，屎，絕無疑問。

.

.