 |
| 網上圖片 |
這幾天都在思量因公開試停課幾天的監考安排，由老師到助理到工友，撇除可以倦勤的，要分配五六十人的工作，誰做主誰做副，誰做多誰做少，誰可以只做後備，真是腦汁絞盡，華髮蔓生。
不過分配工作也可以是最易的，把整個責任推給某下屬做就可以了；又或者，不計較合理與成效，胡亂安排又可以了，但這做得出嗎？
不過，無論你怎樣用心安排，下面總會有質疑或不滿，因為大部分人都喜歡跟別人比較，總覺得自己不應做這麼多，別人不應做這麽少，為甚麽要我做而某某卻不用做等等。
這是人性，明白的。管理工作吃力不討好，也是明白的。
.
.
.
去年今日：日本地震，我們學懂了甚麼
.
.
14 則留言:
收得份糧，工作時間內都要做！
自由
哈哈，小行，多些像你這樣公道的員工就好了 :)
前老細妹頭，次次搞親project都係急就章，胡亂拉伕，無內容無計劃，終日無事忙；平日只信吹水友，唔掂時就搵我。
所以今次我有機會轉會，馬上推薦埋幾個做得嘢嘅同事去（妹頭就係想收埋佢地），好似大廚一走，就成個二三後鑊連洗碗都一齊走一樣。
世上多幾個好似你咁嘅老細，世界會美好好多。
魔術師：
我喺你嗰邊睇到呀，職場都係咁，我有個科主任，死都要保住教唔到書但擦到佢鞋嘅廢人，貽害學生，衰過你個妹頭。依家老細保住佢，我唔同佢開火住，但總有一天我會省到佢立立 ling！
Eben：
唔係架，喺我班同事眼中，我就係狼振英，佢地不知幾想有個傻英年 XDDD
最緊要:偷得浮生半日閒
人生就是分分钟都得接受挑战…… 呵呵
一個 organization 裡一定有“篤擦”這類人生存，因為這是人的 organization 也！
post啲工作單位出來,
由他們fill in the blank!
卡卡：
咁編好晒啲嘢，就可以偷入半閒堂，爽吓癮咯！
嘿嘿：
哩個戰挑咗十幾年喇，都唔知係咪整蠱，升咗成棚人啦都唔揾人接我哩個 job！
inner：
對對，有陳督擦，又有王督擦，成班友都係當差架 XDDD
新鮮：
最慘係不同科目考時不同，工種工作負荷不對等，放出黎就會爭先恐後，一陣又話你梗係預先通知阿边個边個，等佢霸頭位唔駛做，爭議更大。
學校每科的panel就是一個山頭。山寨主義抗拒中央，再加上山頭合縱連橫，要學武松景陽崗打虎，談何容易！
打真老虎我梗唔掂，但打山頭老虎我還可以，待適合的時機殺虎去也！
校長，狼振英先冇你佄有魄力佄有心。你好過佢不止十倍。
哇，CM 我何德何能呀，狼英真係狼，是挺有能力與步驟的，盯緊了就必殺，若放在好的方面，施政是會有作為的。
發佈留言