唔駛錢搭巴士搭港鐵,感覺真係好唔錯 😅
要體驗哩種感覺,唔好宅喺屋企咯!2021年12月19日星期日
2021年12月13日星期一
是誰定的通關限額
若果是國內定的,香港沒有主導權,特區無話可說。但觀乎特區政府的通關人數口風不斷轉變,似乎又不是由國內決定。
理論上講,港康碼與粵康碼既能互通,只要機制運作良好,有多少港人北上,風險係數都一樣。但政府中人無膽色,邏輯混亂,自然弄得不倫不類。搞甚麽優先,恩卹只反映他們的官威心態和缺智,因為要甄選,必然需要天量行政工作,而且必定出現不滿和爭議,不是添煩添亂是甚麽?
要一下子全開放,關囗設施,包括民生,交通的承受能力可能因封關太久而應付不來,那麽有序增加是可以的,但方法不是自找麻煩的甄選,而是採用類似控制道路汽車流量的車牌雙單日制。
把一個月分成三等份,10,10,10 日或10,10,11 日,每等份只容許三個字頭的身份證持有人通關北上,人數便可控制在有意北上的總人數三分之一內,大大紓減通關初期的壓力。至於由 1-9 (若有 0字頭開始的身份證號碼,就在最尾等份設四個字頭 ) 那幾個字頭放在第一,二,三等份,則由政府抽籤決定。譬如說,可能抽了第一等份 2,5,9,第二等份是 1,4,6,第三等份是 3,7,8,0,假設一月通關,1/1 至 10/1 只容許身份證號碼頭一個字為 2,5,9 的人通關,如此類推。而為了避免這等份的市民集中在頭幾天通關,更可把該十日再細分2字頭的第一四七日, 5字頭的第二五八日,9字頭的三六九日,第十日則全開放予所有人。
這種方法可避免申請和批審的工作,也公平。因為甚麽人都會覺得自己有急切理由北上,都會比別人更必須,去設定優先類別只是製造差異與傷害,自找麻煩。
若整個家庭通關,則可獲批准一位家長帶同兩名未成年子女。至於學童通關,則全時段批准。如此該可解決大部分問題。
當然,不設限制的全開放最好,但政府若沒有膽色,就退而求其次。希望在三等分通關機制一個月後,就可以恢復全面通關。
.
.
.
2021年12月5日星期日
2021年12月3日星期五
我已遺忘,他卻彌深
去訪小兒子,繼後兩父子在茶記撐檯腳,閒話家常,他的工作,我的舊事,都是話題。
娓娓道來,傾心聆聽,都是享受。餐後踱步去港鐵站,途中我問他小時候最早最深刻的記憶是甚麽。他想了一會,說是有次在商場買麵包,他還在玩夾麵包,我和他母親,哥哥卻逕自離去,兩歲多的他就面對人生的第一次與父母走失,徬徨之情,可以想見。
我聽了後最初記憶未回,似沒印象,過了不久才想起此事。被遺下的是他,當然感受深刻。
去到毗連港鐵站的商場,我與他在聖誕樹前自拍。想起上次見面時他說要買聖誕樹裝飾家居,便問他還打算買嗎?他說會呀,而且會要我付一部分錢作贊助,這中間原來又有故事。
他還小的時候,舊居裝修完畢,從暫居的地方搬回。物事太多了,就跟他們兩兄弟講,要不就留下聖誕樹,要不就是單車。成年人的我考慮的是實際,卻沒有想到童心。結果是扔了小兒子最想留的聖誕樹,但鎖在樓下行人道上的單車第二天就被人盜去,兩者俱失,對他們兩兄弟來說,原來是這樣的刻骨銘心。
二十多年過去了,小兒子還留著的情結,父親今天才最明白。沒問題的,父親給了你們最重要的生命階段與能量,卻只怕給你們的還不夠多。你要買的聖誕樹,都算在我身上罷,是我給你穿越四分一世紀的補償!
.
.
2021年11月29日星期一
2021年11月25日星期四
2021年11月21日星期日
從野豬事件見明報的小學雞
小朋友說是人類侵奪了野豬的生存空間,那麽是不是要拆屋還林?是不是要減少人口,譬如為人類絕育,好讓野生動物能夠得回應有的空間?
循這個思路,小朋友應該埋怨爸媽為甚麽生他出來,因為多一個人,就是侵害野生動物的原罪。住一間屋,也就是奪去野生動物的空間。
香港以前有老虎,但老虎被趕盡殺絕了,為甚麽不讓老虎有回生存空間?沒了老虎,野豬沒了天敵,自然界生態失衡,豬數只會增加至不正常的數目,不正常,就會侵入社區,威脅市民。絕育不能控制豬數,就要進行圍捕人道毀滅。
早前不單止一個輔警被野豬襲擊受傷,也有一位老人家都撞至半身癱瘓。是不是要有人被野豬襲擊致死,你們才會收起你們的偽善?
野豬可愛?小朋友,豬更可愛啊,你可不要吃豬肉呀,吃豬肉,你就是殘忍,沒愛心。還有,牛是有性的,會流淚。小雞好可愛,你都不要食 KFC 了,好罷!
.
.
.
.
2021年11月19日星期五
因為野豬與垃圾的牢騷
〈野豬 talk 〉
不人道?只有食全齋的才有資格講。正食住豬扒,牛扒,雞扒的,拜托,收聲!
又或者,叫嗰啲友收養晒所有嘅野豬喺屋企,不過唔准帶出街喎,ok?
香港爛人實在太多,殺豬者,道旁兒?差唔多,係餵飼野豬的懵種呀!
.
.
〈垃圾 talk〉
係呀,你班垃圾返咗黎喇!
頂,又要洗眼掩耳,你班垃圾行行好,積吓陰德喇,唔獻世就最好咯,唔好污我耳目!
唔 likey? 你有捧的自由,我有罵的自由。不過,香港真係未試過對藝人有如此兩極的感覺。因為以前的,沒有垃圾的成份,你地?哈,哈,哈!
.
.
2021年11月4日星期四
2021年11月2日星期二
林婉儀喪禮上兩位特首的表現
殉職總督察林婉儀出殯,政府一眾高官到場弔唁,辭靈時兩任特首站在路旁,靈車經過,梁振英視線明顯望著靈車目送。林鄭呢,直望前面,待靈車過後才轉頭望去車尾,感覺是,「嗨,工作完了」。
這畫面情景你想到甚麽?誰真性情,真尊重,很明顯罷!
一個無才無德,不情繫眾生,不感同身受,只專注自我榮辱的人,不要說做特首,連一個有血有肉有性情的人,都不配稱上!
.
.
.
.
2021年11月1日星期一
2021年10月31日星期日
2021年10月28日星期四
AO 禍港
才俊舊同事傳來前特首文膽馮煒光的文章,狠批政府的 AO 黨如何敗壞政治。馮果然是前朝政府一支健筆,文章鞭辟入裏,揭露了 AO 黨的抱團自肥,苟且任事。阿爺若不整頓,打斷 AO 黨的脊梁,香港將難有善治。
林鄭政府為官避事,永遠落後於形勢,或是綏靖資敵,或是倒行逆施,一切都因為無識見,無視野,無執行力,只知護短的糜爛 AO 文化。可笑的是林鄭仍自我感覺良好,咀角流涎的覬覦下一屆特首之位。可見這班只知謀利,只識怠政的政治廢物,是如何的可憎可惡!
.
.
馮煒光:〈當務之急:整頓 AO黨〉
97 回歸前,有前輩告訴筆者:港人治港,其實是港官治港。真正的實權一直(自回歸以來)都在AO手中,而 AO黨念茲在茲的是大地產商,因為只要看看誰是香港最重要的三大僱主:1)香港政府、2)大地產商、3)國際 500強公司包括在香港的超大型國企,便知道香港 AO黨如何考慮問題。香港政府不用講,因為她已是 AO的現有僱主,但對心高氣傲的 AO來說,香港政府出手太低,故 AO不用考慮。但剩下的兩大類僱主,從來只有大地產商聘用退出官場的 AO,具國際視野的國際 500強公司卻極少聘用退出官場的 AO。難道只有大地產商才「獨具慧眼」,才懂「欣賞」AO 的「才華」?明乎此,AO如何考慮問題,主要保護誰的利益,不講自明。
2021年10月25日星期一
怎樣才是對你好的女人
這題目應該會幾爆!
永遠不惹你真正生氣,一定是。(耍花槍,增加生活情趣的當然例外)。
可以接受你生活上的短板,更加是。(我很記得五六十年代,當時的女人會同男人說願意跟你捱。依家?咪駛旨意。)
基本上會時刻照顧你小小的大男人心態,也會是。(說是小小,因為大男人心態,我自己都不認同)。
激勵你上進,又不會過度要求的,更是。(這種女人是極品,因為她不是來取的,更多的是來給予。)
只要你喜歡,就為你生孩子。(最完美的是她自己也喜歡)。而且盡心致力的把孩子照顧養大。能不出敗兒的慈母,都是好女人!
視你的親人如自己的親人,視你的朋友如自己的朋友,一定是。(我有一位朋友,結婚後就被太太禁制同朋友聚會,我們都被絕交了 )
願意為你犧牲人生機會,譬如很有前景的工作。又會因你而勇敢面對自己的感覺,果斷修正人生的錯誤決定,更加是。
你曾遇上這樣的女人嗎?
不要問我,我不會答 ![]()
.
.
另外,能有女生寫一篇<怎樣才是對你好的男人>嗎?
![]()
2021年10月18日星期一
2021年10月14日星期四
得意嘅諗法?上床前同你老公講喇
你依家治港喎,牽涉七百萬人的福祉,也結繫中港關係與聯動,可以唔經大腦咁亂噏嘅咩?
可見臨阱只係一個高分低能的學盲,上任前後的白痴低能荒謬蝦碌嘢,真係罄竹難書,虧佢仲講得出自己係正苦架構內罕有的政治人才。
真係嘔呀,爛泥成上菜,又招攬更多的爛泥去亂政,香港得以不死,只是有阿爺發功而已。拜託,出年之後,唔會再見到你哩個廢缽!
.
.
2021年10月12日星期二
哩個食c陳師奶講乜呢?
亂噏無遺,老化到咁,係咪應該收皮去呢?
所以話,臨阱的手袋黨保姊妹情意結,護住了唔少禍港廢缽,包括敗壞香港教育好多年嘅攞飯焦分,避政司長阱虐華,同埋哩個尋兆恥,當然唔少得罪魁禍首臨阱自己,香港之敗之亂,好大部分就係栽在哩幾個女人手上!
.
.
.
.
2021年10月8日星期五
小妹妹望咩呢
剛去超市,平時會去自助付款,但因為用消費券買來的超市禮券,就走到最近自助付款區的 cashier。 在等待期間,不經意見到自助付款區的圍欄旁有個五六歲的女孩眼仔碌碌的望著我。我和她對望了一兩秒後,就移開視線,點知再望向她時,她仍直視我,那烏黑的眼珠就像一張定格。
奇怪,咩原因呢?我似佢老豆?冇理由架,佢阿媽在旁邊付款完正在用膠袋儲貨,眼尾都冇睄過黎。似佢阿爺或者阿公?喂,咁我又打死唔接受喎,我雖已六張幾,但冇咁顯老吖!
睇到哩度,你地諗到咩原因嗎?肯定有個反應就係:咪臭美喇,阿伯你仲以為可以吸引到妹妹仔望你?
.
.
.
Kekee ,對呀,我帶住疑問返到屋企,把買來的東西收拾停當後,就終於找到原因了。原來我去超市前已在街市買了菜,就放在一個環保袋內,在超市排隊付款時孭在右肩。袋子是一次敬師運動派的,一面印上了「 Thank You Teachers 」。一定是小妹妹見到個袋,以為我是老師,就有種好奇罷。
看來這小妹妹喜歡讀書,也喜歡老師。你們也喜歡我這個老師罷,一定係喇,唔好話俾我聽唔係 😜
.
.
2021年10月7日星期四
頂,臨阱又壞我好事
除了周末日,每天都在 10:30 追看射鵰英雄傳 2017。是翻看了,但也看得興味盎然。今日吃過早餐,想著又可享受一小時的追劇之樂,卻原來因播放所謂屍政報告答問而抽起。
唉,這幾天,已因為個婆娘甚麼屍政報告,媒體不斷播佢的視頻,已經煩死。我一見就皺眉轉台,感情受害之深,已入骨裏,今日連我的樂享時段都佔埋,真係有冇搞錯!
其實狗口怎會長出象牙,不知民間疾苦,生活常識都欠奉的人去講施政,不缺的只是荒謬。個婆娘上任以來,策略錯誤,正事不為,倒行逆施,把香港搞得半死不活,全靠阿爺硬手撥亂,局面才穩定下來,條爛貨又以為是自己功勞了,又厚顏無恥求取連任。你話哩個腦係乜鬼構造!其面譜的可憎可厭,已超越了最乞人憎的特朗普,躍居首位!
其實個婆娘的公眾支持度只得 30 幾,好心有自知之明喇。唔好以為係黃絲至唔 like 你,憎你根本就係大圍事。原因?因為你蠢,無能,又愛扮嘢咯,朽木之材,只會禍港,你若收皮,將會是社會之福!
若聽日再因你而冇得睇射鵰,我去投訴 ![]()
.
.
2021年9月26日星期日
2021年9月25日星期六
孟晚舟視象聆訊時哭?儍蛋才會相信
孟晚舟被軟禁千日,最終能回國,根本就是中國國力的體現。兩個加拿大人是其中籌碼,合理也自不待言。但孟晚舟之能回國,不是因為打贏加拿大,而是打贏美國。
美國敗走阿富汗,經濟漸近懸崖,國際事務遇窘,影響力逐漸退潮,都是不能再在孟晚舟事件與中國糾纏的原因。
所以兩周前的習拜通話,基本已敲定了孟晚舟冤案的終結。中間的條件是甚麽,其實知道的就只在雙方政府的高層。所以說甚麽延後起訴的條件是孟晚舟認罪,及被判罰「巨」款,都是外媒及香港黃媒編造出來的假消息。令人遺憾的是連星島日報,都引述這些假料,真的令人失望。
晚上新聞報道,又播出了幾張所謂法庭插圖,其中一張是孟晚舟下淚。哈,老外作假,扭曲事實從來第一,今次奸計失落,自然耍小學雞手段執返咋沙。視象聆訊會公開嗎?就算公開,你能相信一直硬朗,堅持清白不認罪的孟晚舟會如插圖中落淚?直在我,曲在你,風骨崢嶸的只會迎風傲笑!
.
.
2021年9月21日星期二
唔係唔理想,直頭係爛
逢驊真的夠垃圾,投票日操作幾十年如一日,到佢手仍全無改進,落後到無語,結果俾戴妖睇到漏洞,在上次區會選舉出陰招橫手,使大批黑暴當選,奸嘅,爛嘅,儍嘅乜都齊。事後逢驊仲口硬話不覺操作有問題,抗拒改變。
哩條友擺明該炒喇,卻不知邊條友保佢,到今日仲喺度獻世。好喇,最終條友在新的局長監督下肯變了,但又無能,眼低手低,剛進行的選舉又出醜,竟然要用 14 小時才完成點 4380 票。事後條友死死氣道歉話唔理想。真係聽到火滾,「唔理想」,即係達唔到理想啫,都唔係差呀。早前我已插爆「唔理想」係最仆街的遁詞,只是用來淡化錯誤的爛語。用 14 個鐘才點完 4千幾票,直頭創世界最屎紀錄喇,你話你自己仲唔係廢?
.
.
「處理得唔理想」係最仆街的遁詞
2021年9月19日星期日
倏忽樂悠年
政府的所謂德政,出年 60 至 64 都可以兩文搭車,不過要申請樂悠咭。其實我著數唔多,出年都 64 喇,只提前了幾個月享用,唯有同佢鬥長命,識行識企搭車搭到百二歲,咁至不覺得太蝕底。
樂悠咭可以網上申請,我哩啲仲未算太老嘅,仍未有數碼障礙,要上載身份證同證件相,咪去摷返啲相咯。唉,近照真係不可觀,倒是二十年前嘅那張自己都尚 like,嗰時面上乜膠原都算多,撐得起塊面,而且笑得都算寬顏。再早啲嘅相呢,又唔得喎,唔係面無四兩肉,就係兇巴巴的吱都唔笑。想唔到中年 43 歲哩張反而最令自己接受。
但哩張相放唔到上樂悠申請架,實 reject 喇,呃到自己都呃唔到人,不過可以放上臉書,緬懷一下已經不復再的光影。
.
.
..
2021年9月12日星期日
2021年9月9日星期四
金正恩擺明係健康瘦
政治立場真係思考毒藥,係完全可以蒙眼迷腦,顛倒黑白,混淆是非,根本就係現代版指鹿為馬!
金仔形象被美日外媒體惡意扭曲,從來如是。原本過肥的金仔早前瘦下來,敵對的媒體就煞有介事,話金仔爆瘦成咁,一定有痼疾。又有些所謂時事評論員,話北韓糧荒呀,連金仔都要食少啲,表示要和人民共度時艱云云。
講到似層層,其實笑死人。金仔過肥,你估佢自己唔知,佢嘅醫療團隊唔知?想延續金氏皇朝,就要搞好健康,減食,戒煙就係鐵律。唯其如此,才能統治多北韓幾十年,以順利培養接班。至於話糧荒,北韓會糟到連國家領導人都食唔飽?金仔消瘦若是因為捱餓,個人崇拜咁勁嘅北韓,人民更加唔會接受,甚至唔肯過你。
至於早前金仔後尾枕貼了膠布,應該係生粒瘡啫,班外媒又大鑼大鼓,真係諗多了!
今日電視播北韓國慶閱兵,金仔擺明修身,仲皮光肉滑,精神矍鑠。如果瘦身公司要揾代言人,金仔肯定係人選。
.
.
2021年9月6日星期一
回頭?浪子就話啫,小人會?
鄭虫太被 DQ,禍由自招。條死產油頭粉面,巧言令色,根本就是奸詐藏於內蠱惑浮於外的反骨小人相。只怨班建制議員爛好人,根本去年尾就應該一Q罷免埋哩條友,唔駛俾佢浪費多大半年公帑。
條友博士銜頭在國內獲得,好歹受了國家知識哺育之恩,卻加入亂港陣營,在立會倒插國旗,後來更帶領暴徒刑毀立會大樓,甚至盛傳曾參與理大暴亂,一而再,再而三,根本就是死不悔改叛國亂港之徒,只是戲子佬識扮嘢,衰咗就討可憐呃原宥,欺騙到一眾不知戰鬥為何物,同林鄭綏靖政策五十步笑百步的建制議員同大佬而已。
香港要到國家立國安法後,才逐漸穩定。過去廿多年,建制派不是顢頇無能毫無預見力,就是像曾辱城般陰陽怪氣明暗助長亂港派。淨靠哩班人,香港真係死得!
一次不忠,百次不用。何況哩條虫已是幾次不忠,若在職場早已是永不錄用了。話佢改過就可以再選的建制大佬,所謂 KOL 真係去瞓喇去!
.
.
2021年8月29日星期日
中期退修假
在我退休前的那中學,我 1997 年九月開始主理教務,為了扭轉四年來低沉的會考成績,做了很多整個香港教育界不曾有,甚至可以說不可思疑的改革,大刀闊斧,結果成績是首年彈升50 %,打後每年上升,幾年後,已到了可以的水平。
這事功,使已屆退休之年的首任校長可以延任一年,也使學校走出了被殺的陰霾。
做了教務後,我兼顧的行政事務也日多,編校曆是其中一項。不計周末周日,學校全年假期 90 日,主要就分布在聖誕,農曆年,復活節和暑假,九至十一月只有零星假期,上課真的很漫長很搶。我想,為甚麽不可以在十一月安排一個幾天的假期呢?只要假期不逾 90 日,截上補下就得了。
結果我安排了一個三天的中期退修假,連同周末,就可以有五日了。在最佳的金秋遊節,學生可以陪家長來個短旅,老師也可以打破秋天不可以外遊之限。
結果這措施大受歡迎,2012 年十一月,我自己也來了個韓國觀紅葉之旅。這照片也就是當年所攝。
中期退修假維持了好幾年,直至第二任校長離職,第三任來了個憑關係上位只知權術的女人,見不合全港學校習慣,想取消,但在學校層面討論贏不了我,就上到辦學團體,捧她上位跟她一樣愛弄權術的學務主任下令取消。於是一個善政就從此消失。
無知,因循,守舊,就讓學子,老師不可以在太搶的九至十一月有個透透氣的日子。秋色連波,紅葉如火,想像一下家長父母能和仍在稚齡的子女留下秋天外遊的笑靨,多好!如此臻美的安排,何解取消;如此秋遊佳節,何解辜負!
.
.
2021年8月24日星期二
明報的偏信力
哩份報紙我睇咗幾十年,你話我唔識哩份報紙?我諗冇乜邊個夠資格講,毛都未出齊,書讀得唔多,只懂喪吠嘅更不在話下!
公信力?有過一段時間嘅,八十年代至九十年代初罷,但最有公信力?真係廢噏而已。反而我覺得自金庸售報後,這報紙就變得好有立場,甚至係太有立場!
原本有立場,並不出奇,辦報嘅都係人,係人就有主觀諗法,但明報九十年代中後就明顯偏向西方政治與意識文化,上有所好者,下必有甚焉,結果上下皆黃,公信力逐漸喪失,變得明顯偏信。
睇吓班編採,豢養嘅專欄同部分特約寫手就知。盲信民主,逢美英必是,我早兩日踢沈郁龜的廢文,就是出自這報。
前日又黎,貼了個今昔比較,顯示美國搞阿富汗之前之後的社會分別。哇,各方面都有進步喎,不過連鴉片生產量都係呢。乜原因呢?有嘅,條編輯根本唔知罌粟就係鴉片,仲以為係油菜花之類。又或者,佢會話罌粟係塔利班種嘅,但若果係咁,就冇理由放埋在一個美國功德表內架,可見班編採如何白痴!
為美爸舐糞,跟前幾日隻郁龜思維一樣。其實如果阿富汗人民真係因美國而有幸福感,塔利班又點會有成功返桌的機會,民猶水嘛,不是嗎?
製圖個懵種,有冇諗過伊拉克未被老美搞之前,國家如何富足,人民如何熙熙而樂呢?俾美國一袋洗衣粉藉口搞完後,死咗幾多人同社會有幾殘。
再者,來自法新社哩啲數據係咪真,都存疑。報社最鍾意引述咩權威人士,或者咩可靠消息,跟手就好似洗完黑錢咁,消息就真咗。不過,就當料係真,人口,壽命,嬰兒夭折率,就業,阿富汗俾美入侵後哩廿年似大有進步。咁你又唔諗吓新疆,各項成就指標都高喎,點解你又唔公平啲去肯定,讚揚一下中國治疆的成果,反而跟美歐一個鼻子出氣,或明或喑張揚西方對國家的抹黑呢?
不過哩份報紙都有自知之明,已唔夠胆吹噓甚麼公信力了,兼且國安法立後更聞到味,盡管副刊同大部分來論依然黃黚黚,但社論已較為正常,會有返啲 pro 國家的正論。哈,昏瞶了廿幾年,終於有少少醒喇,但已是來得太遲!
.
.
.
.
2021年8月22日星期日
食屎陳師奶今次食埋貓
影星妮歌潔曼免隔離周街走,你真係相信只係憂廢柴同陳兆恥兩個人嘅事?
成個政府最崇洋嘅非臨阱莫屬,個婆娘以洋為是,一有機會講英文,就 high 九度,就覺得表演機會黎喇,講英文期間飄飄然,覺得自己高人九等,睥睨眾生。其實倫敦街頭個乞兒英文好佢九倍,英文好就係叻人,根本就是個屁信!
今次大明星黎香港,臨阱個婆娘唔 high 有鬼,食屎陳師奶明知老細脾性,點會唔同老細講,唔徵求意見。所以今次厚洋薄己,香港東奧運動員歸港要隔離,個洋婦唔駛,臨阱點可以話唔知卸膊呢,分分鐘最後落槌嘅就係佢。
個婆娘心存大慾,正扭盡六壬跑馬仔,哩壇嘢梗係唔拿上身喇。所以話食屎陳師奶同憂廢柴今次固然要負責,哽埋臨阱隻死貓,自然而然咯!
.
.
2021年8月20日星期五
所謂學者沈旭「輝」的以糞為食
美國倉皇敗走阿富汗,已是昭昭事實。有個以美為是的所謂學者沈郁龜不爽了,最近就貼了篇爛文,一貫的捩橫折曲,話美國背棄阿富汗,並不直接比況台灣。又說阿富汗變天,政局形勢反而不利中國。堆垃圾繼續趴在地上為佢美爸拉下的屎灑香水後深舔。
個所謂學者話,阿富汗政府軍屎啫,但同為美國資助的庫爾德族不死軍勁呀,所以台灣軍隊係屬於後者。條友話因為今日台灣軍隊本土意識漸濃,所以就會像庫爾德族不死軍咁抽得。哈,你話條友係咪 short 架,有本土意識就抽得架嗱,咁全世界九成國家軍隊都抽得喇,仲點分高下呀!台灣軍隊啲蝦碌嘢已經可以編成近代笑史,條友好似了無所覺。
條偽學者又話塔利班掌權,中國就要派重兵守住中阿邊境,以防東突恐怖分子滲透。條友根本唔睇新聞唔知時局。塔利班領導層早前訪華,已宣明不會成為恐怖分子基地,以影響他國,甚至邀請中國重建阿富汗。地理上,中阿接壤只 76 公里,你多派軍隊反而轉唔到身,駛唔駛駐咩重兵呀!
報紙都唔多睇,常識欠奉,一味偏仄,可見哩條友如何浪得虛名,只是個黃媒吹出來的文痞垃圾!
.
.
2021年8月19日星期四
阿富汗解碼
阿富汗戰爭,政府軍節節敗退,美國的所謂軍事情報,認為政府軍可以守住喀布爾三個月,歐美應該有足夠時間徹退。結果沒幾天貨仔就被塔利班進入(不是攻入),美國要倉皇撤退,重演 1975 年的敗走南越,其尷尬處更猶有過之。機場上有阿富汗平民中槍,有人擠不上飛機,攀住起落架,結果半空墜下,有人則在起落架壓成肉塊,真是人間慘事。
最初百思不得其解,阿富汗政府軍怎麽如此窩囊,看多了報紙,才知道貪腐,虛報兵口,尅扣糧餉,皆導致士氣低落,根本就唔想打,結果是不戰而逃。
其實還有一點更真實,到美國聲言喀布爾可以守三個月,潰敗就不會遲到,只會早到。想象一下,假如政府軍也知道最多可守三個月,咁守黎做乜呢?冒住被子彈打爆頭的風險,結果卻是肯定輸梗,軍隊唔田雞過河,各有各撐有鬼!
所以說不怕遇上神一般的對手,最怕有個豬一般的隊友。廿年前美國攻入阿富汗,幾個月就擊敗塔利班,但攻城易,建政難,揼了兩萬億,滅不了塔利班,卻只養肥了貪官,加上策略錯誤,進退失據,只落得個倉皇辭廟,為天下笑!
.
.
2021年8月16日星期一
乜拿物拿,真是個拜屎年代
唔好㷫,要㷫嘅始終係我,一班樣子平凡,卻油頭粉面,了無性格,一出街撞口撞面隨時揾到幾十個的貨式,竟然俾人捧到上天,影像聲音到處轟炸,頂,我都有眼根耳根清淨嘅權利罷,我係咪可以投訴食環署防治虫鼠組,要求搞搞佢!
冇架喇,一個白痴年代,以非為是,以醜為美,當草係寶,缺腦欠智,只顧在崇拜中找尋失落模糊了的自己,知識品味靈魂腐朽闕如,正是世紀末瘋狂敗亡之像!
.
.
2021年8月11日星期三
華叔去後十年,教協湮沒
留下太多疑團。教協敗壞教育,反中亂港,要送入堆填區,事乃必然。但要去到解散嗎?最啟人疑竇的是,解散後那數億資產如何處理?會不會有人在拆骨後,上下其手,中飽私囊?
其實要回到華叔的初心,應該設立信託基金,解散後把資產注入,然後成立一個遠離一切政治意識形態,只關注教師權益的組織。甚至進一步設立獎學金,獎勵傑出學生及支援草根學子,才能貫徹及發揚華叔的精神。
華叔去後,繼任者明顯走錯路,若能重回正軌,才足以慰已逝者之靈。
.
.
.
.
2021年8月10日星期二
2021年8月6日星期五
「我地日本隊」?香港開電視你噏乜呀
今日乒乓男團爭銅牌,南韓對日本,竟然聽到香港開電視某旁述說:「我地日本隊」。我頂呀,聽到火都黎,咩「我地日本隊」呀,唔通旁述嘅你係日本籍?
哈日到咁?講緊中文嘅你,應該都係揸中國香港特區身份證嘅中國人罷,你點可以說「我地日本隊」?
你在傳媒講哩句數典忘祖的話,就係強姦民意,傷害緊香港中國人嘅感情,我唔投訴你仲係人!
以後唔駛旨意我睇你個台,手機 app 都即洗,所有有線嘅係咁先,你繼續蝕錢仆直喇你!
.
.
2021年8月5日星期四
「咀」你個頭咩
詛咒係讀成「阻」咒,或者「佐」 咒呀!
俾你愛回家搞一下,全城又錯多幾成喇!
拍之前問吓人喇,唔該!
.
.
粵音正讀>第40集 咀咒 詛咒 (二)(2011-11-12 00:00:00) (tdm.com.mo)
.
.
2021年8月4日星期三
好煩,若有相同視頻,奧運我都係睇 Viu
無綫啲唔夠專業,搵啲平時不愛運動不識運動的藝員去做主持,講埋啲無謂嘢,正如佢揾兩條儍仔去東京嘻哈度日,開運動員玩笑一樣戇居。
最惡頂嘅係無綫評述員,講嘢滿嘴砂石,語病連連,一句話省去一半都唔會傳唔到意,根本就係揼波鐘,霸佔 airtime。法國選手就法國選手喇,咩「來自法國方面嘅選手」呀,贏得金牌就贏得金牌喇,咩「贏得一面嘅金牌」呀。最毐耳的係 「一有犯錯或者出錯」,我頂呀,犯錯同出錯有乜分別呀!
唉,睇黎患語癌嘅人真係愈來愈多,那個食屎陳師奶又豈只是個獨例。
.
.










