今日沿河急步，一樣的打赤擸，仲要那一貫惡屎能登的銳目，唔會有人夠胆望我多過一秒！
步行中，離遠見到兩個恤衫西褲傳教人，一中一洋，我瞄了他們一眼後，就移開視線，行我的急步。佢地走到面前時，竟然齊聲同我 say hello！我望向他們，擠了一個硬笑容，就擦身而過。
夠胆同我 say hi？係咩原因呢？係我的那兩片花甲胸已然縮水，再唬嚇唔到人，還是那逐漸惱人的肚腩，已賣走了我一向自以為是的殺氣？
還是，佢地一眼就看透了我本善良，只是個扮兇扮惡的鱷魚頭？
還是，傳教人不避妖魔爛鬼，愈妖爛就愈想要牧養？
那麽，究竟我想要那一個理由呢？
.
.
