2021年1月15日星期五

食屎陳師奶與無能娥特首

活了一甲子,才真見識到如此低能的政府與管治。沒抗疫概念,缺前瞻性,與民為敵的白痴策卻層出不窮!

減少人群聚集的最好方法就是封城,短痛兩三周,找出帶病者集中治療,就可以重啟九成幾以上的商業活動。依家政府同做美容嘅,年宵賣花嘅好似有仇,ben 你就 ben 你,唔駛講咁多。其實剪髮就得,做面就唔得,街市買餸就得,花墟賣花都得,但年宵賣花就唔得,係乜嘢道理同心態呢?

廢官無常識,唔俾美容復業,影響嘅唔只業界,仲有買咗幾萬,甚至十幾萬超前消費 coupon 的人,一旦店鋪倒閉,受影響人士真係渣都冇!

取消年宵各式小賣,尤可說也,但何不保留花檔,無咗其他攤檔,人流必定大幅減少,仲可以做埋人流管制,花農就可以賣花,唔駛成年心血付諸東流!

仲有出現爆疫嘅大廈就檢測,美其名是定點式,實際上係被動抗疫,頭痛醫頭。前瞻性嘅就係全面封城,香港才能走出泥沼。

防疫滴水不漏喎,難得食屎同無能講得出,面不紅氣不喘,其實就係應對無方,短視龜縮,應禁不禁,不應禁卻去禁,無恥果然是無敵的,看官大開眼界了罷!

.

.