「咀」你個頭咩

詛咒係讀成「阻」咒，或者「佐」 咒呀！ 

俾你愛回家搞一下，全城又錯多幾成喇！

拍之前問吓人喇，唔該！

.

.

粵音正讀>第40集 咀咒 詛咒 (二)(2011-11-12 00:00:00) (tdm.com.mo)

.

.

好煩，若有相同視頻，奧運我都係睇 Viu

無綫啲唔夠專業，搵啲平時不愛運動不識運動的藝員去做主持，講埋啲無謂嘢，正如佢揾兩條儍仔去東京嘻哈度日，開運動員玩笑一樣戇居。

最惡頂嘅係無綫評述員，講嘢滿嘴砂石，語病連連，一句話省去一半都唔會傳唔到意，根本就係揼波鐘，霸佔 airtime。法國選手就法國選手喇，咩「來自法國方面嘅選手」呀，贏得金牌就贏得金牌喇，咩「贏得一面嘅金牌」呀。最毐耳的係 「一有犯錯或者出錯」，我頂呀，犯錯同出錯有乜分別呀！

唉，睇黎患語癌嘅人真係愈來愈多，那個食屎陳師奶又豈只是個獨例。

.

.

語癌陳師奶

血 . 緣

因我手心的温度，血，該仍是暖

打死了一隻偷食的蠓，手心的血仍在，但已條件反射的抹走了一些。

裏面，會有另一個人的血嗎？

若有，是甚麽原因你的血會走進我的生命裏，我唔識你嗰噃 

.

.

.

.

把運動帶入爭議，唔係你錯係邊個

一個已有無數國際賽經驗的運動員，運動衫有國徽或區徽，是對國家或地區的歸屬與尊重，常識黎架喇。奧運都已延遲了一年，你同我講冇時間安排？

經過 2019 年暴亂後，全黑色已成了敏感的政治表態顏色。你同我講唔知道，冇想到？

承第一段，你就係冇 heart 同無能。承第二段，你就係冇腦同冇常識！

所以唔好怪責別人，也唔好話自己係咩悲劇人物。一切，禍由你自招，香港又多了民情分裂同爭議，也是你的無知冇 heart 同無能造成！

至於那些護短，把運動員的事業捧到上天，話咩人生機會因社會批評而消失，只能說無腦白痴。一個沒有專注運動，事業管理能力差勁，甚至有心或無意以運動作政治表態，敗是自招！

所以李慧琼，你咪懵喇，要道歉嘅又點會係穆 sir ！

.

.

狗官不死, 天下仍賊

 講完 !

.

.

從炎明熹，趙爾納看姓名學

兩個好 hot 的名字。一個是年青的歌藝魁首，一個是 DSE 狀元，都是出類拔萃之選。

我沒有研習過姓名學，只在兩個孩子出世後看過一些起名字的書，現在回想，都是唬嚇人亂噏當秘笈之作，絕無足觀。

姓名中的五行相合還是相尅，有可能。我反而著眼在名字是否有意思，是否大氣莊重，是否令人說聽起來都感到舒服。

聲夢傳奇剛完，昨晚與一位研究命理學的朋友談及炎明熹這名字，我用了「有火則明，明成於熹」，去加註這名字。炎為叠火，火旺自然帶來更大的光明，而光明正是由熹微而長成。字義配合得妙絕。此姝的成功，當然因為天賦與努力，但這名字，自己說出與別人道來，都令人舒服，就是優勢。

今日放榜，另一個名字又入眼簾，就是其中一位 8** 狀元趙爾納。他是屯門董玉娣中學高材生。朋友說他極有可能是元朗趙氏，我再搜尋一下，若真是，就乃宋朝皇室之後。當然，隔了千年，血脈已不重要，倒是我覺得這名字一定出自高人之手。

爾為你，己身之外的人。納為包容，接受，不見外，無壁壘。要其他人接納自己，就先要正心純志，顧念他人。做到這樣，就能得到別人的接受與尊重。這是由己而外，再由外而己，納人即納己，名字謙遜莊重，含意深遠，真不可多得！

期望這兩位年青人，繼續努力，為社會帶來更多的愉悅與能量！

.

.

陳老哼去咗邊 ？

以前講抗疫，臨阱多係同佢嘅哼哈二將見傳媒，嗰時我已經問將見終去咗邊，唔駛做牙？果然不久，條肥終就被撤職。

今日講打疫苗進度，長者接種特別安排，卻由管公務員嘅聶小哈去講？食衛局嗰件食屎師奶陳老哼呢？去咗邊？咩解究？

係因為大白天了她還在床上肇始緊佢嘅夢？還是好似將見終咁，在落台之前，被架空消失？

係就好呀，大快人心！

.

.

死喇，又中

傻夢傳奇，因為屋企人要睇，自己都被收看了。不過去到最後階段，浸淫了四個月，最差的都已經可以見得吓人，聽來也沒甚麽惡感。

要定出最後五強，一個要被 foul，結果呢，就是我曾經貼文批評過說話不知所云的那位。

當然我不是幾個月前已批佢不能入到最後階段，因我從沒收看，不知賽制如何，但就偏偏看到儍夢的宣傳片，撻伐她的說話荒誕。

在這大半年來，我先與施永青抬槓，認為特朗普會敗選，又批評林鄭事先張揚四條立會政棍可過渡，同要求中央寬鬆疫情下的通關要求無理與白痴。結果四條政棍果然被DQ，寬鬆通關要求中央亦睬佢有味。繼後禁年宵花市又俾我諷罵，結果又死死氣復辦。

其他的，像我批評曾志豪識條鐵，張建宗不值 37 萬，真係撞棍，結果一條爛貨一個廢柴都被飛了。

現在我等待的，是食屎陳師奶的下台，鄭虫泰條辱國旗賊絕跡立會，仲有，更重要的是，係林鄭玩完落台，永遠絕跡政界傳媒，唔駛睇來嘔心！

.

.

施永青認為特朗普可連任

死咗就係死咗，點解低 B 的人仲係咁多

北京掌摑林鄭

林鄭成事不足，敗事有餘

鄭松泰不能放

曾志豪識條鐵

食屎陳師奶與無能娥特首

儍夢傳奇

張建宗點值 37 萬

.

.

刑偵日記之敗

睇電視係懶人之行，尤其係劇集與綜合節目，你叫我一路睇一路諗餐懵？仲要係 N 咁多可能的精神分裂世界？進入劇情，咪即係要我一齊分裂？儍的嗎？

所以你的低收視，係有原因的。唔睇你嘅，有可能轉咗去睇大叔（當然我唔會，用寶貴嘅時間去睇垃圾？玩咩）。簡單易明的變態，就殺敗你的反轉又反轉，分裂又分裂的諗壞腦世界。

知死未，down to the earth 喇，玩高蹈，等如閂埋門自己玩手指腳趾，自己 high 飽佢！

.

.

世上奇人異士真多

隔離檯有個四眼仔，細細粒，一睇就知係非運動人。再眼尾昅多下，樣子介乎天才與白痴之間嗰類。佢同佢老母 (該是罷)食完早餐，一直高談闊論，哇，不得了，量子，光波，數值，有紋有路。佢老母間中答吓嘴，睇落也似係知識份子。

一路食，一路聽，我忽然覺得，自己才是白痴，條0靚仔至係天才，我都係耷低頭食完我嘅早餐快啲走喇 😓

.

.

賤種杜魯多

賤換概念的，又豈只夏國賢！卑鄙，由英國到加拿大都是。

加拿大兩處原住民寄宿學校發現近千具遺骸，身為總理的杜魯多樣板表達悲痛，卻從未向原住民道歉。如此駭人聽聞的慘事，一般人都會感到悲哀，所以他的所謂悲痛，並無特別價值，而作為加拿大總理，我們更期待的，是你代表政府來一句真誠的道歉！

沒有，這賤精竟更進一步，學了特朗普的甩鍋，竟然叫教宗方濟各到加拿大向原住民道歉。兩所寄宿學校由教會營運，教廷有責任道歉也不為過，但加拿大政府就可以置身事外？甚至來個華麗變身，由加害者變成了受害者？

慘劇發生在加拿大，歧視原住民，滅絕種族與文化，根本就是加拿大政府與社會的敗壞。慘事發生，教育、懲治、法律機構不予追究，政府又可以置身事外，不用負責？

歷史不容竄改，加拿大原住民的慘痛，白人政府責無旁貸。杜魯多甩鍋，只會令我們對你這個狷狹混帳，厚顏無恥的政客，更添鄙視！

.

.

.

.

無綫新聞，又是是但但

香港仔避風塘大火，無綫新聞片段明顯輸俾 now 新聞九條街。

無綫搞咗新聞報道幾廿年，到今日科技年代，竟然不與時並進。now 雖是後起之輩，也懂得在平地拍攝外，用航拍機以鳥瞰角度去將火災場面多角度呈現。無綫呢，只死估估的在陸上拍攝。

好心喇，航拍機都不懂用，真係 out 幾條街！

不過，now 新聞都有瘀點，除了評論部分偏黃同低智外，就算請嗰啲所謂政論家齋吹，都係無料到睇見就唔開胃之徒，我一見到就轉台，條件反射快到諗到唔駛諗！

.

.

賤換概念的夏國賢

英國政客的卑鄙，果然執世界牛耳。衛生大臣夏國賢擺明跟下屬搞情色關係，擁吻到摸臀了，仲好意思話只係違反社交距離指引，為此事道歉，偷換概念，掩飾自己的出軌，唔係賤精垃圾，係乜？ 

.

.

.

.

哩組 number 實在太邪 ！

4 同 14 爭 10 個位，11 同 21爭10 個位， 38 同 48 爭 10 個位。連 21 同特別號碼 31 都係爭 10 個位！

更邪嘅係，今日係 24 號，同攪出黎嘅 14，又爭 10 個位！

死未，信未，你話博彩哩家嘢冇冥冥中安排，揾鬼信！

.

.

.

.

抗疫首要在保證恢復內循環

崇洋，還是政府管理層的心態。在明理人看來，這是絕不需要的心魔！

外國月亮特別圓，想不到連病毒，政府高官還是因崇洋而少了戒心。先前以恩主心態放寬機組人員和海員檢疫而爆疫，繼後無視東南亞檢疫鬆弛不嚴格，還堅持熔斷，不去一刀切禁止航港，可見特區政府是如何的落後於形勢。

如今歐盟視香港為低風險白色區域，特區政府崇洋心態又來了，隨即考慮放寬歐洲旅客來港後的檢疫要求。要知道歐洲各地並非像中港澳般極低或 0 確診，只是部分國家像意大利、德國較低確診，英國確診人數更是彈回高位。若放寬歐洲旅客抵港後的檢疫要求，是把香港推到高風險境地，若一有走漏又爆新一波疫情，過去一段時間的抗疫成果，又會成泡影。

歐洲人來港，相對於國內人對香港的經濟利益輸入，港人的團聚，業務，法律需要北上，實在微不足道。中港澳通關才是重中之重。特區政府現在要做的，是搞好抗疫，保證大中華內循環能夠啟動，在歐洲疫情還未完全穩定的時候，根本不用回應歐盟的對等通關要求，維持嚴格抗疫，甚至收緊才是應有之義。

.

.

官爛為屎，官廢為賊

守護家門，唔可以去車站守，要守就守村口？奇喇，點解唔去問，唔係該處嘅居民，做乜要黎到該處嘅車站集結，放言挑釁，仲要話拆人祠堂。

話要拆祠堂，若根據上面爛屎嘅邏輯，村民唔好話車站，連村口都唔可以守，要守就要去祠堂門口？即係等如日本要攻陷南京政府，中國人不可到南京地界守護，不可以到機場車站部署迎敵，全部要縮到政府機關門前。你若去機場同車站防禦，就係犯錯犯法！

媽呀，哩啲係乜嘢邏輯乜嘢理據？驗吓腦喇，喺廟堂執令？你做個小學雞都冇資格！

.

.

好簡單的設置， 就係冇人做

沙田大涌橋路的車禍，叫人惻然。那交通黑點，多年來已是多起交通意外，燈號設置卻一直都未見改善。這次慘劇，就是因為司機睇錯燈號，見到示意左轉的孭仔燈變綠，就以為是直去的訊號，結果肇禍。

車禍的發生，固然是因為司機的粗心大意，但交通燈設置容易造成混淆，也是原因。要改善，其實很容易。第一個方案是在交通燈柱加過直去 的箭咀，讓駕駛者一望瞭然。左轉的燈號不再孭在直去的燈柱，而是獨立種在地上，兩柱中間稍加距離。左轉的燈柱一樣加個方向示意牌 ，一切就清晰不會混淆了。

若怕司機以為 表示不用停車可以直去，則可以行第二個方案，加大燈盤，直接在綠燈中藏個直去的箭咀，左轉綠燈也一樣藏個向左的箭咀，就成了。

其實若以第一方案，早有類以的路牌，為甚麼不做呢？

.

.

.

唔打針外遊回港要隔離

外地一定會推行疫苗護照，冇打針的港人根本行不得也哥哥。就算有地方俾你唔駛打疫苗去玩 (可能印度 )，但港府有責任控制港人在外地染疫帶回港嘅風險。所以冇打疫苗嘅港人，就算去到旅行，都要回港自費在酒店隔離 14 日，再家居隔離 7日。

嘿嘿，仲唔打針，仆到去打喇

.

.

打疫苗冇胆唔免費，就去設優先罷

幾個星期前已提議設免費疫苗注射落閘期，所有 9月底前接種疫苗者可以在打後五年獲免費再種，不接種者就失去這個權利，要打，要到私家醫院或診所自費接種。

睇黎班官都係冇 guts 去做，繼續他們的怕俾人鬧為官避事。哩瓣唔敢，可以轉吓思維啫。搞優先喇，所有9月底前接種者可獲新冠疫苗終身優先接種，若不幸新冠再黎，或者變種病毒忽然肆虐，9月底前唔打針嘅就要等到獲優先接種市民完成後才可以打針。

人點會唔怕死，到時黎殺傷力大的疫患，不曾接種者要捱更長更大的風險，咪怨人！

仲有政府到依家都唔去做訊息廣傳，將來要旅行，就要有完成接種的疫苗護照，唔打針，唔該宅港食自己！貪玩視旅行為人生最大享受的香港人，唔打針，飛唔到，就係自作孽！

九月後不再設大型接種中心，要快打，就自己掏腰包去私院打，唔係就排隊，起碼等你個幾月，死未！

.

.

新冠疫苗五年免費接種計劃

叠床架屋的中文

鍵盤肥司長每周發一篇阿媽係女人的網誌，就月收 37 萬，絕對好過借。

今日就自電視新聞聽到他的文章，說香港會為國家未來發展作出貢獻。

聽落去沒甚麽，但有發展不是未來的嗎？根本不須用「未來」去修飾「發展」。寫成「為國家的發展作出貢獻」就可以了。

語言貴乎精煉，今日卻非如此，一味堆砌，徒慕冗贅。無綫新聞報道，九成報道員還是無「嘅」不歡，一百萬嘅人，多宗嘅交通意外，真是教而不善！

.

.

李純恩的亂噏過日子

初看這人，還有少少好感，但真係每況愈下，最近翻開報章，除了他的畫可以一顧外，文章已了無可觀。

朋友今天傳來他的文章連結，看了後真的不以為然。這人說三類書不看：教人如何成功的，勵志的，心靈雞湯的。他認為寫這些書的都不見得成功，憑甚麽去指點他人。

他的看法有甚麽謬誤，大家先想一下。

.

.

.

其實這些書是否值得看，很在乎寫的是誰。教人投資的書如果是巴菲特寫的，芒格寫的，李純恩的立論還能成立？

勵志書，那麽三字經，論語，孟子，朱子治家格言該不該看？

心靈雞湯書，我都看過一些，當中不無啟發。行銷幾百萬冊的書，上千萬人看過，就憑李純恩你就說這些書不足觀？

吹得眉飛色舞，他又說電台上幫人解決感情問題的人自身感情生活都一團糟，憑甚麽去指點他人。

好心喇，好歹活了這麽多年，李純恩你不知道電台的這類節目只是噱頭？有人去問的市場，就有人去答的節目，而且這類節目的真正作用，是讓困擾者可以宣洩，有人聆聽，給予安慰或某程度的認同，就是最大的效能。

再者，能醫不自醫還是有的，自己的感情生活一團糟，卻去指點他人，不也是一種過來人的提點？相反有些人命好，感情婚姻生活美滿，或者表面看來美滿，但可能不知真愛深愛為何物，你問他們感情事，求意見，問了也是白問！

李純恩不要再做判官了，因為你沒有足夠的資格，好好的畫你的畫罷，或者講一下美酒佳餚，就是了。

.

.

哈哈，無綫新聞終於醒少少喇

有 17 歲少女染變種病毒，其胞姊初步確診，無綫新聞最初在畫面打出信息，措詞用「姐姐」，我已經不以為然，死懵種，真係教而不善！用姐姐形容胞姊是口語，在日常交談特定語境不能說錯，但現在是新聞語言，就要用正規的用語。而且現在常用姐姐去形容家中外傭，根本已成了一詞多義，絕對不宜用要求準確的新聞報道。

還好，過了一會再看，新聞字幕已改了用「姊姊」，即係無綫新聞仲有少少明白人，但要改善的地方仍是太多太多！

.

.

商界精英，政府廢柴

商界送樓送盛，主動提供接種疫苗誘因，結果接種人數明顯增加。臨阱條懵種就話提供誘因係商界責任，真係聽到眼都突！商界何來責任，推動疫苗接種只會是政府責任，去打疫苗就是每一個人的公民責任，商界沒有半點責任去掏腰包吸引人打針！

可見哩條所謂學霸，同佢下面個高 IQ 低能鼠目寸光嘅籮局長一馬角色。商界若有社會責任，就是賺了錢要納稅，有良心嘅就做些善業，幫助低下階層市民，而不是扔錢去做政府應做的政務！

其實願意送樓送錢，也可以說是一種商業考慮，因為社會唔自疫患中恢復，營商環境將難以改善，最終也影響盈利。

政府廢柴，接種疫苗搞到一鍋粥，仲喺度翹埋腿話商界有責任？咁即係話佢地唔一早送樓，依家至送，都要負上遲鈍慢九拍責任喇。仲有喎，香港有一百三十幾萬間註冊公司，依家得嗰十幾廿間提供誘因，係咪表示其他百幾萬間公司都不負責任？

送樓送盛嘅公司都唔好開心呀，臨阱話你地係負緊責任咋。不過，作為社會公民，我係感激你地嘅，因為你地補了廢柴政府的底，扭轉了打疫苗的態勢，有功於社會！

.

.

東方不敗與東方失敗

講緊嘅東方，梗唔係尋人記嘅東昇哥，又唔係早已清拆多年的東方戲院。係東方錶行？東方酒店？東方小祇園？都唔係，自己對號入座。

對哩份嘢係咁抹黑打針，真係萬二分失望。個姿勢，真係同已死鬼咗嘅癲狗有得揮。

政苦廢柴，要 bann 要丙，自不待言，但抗疫唔靠打針，靠乜呢？唔通靠你每年去廟宇求神問卜，就可以讓香港大步檻過？

咪癲喇，好冇？香港要重新上路，要止疫恢復經濟，要出入境恢復人流，就係要靠打針，別無他法。丙政苦嗎？佢另外的衰處痛處，大把目標，一個月唔瞓覺都未丙完。

睇住你大，睇住你好世界，睇咗你幾十年，從未如此失望過，唔好要我好似扔爛果咁扔咗你。

係東方不敗還是東方失敗，真係存乎一心。

.

.

架空肥中，臨阱你真係諗多咗

從未見過作為阿二的正冒私 ，可以如此隱形。你會發覺，臨阱乜都上鏡，連公冒圓打針可以放一日假哩啲雞毛蒜皮小事，都披掛上陣，身旁邊就係哼哈二將，兆恥同耷拳，肥中呢？從來唔見人，唔知係咪俾人支使去咗做 gym 減肥。

擺明係臨阱設計喇，跑馬仔臨近，一方面要爭取出鏡，俾人勤奮凡事親躬的感覺，另外要壓制任何一個可能的對手，但肥中出名無能，文唔得，武又唔得，能夠入閘造成威脅？簡直天方夜譚。

可見哩隻鵝心胸何其狹窄，一個阿頭，可以為咗私利而破壞權責架構，堅拿渣又幼稚。其實佢嘅心懷大欲表示了完全沒自知之明。舞咗幾年，太平山下已是俾你搞到一鑊粥，再俾你搞多五年？仲駛要嘅。冧莊？真係痴心妄想。唔係礙於制度，你抗暴同抗疫都失敗，北大人一早已把你 DQ 咗喇！

冇架喇，俾條白痴做阿頭，根本就係香江之禍。特冇普，肥背奧落台了，不用再看令人嘔心的怪物，我正期待見唔到臨阱，兆恥，虐華，肥中的日子，呵，阿彌陀佛，實現了之後，我捐多啲錢去無國界醫生！

.

.

今日的撰稿員遠離水準

雜交水稻之父袁隆平離世，是世界的重大損失。我常想愛恩斯坦如何偉大，科學理論如何高超，對掙扎在飢飽存亡中的貧民，是毫無意義的。只有像袁隆平的糧食科學家，才是他們的教世主活聖人。

偉人離世，無綫電視製作特輯，也是應有之義。只是正式播放前的宣傳片，文稿已概括袁隆平的功績，卻又在末句說究竟袁教授有甚麽貢獻呢？不是令人覺得後語冗贅前言嗎？應該用「了解袁隆平的稻米增產研究之路」，會較恰當。

看了專輯，結語又令人嘀咕。說要把袁教授在稻穗蔭下乘涼的夢想發揚光大。我們只會說把精神、信念、信仰發揚光大。夢想嗎？只宜用實現。

一般人看了這些，沒覺得甚麽，但正是今日中文太任性，只要寫得到，說得出就可以，卻違反了邏輯，相悖了語理，同習慣之弊。

.

.

新冠疫苗五年免費接種計劃

言必稱美英的人，為甚麽打疫苗卻不以美英馬首是瞻呢？美國英國疫苗接種率走在世界前列，疫情也明顯緩和。這兩地國民不怕疫苗打死人嗎？當然不是，是他們比香港的很多人明理。

特區政府要令更多人接種疫苗，可定立五年疫苗免費接種計劃。所有在九月三十日前接種新冠疫苗的人，五年內再接種可獲免費。十月開始的五年內，所有公營醫療機構只會為曾接種市民提供免費接種，沒有在九月三十日限期前接種者須自行到私家診所付費接種。

隨著更多國家推行疫苗護照，沒有打針者根本飛不了，香港人沒旅行可去慘過死，不接種就只能宅港。你十月前不接種，打後要種，唔該自己俾錢。

嘿嘿，希望咁樣，能令他們清醒一點罷！

.

.

聲夢反傳奇

真係難以理解，擺明係不及水準的演藝初哥小學雞，遠離專業，甚至應有的水平，甩轆，犯錯，失落後的誇張反應。評判都狠批喇，作為觀眾，我又唔係參賽者阿爸，阿媽，朋友，點解我要睇哩啲不堪入目的表演！

有人鍾意睇不入流嘅 show，鍾意睇人失敗，俾人插，鍾意睇人造作，喪喜喪喊，佢地嘅事，我冇咁嘅嗜好同時間，唔好預我！

無綫的節目製作思維真係戇居糜爛，思考下墮到屎忽去了！

.

.

無綫新聞，絕不專業

不同場合用不同語言風格，好合理。但無綫新聞徒然令人覺得小學雞，完全混淆應有的語調與詞風。

以色列巴勒斯坦衝突，死亡逾二百人，其中包括不少兒童。無綫新聞用小朋友作稱謂，明顯不當。你現在做的是嚴肅的新聞報道，不是軟性的人文活動形容，用小朋友明顯不適合。

反觀 now 就用對了，用兒童一詞。掌握新聞用詞，明顯高於無綫。坊間有說無綫新聞，是是但但，真的無錯！

.

.

後記：今日無綫新聞唔用小朋友喇，用「細路」

屎即係屎，始終唔肯用最標準嘅新聞語言「兒童」，可見這個是抗拒學習，擁抱錯誤的爛鬼傳媒

.

.

與人論股票

>我：我從來不定止損盤，但入市兩年半，賺幅 77％，如何解讀？

網友A：幸運，有福之人。

>我：哈，不盡同意。幸運我梗想有，但用幸運去形容長達 30 個月的買賣？你是用得過度了。我常想，定止損盤固然可以限制虧損在某程度，但卻中了大户的圈套。引你止損，假向下突破然後再抽昇，又有情況是你已是驚弓之鳥，就錯過了打後更低位買回的機會。像紫金，我可以去年最低 2.6 買入，有幾多人做到？我反而覺得是選股很重要，你若能走在一般人及市場之前，能克服恐懼與貪婪，贏面就較大。

網友A：我不反對：但也是幸運。

>我：幸運是必須的。回顧這三十個月，我犯錯也太多，就在錯誤中學習，大家加油！

網友A：你沒錯。我經歷幾次股災生存下來，經歷最深是97金融風暴。過去幾年都無出現過什麼大型股災。所以我説是幸運。

>我：我都唔後生喇，我受過 87 年股災洗禮。贏過，輸過，又絕跡股場過。幾年前再玩，都是輸多贏少，又停了。直至兩多前才再入市，在買賣中練腦，克服恐懼與貪婪，股市可以令你學得很多。

網友B：咁要睇你買乜貨，係咪升得返。 如果升得返，你早啲止損再低位買返，咪可以賺得仲多。 無論如何都係賺少左。

>我：能做到咁就好，但人性騰雞，止損後能夠更低位接回嘅該是少數。人人都叫止損，我看報章上的開倉，星島的股佬該懂得止損罷，搞咗有六七年了，到現在都是 + 1％，晴報郭曉陽不斷提醒要訂止蝕止賺盤，但他的 30 萬倉投資組合，2018 年4月開倉，現今只 ＋16.4％。中間的道理在那裏呢？

.

.

.

.

潮星如屁童

家人問我為甚麽今晚唔睇愛回家，過去我每集都看，而且笑到 ka ka 聲。

今晚唔睇，只因看了開頭，一個染了一頭灰髮的所謂潮星，話連有仇必報眼角奇高的熊尚善都為之入迷。我真係呸呸呸，條友其貌不揚，目無神采，只一個街角屁童而已。就算那些韓星，我都不屑一顧。站在我面前，我只會覺阻碇，咪阻我去路喇唔該！

以貌去謀財，你地嘅事，有人迷你地，唔代表你地優越，我只欣賞有腦有識見樂於行善胸懷坦蕩的人，其他？咪入我眼簾！

.

.

犯錯，認慫，跪低

又繼續犯錯，跪低，無限輪迴，這就是我們的特區政府！

有人竟然說林鄭係開埠以來最好的領導，條友唔係 short 咗，未瞓醒，就係食懵咗！認識到如此無知嘅人，真係我一生一大不幸！

.

.

她的夢，永遠在肇始

.

.

 .

.

政府同傳媒成功打造疫苗打死人印象

廢官之錯，前文也有講述。先由六十歲以上長者接種，年紀大了心血管病較多的群體，即使沒有疫苗注射，每天都有數以十計的人病歿或進入 ICU 。政府沒有顧及此點，就妄然從這群體開始，是不懂博奕。在開展注射前沒做好資訊教育，讓市民知道先後關係不等如因果關係，是思慮不周。

傳媒也要負上責任，不要說跟政府打對台的方向報，就算是無綫，now 等幾個新聞台，總是煞有介事的報道那些病亡猝死者前幾多天打過疫苗。又怎能不令市民有錯覺，以為是打疫苗而死呢？

其實以前打流感疫苗，也一定有人在注射了之後幾天或十來天，因自身的心血管，或其他疾病而亡。但那時候因沒有傳媒去報道，於是市民毫無疑慮的去接種。今日打新冠疫苗，卻成了另一個把人嚇得躊躇不前的故事。

可見，觀念是黑是白，感覺是好是壞，原來不在乎知識與真理，而在乎是能手還是庸手去操作，是智者還是愚者去播述。因與政府有積怨而刻意扭曲事實的傳媒更不用說了。

但社會，卻因為廢官的思慮不周，傳媒的無意或刻意扭曲炒作，而付出了代價！

.

.

打疫苗看有錢人智慧

最近政府開放 16歲或以上市民打疫苗，幾個疫苗中心預約都有很多餘額，只養和醫院的預約一早滿額。反映甚麽呢？

人的價值不因貧富而異，但有錢人也不會比基層市民不畏死罷。富貴醫院預約爆棚，固然可能是每天可供注射名額較少，但是不是反映了有錢人較明白打疫苗的好處大於不打。或許，他們也知道 先後關係不等如因果關係。

連李嘉誠都打了，高齡的他，擁有的財富，地位，人世間的所有，比普通市民多億萬倍罷，也都去打了，不怕打了之後遽然失去所有，你還怕甚麽呢！

.

.

張建宗點值 37 萬

堅唔知條友做過乜嘢黎，可能勤力上落班嘅，但政績欠奉，口窒窒無智慧，怠慢正事趨易畏難，周末發表一篇內容空洞的網誌，決策甩轆混亂，就乾逗幾十萬月薪，香江納稅人真係做了寃大頭！ 

希望經濟復甦，希望就業上升，失業率回落，鬼唔知咩，鬼唔知阿媽係女人！希望年青人多打疫苗，但剖析入裏，燃起後生仔打疫苗動機的理據、勸誘欠奉。條友講咗就以為做咗，每月幾十萬袋袋平安，點解一個水平同層次都咁嘅人可以做到如此高位呢？只能說平庸保護平庸，糜爛圍抱糜爛。

全香港七百幾萬人，除了BB唔識講嘢，同嗰啲想攬炒香港死的爛貨，邊個唔想香港就業率上升，失業率下降。講到出黎，得架喇，個個都值 37 萬月薪。

.

.

沒有保護罪？

五歲女童被虐致死案，法律界建議設立「沒有保護罪」。噢，又係中文 handicap, 用另一個詞語喇唔該，「疏忽保護罪」，甚至「保護缺失罪」都可以。

「有」和「沒有」都是價值中性詞，但法律指控有價值同事理判斷，一看就知道違理違法才是正路，像「非法集會」，「不誠實使用電腦罪」等。

而法例已有「對所看管兒童或少年人虐待或忽略」罪，是不是應該調整陳述，或擴闊涵蓋的適用範圍就可以呢？

.

.

無綫新聞，直堪再罵

有人或會說，做乜咬住唔放。唉，無綫唔屎，我都懶得罵！

24 歲女行山者魂斷飛鵝山，未確定死訊前，無綫新聞幾次誤報，先是早上說已發現死者遺體，到下一節報道，又改說只發現死者衣履，到另一節報道，又修正說那不是死者的衣物。直至下午，才報道發現女行山者遺體。

新聞工作，貴在準確。好明顯，無綫的採訪隊道聽塗說，又不作多方核實，也急不及待，便把錯假消息胡亂發放。

這採訪和報道的水平及格嗎？直頭肥佬喇！無綫新聞真係周身病，但無奈幾個新聞台，網上嘅只佢不斷循環，而且全片播，不用點選專題，有時在廚房煑食，一直睇串流播放就方便喇。而香港開電視仲用緊幾十年前嘅指定節目表，真係落後到無語。通過電視機睇呢，now 嘅畫面質素又差幾皮，所以還是多睇無綫，唯有一路睇一路鬧咯，唔係點。

.

.

傳媒中文真係冇眼睇

菲臘親王離世，在教堂舉行喪禮。無線新聞說由神職人員「宣讀」經文。大哥，用「誦讀」喇，宣讀有表達新信息，表示立場的意思。在這場合，用「宣讀」絕對不宜！

還有曾聽到大意是：英國民眾「趁」菲臘親王喪禮默哀一分鐘。真的聽到我耳朵也得掉了。不過可能有人即刻發覺不妥，再下一節報道就改了用詞。

順帶一提，無線新聞繼續為匪將目，美歐日攻訐中國的視頻和原文照本宣科，然後才引述中國反應。now 新聞就只是三言兩語綜述老外的攻訐，就重點陳述外交部的反應，這才是合宜和應有之義。

.

.