施永青認為特朗普可連任 ？

今日 730，施老板認為特朗普可以連任，因為美國名為普選，實則由選舉人決定，正如上屆，希拉利普選票贏特朗普，但卻輸了選舉人票。施的論點是西方正在走右傾保守主義，而這方面特朗普較拜登走得徹底和明顯，所以更能討手握選舉人票的上層美國人歡心。

有可能，但這只是一項思考因素。其餘四項因素施老板卻忽略了。

第一，作為美國總統，特朗普的虛偽瘋癲，歷史僅見，部分美國鄉愿可以接受，但有見識的選舉人真的可以為然？

第二，疫情因素，雖然很多美國人仍然抗拒抗疫，但近九百萬人染疫，二十多萬人死亡，直接間接身受其害的家庭必以為苦。特朗普領導抗疫失敗，這因素又豈是上屆所有，又豈能無視！

第三，特朗普上次的對手是女人，今次是一個只老他幾歲的男人。美國選了黑人奧巴馬做總統，已是天大破格，接連又選個女性做？連破兩次？相信那些上層社會選舉人心理上是難以調適接受的。我有個想法，若能公開上屆選舉人的男女實際比例，倒是有趣。

第四，上次普選票希拉利贏得不多，選舉人可以振振有詞，說根據理性與良知 (施老板用語)，不依普選票取向投票 (其實有多少州是這樣，沒查考)。但今次若拜登普選票贏百分之十或以上，那些選舉人夠胆逆天下之大不韙？

所以，施老板會言中？走著瞧罷！

.

. 

一年後的牙報告

仍然吊住，若即若離，戀戀不去，可以咬麵包，食蕉無問題，斯文嘅吻可以，唔好咁喉噙，唔係激吻完之後眼前是個無牙風爐，你口裏又多咗啲嘢，會嚇死寶寶，更會心痛死阿伯

若能吊佢三十年 (四十年更好)，就心滿意足了，我去買燒豬酬神，邊間廟，你地話，十間去，百間去！

.

.

.

.

無線新聞台認蓬佩奧做老豆

哩個新聞台擺明黃，穿黑衣的報道員多不在話下，睇佢編採選材就更昭然若揭。喂，世界咁大，國家十四億人口，有報道價值嘅嘢多的是，但睇佢嘅世界政情報道，美國的佔大多數時間。係，美國係世界第一大國，一切舉足輕重，但駛唔駛不遺餘力咁報道呀。尤其是白宮那些擺明對中國的惡意誣衊攻訐，哩個台總是一無遺漏，照本宣科。話就話隨即報返中國的回應，但咁樣係平衡唔到嘅。誑言謊言不斷說上，你否認一百次都冇用，因為那是先入為主，係咁講，唔信都會變信。

啱啱仲仆街，報道外長王毅批評美國惡意攻訐，竟然不是影住王毅，而是照播蓬佩奧個視頻。我真懷疑編輯係咪肥蓬個仔，甚或愛上了肥蓬，逐臭之夫同佢有路！

特朗普更不用說了，影佢就永遠不遺漏，日日都有，係咪龜孫子懷抱阿爺，不忍遽離呢？

無線新聞台充滿黃物，毫無疑問了，實在看不下去，但衰在沒有另一個競爭的新聞台可以隨時 on air，唯有在睇到喪侵同肥蓬時即刻靜音，耳不聽為其利！

.

.

一無所有的袁大教授

大教授喎，閒閒地廿萬個月喇，點會一無所有？

啱，錢有樓有銜頭有，但冇識見，冇邏輯，講嘢就係無腦！

疫情欲斷不離，固然係同廢官蛇 gwear 拖沓有關，政府總部更無一個是能人，若有航拍機飛過，活脫脫就是飛越瘋人院，香港俾班低智人管理，不死幾稀！

但大教授也是會出入總部的一丘蠢貨，疫情有愈烈之勢，就話要加強檢測，早前中央援手想助特區全民檢測，袁大教授就陰陽怪氣，明奉陰違，暗中呵護佢嘅黃色事業。現在形勢唔掂，就話要有病徵的都要去做檢測。

阿哥，阿媽係女人邊個唔知，但有病徵嘅都會乖乖去做檢測？病徵到咩程度要做呢？邊個執行推動呢？自願？若香港人全部自律上次國家隊來時晨早去做晒喇。而且依家社區裏最大播毒風險嘅係無症狀感染者，哩班人自我感覺正常，點會去測呀！

唉，總之廢官誤港，政府總部係瘋人院，也係陽痿中心，專家又患缺腦失智症，香港就係俾哩班爛貨搞死！

阿教授你都係專心做病毒硏究好喇，乜嘢 RBC 開發到我就多謝你喇！

.

.

教育界爛人何其多

黃師被釘牌，應有之義。葉建源廢噏都慣了，不意外。接著有個甚麽資助小學校長會理事孔偉成，說教育界一向提倡給學生機會，為甚麽不給涉事黃師改過機會。

啊，潛台詞即是，姓孔的認同那老師犯錯，ok, 收到。但以給學生改過機會去立論給老師同樣機會，何其冇腦！

學生是小童，老師是成人，等同嗎？學生未成熟，犯錯是自然而有的事，老師好歹成熟了罷，社會一般期望都不要犯錯，怎麽等同？

應該給成年人機會，那麽殺人者不要被囚好了，傷人及盜者不必抵罪好了，騙子強姦犯，性侵學生的淫師也不要判罪，要給機會改過，行了罷。

蠢人爛人之多之廢，真的於今尤烈！

.

.

特朗普的怯把扶手拍遍

特朗普染疫真假人言而殊，但他乘直升機去軍方醫院，上機時右手把登機梯扶手拍了幾下，這小動作表達了甚麽意思？

其實這跟一些迷信鄉愿把錢幣扔落引擎的祈福心態相同，就是希望飛行平安，更重要是今次有去有回，不用在醫院病亡。

如此看來，特朗普染病是真的機會較大。但政治，太多謀略，何況是這個上任以來已講了幾萬個大話，又瞞稅的「尊貴」總統！

.

.